Jailer : रजनीकांत यांच्या ‘जेलर’मधील अभिनेत्याला ‘या’ कारणामुळे अटक

कोची : 25 ऑक्टोबर 2023 | रजनीकांत यांच्या ‘जेलर’ या चित्रपटात खलनायकाची भूमिका साकारणारा अभिनेता विनायकन याला मंगळवारी पोलिसांनी अटक केली होती. मद्यधुंद अवस्थेत पोलीस ठाण्यात गोंधळ घातल्याप्रकरणी पोलिसांनी त्याच्यावर अटकेची कारवाई केली होती. नंतर त्याची जामिनावर सुटका करण्यात आली. मद्यधुंद अवस्थेत सार्वजनिक ठिकाणी गोंधळ निर्माण करणे आणि पोलीस स्टेशनच्या कामकाजात अडथळा आणणे या आरोपांखाली एर्नाकुलम उत्तर पोलिसांनी त्याला अटक केली होती.

नेमकं काय आहे प्रकरण?

मिळालेल्या माहितीनुसार, विनायकन राहत असलेल्या अपार्टमेंटमध्ये गोंधळ निर्माण केल्याची तक्रार पोलिसांना मिळाली होती. त्यानंतर चौकशीसाठी त्याला पोलीस ठाण्यात बोलावण्यात आल होतं. विनायकनने असभ्य वर्तन केल्यामुळे त्याच्यावर अटकेची कारवाई करण्यात आली. तो मद्यधुंद अवस्थेत होता असंही आम्हाला समजलं, अशी माहिती एका पोलीस अधिकाऱ्याने दिली.

‘जेलर’मुळे प्रसिद्धी

रजनीकांत यांच्या ‘जेलर’ या चित्रपटाने बॉक्स ऑफिसवर अक्षरशः धुमाकूळ घातला होता. या चित्रपटात रजनीकांत यांचा दमदार अभिनय आणि ॲक्शन पाहायला मिळाला. तर दुसरीकडे खलनायकाची भूमिका साकारणाऱ्या विनायकनने प्रेक्षकांचं विशेष लक्ष वेधलं. विनायकन याने चित्रपटात वर्मन या खलनायकाची भूमिका साकारली होती. ज्या पद्धतीने विनायकन याने वर्मनची भूमिका साकारली, त्यामुळे त्याला देशभरात प्रसिद्धी मिळाली. विनायकन हा दाक्षिणात्य चित्रपटसृष्टीतील प्रसिद्ध अभिनेता आहे.

हे सुद्धा वाचा

Dussehra : दसऱ्यानिमित्त कंगना रनौत बदलणार 50 वर्षे जुनी प्रथा; पहा व्हिडीओ

म्हणून करिश्मा कपूरने आईसमोर शूट केला ‘राजा हिंदुस्तानी’मधील किसिंग सीन; दिग्दर्शकांचा खुलासा

Bigg Boss 17 : युट्यूबरचा बिग बॉसवर गंभीर आरोप; म्हणाला “आम्हाला विकत घेऊन फक्त..”

पत्नी जयासोबत अमिताभ बच्चन यांचे कधीही न पाहिलेले फोटो; चौथा पाहून तुम्हीही हसाल!

विनायकनचं करिअर

विनायकन हा केवळ अभिनेताच नाही तर तो संगीतकार आणि पार्श्वगायकसुद्धा आहे. त्याने मल्याळम आणि तमिळ चित्रपटांमध्ये काम केलंय. 1995 मध्ये मात्रिकम या चित्रपटातून त्याने करिअरची सुरुवात केली. त्यानंतर त्याने अनेक चित्रपटांमध्ये दमदार भूमिका साकारल्या आहेत. मात्र 2016 मध्ये ‘कमातीपद्म’ या चित्रपटातील उल्लेखनीय कामगिरीसाठी त्याला केरळ स्टेट फिल्म अवॉर्ड मिळाला. हा अवॉर्ड त्याला सर्वोत्कृष्ट अभिनेत्याच्या विभागात मिळाला. त्याने या चित्रपटातील एक गाणंसुद्धा संगीतबद्ध केलं होतं. 2016 मधल्या या चित्रपटामुळे त्याला इंडस्ट्रीत खरी ओळख मिळाली. त्यानंतर रजनीकांत यांच्या जेलर या चित्रपटाने त्याच्या करिअरची दिशा आणि दशा बदलली.