Raj Kundra: “संपूर्ण गोष्ट माहीत नसेल तर..”; पॉर्नोग्राफी प्रकरणातील राज कुंद्राची पोस्ट चर्चेत
पॉर्नोग्राफी प्रकरणात राज कुंद्राचं सत्य बाहेर येईल का? वाचा त्याची 'ही' पोस्ट
अभिनेत्री शिल्पा शेट्टीचा (Shilpa Shetty) पती आणि व्यावसायिक राज कुंद्रा (Raj Kundra) याने सोशल मीडियावर नुकतीच पोस्ट लिहिली आहे. गेल्या वर्षी मुंबई पोलिसांनी राजला पॉर्नोग्राफिक प्रकरणात अटक केली होती. याप्रकरणी लवकरच सत्य बाहेर येईल, असं ट्विट राजने केलं आहे. त्याचप्रमाणे ज्यांना संपूर्ण गोष्ट माहीत नाही, त्यांनी तोंड बंद ठेवावं, असाही सल्ला त्याने या पोस्टमधून दिला. राजला आर्थर रोड तुरुंगातून बाहेर येऊन वर्ष पूर्ण झालं. यानिमित्तानेच त्याने ही पोस्ट लिहिली.
राज कुंद्राची पोस्ट-
‘आर्थर रोड तुरुंगातून बाहेर येऊन आज वर्ष पूर्ण झालं. ही फक्त योग्य वेळेची बाब आहे, न्याय मिळेलच. सत्य लवकरच बाहेर पडेल. माझ्या हितचिंतकांचं आभार आणि ट्रोलर्सचा मी त्याहून अधिक आभारी आहे. तुम्ही मला अजून ताकदवान बनवता’, अशी पोस्ट लिहित राजने स्वत:चा फोटो पोस्ट केला. त्या फोटोवर लिहिलं होतं, ‘जर तुम्हाला संपूर्ण गोष्ट माहीत नसेल तर गप्प बसा.’
One Year Today released from #ArthurRoad Its a matter of time Justice will be served! The truth will be out soon! Thank you well wishers and a bigger thank you to the trollers you make me stronger ? #enquiry #word #mediatrial #trollers pic.twitter.com/KVSpJoNAKo
— Raj Kundra (@TheRajKundra) September 21, 2022
जुलै 2021 मध्ये राजला अटक करण्यात आली होती. त्यानंतर सप्टेंबर 2021 रोजी त्याची जामिनावर सुटका झाली. राज कुंद्रावर अश्लील व्हिडीओ बनवणं आणि ते एका अ‍ॅपद्वारे प्रदर्शित करणं यांसारख्या गंभीर आरोपांमुळे अटक करण्यात आली होती. 50,000 रुपयांच्या वैयक्तिक जातमुचलक्यावर त्याला जामीन मंजूर करण्यात आला.
