राज कुंद्रा चित्रविचित्र मास्क वापरून चेहरा का लपवतो? अखेर कारण आलं समोर
राज कुंद्राने सांगितलं मास्कने चेहरा झाकण्यामागचं नेमकं कारण
मुंबई- पॉर्नोग्राफी प्रकरणात तुरुंगातून सुटल्यानंतर व्यावसायिक आणि अभिनेत्री शिल्पा शेट्टीचा पती राज कुंद्रा बरेच दिवस माध्यमांसमोर आला नव्हता. पण जेव्हा तो माध्यमांसमोर आला, तेव्हा नेहमीच त्याने चित्रविचित्र मास्क वापरत चेहरा झाकण्याचा प्रयत्न केला. पॉर्नोग्राफी प्रकरणात कारवाई झाल्याने तो तोंड लपवतोय, अशा शब्दांत नेटकऱ्यांनी त्याला ट्रोल केलं. मात्र त्यामागचं नेमकं कारण आता समोर आलं आहे. खुद्द राज कुंद्रानेच मास्क वापरण्यामागचं खरं कारण सांगितलं आहे.
‘तुझा चेहरा सर्वांसमोर आण आणि सत्याला सामोरं जा. तू जर काही चांगलं किंवा वाईट केलं असशील तर त्याची जबाबदारी घेण्याची हिंमत ठेव. लोक तू आहेस तसं तुझा स्वीकार करतील’, अशी कमेंट एका युजरने केली होती. त्यावर उत्तर देताना राजने मास्क मागे चेहरा लपवण्याचं कारण सांगितलं.
I don’t hide my face from the public I don’t wish to give media access to me. Not too difficult to understand after the media trial I have been through. ?? #RajAnswers https://t.co/Ef35qsmfGS
— Raj Kundra (@TheRajKundra) October 18, 2022
‘मी लोकांपासून माझा चेहरा लपवत नाही. पण मला मीडियाने माझे फोटो किंवा व्हिडीओ क्लिक करावे अशी माझी अजिबात इच्छा नाही. मी ज्या मीडिया ट्रायलमधून गेलोय, त्यानंतर ही गोष्ट समजायला तुम्हाला कठीण जाणार नाही’, असं त्याने लिहिलं.
गेल्या वर्षी जुलै महिन्यात राज कुंद्राला पॉर्नोग्राफी प्रकरणात अटक झाली होती. दोन महिने तुरुंगात राहिल्यानंतर त्याची जामिनावर सुटका झाली. जामिनाला वर्ष पूर्ण झाल्यानंतर राजने केंद्रीय अन्वेषण विभागाला (सीबीआय) पत्र लिहून या प्रकरणात न्यायाची मागणी केली. मी निर्दोष असून मला या प्रकरणात अडकवण्याचा प्रयत्न केला जातोय, असा दावा त्याने केला आहे.
