जया बच्चन यांच्यावर साधला कंगना रणौतने निशाणा; म्हणाल्या, ‘काही महिला चुकीच्या दिशेने…’
Kangana Ranaut - Jaya Bachchan: 'काही महिला चुकीच्या दिशेने...', जया बच्चन यांच्यावर कंगना रणौत यांनी साधला निशाणा, नक्की प्रकरण काय? कंगना कायम कोणत्या न कोणत्या वादग्रस्त कारणामुळे असते वादाच्या भोवऱ्यात
बॉलिवूड अभिनेत्री आणि खासदार कंगना रणौत कायम कोणत्या न कोणत्या कारणामुळे चर्चेत असतात. अनेक मुद्द्यांवर स्वतःची ठाम भूमिका मांडत कंगना वादाच्या भोवऱ्यात असतात. बॉलिवूडमध्ये पदार्पण केल्यानंतर कंगना यांनी राजकारणात प्रवेश केला. दरम्यान, नुकताच झालेल्या एका मुलाखतीत कंगना यांनी अभिनेत्री जया बच्चन यांच्यावर निशाणा साधला आहे. सध्या सर्वत्र फक्त आणि फक्त जया बच्चन – कंगना रणौत यांची चर्चा रंगली आहे.
नुकताच झालेल्या मुलाखतीत कंगना यांनी जया बच्चन यांना स्त्रीवादबद्दल सुनालं आहे. सांगायचं झालं तर, काही दिवसांपूर्वी अभिनेत्री जया बच्चन यांचा एक व्हिडीओ सोशल मीडियावर तुफान व्हायरल झाला होता. ज्यामध्ये जया बच्चन अध्यक्षांवर रागावताना दिसत होत्या. या नाराजीचे कारण म्हणजे अध्यक्षांनी जया बच्चन यांना पती अमिताभ यांच्या नावाने हाक मारली होती.
पतीच्या नावाने हाक मारल्यानंतर जया बच्चन प्रचंड रागावल्या होत्या. महिलांना स्वतःची ओळख नाही का? असा प्रश्न जया बच्चन यांनी उपस्थित केला. पण त्यानंतर जया यांनी स्वतःचे शब्द देखील मागे घेतले. व्हिडीओ मोठ्या प्रमाणात व्हायरल झाल्यानंतर जया बच्चन यांनी ‘मला माझ्या पतीवर आणि त्यांच्या कतृत्वावर गर्व आहे..’ असं म्हणाल्या होत्या.
यावर कंगना यांना विचारण्यात आलं. कंगना म्हणाल्या, ‘ही फार लाजीरवाणी गोष्ट आहे. निसर्गाने महिला आणि पुरुषांना वेगळं बनवलं आहे. दोघांमध्ये देखील अंतर आहे. पण सध्याच्या घडीच्या स्त्रीवादाच्या नावाखाली काही महिला चुकीच्या मार्गाने जात आहेत. आपला समाज आता उद्धटपणाच्या दिशेने जात आहे. लोकांना वाटतं माझी ओळख मागे राहात आहे. त्यांना पॅनिक अटॅक येऊ लागतो. लोकं आता इतके घाबरले आहेत… ही प्रचंड चुकीची गोष्ट आहे.’ असं देखील कंगना रणौत म्हणाले.
कंगना रणौत यांच्याबद्दल सांगायचं झालं तर, कंगना रणौत यांनी हिमाचल येथील मंडी मतदार संघातून पहिल्यांदा निवडणूक लढवली आणि खासदर झाल्या. राजकारणार प्रवेश केल्यामुळे कंगना चर्चेत असतात. कंगना कायम त्यांच्या वादग्रस्त वक्तव्यांमुळे देखील चर्चेत असतात.
फक्त राजकारणावरच नाही तर, कंगना रणौत बॉलिवूड सेलिब्रिटींवर देखील निशाणा साधत असतात. कंगना यांनी अनेकदा दिग्दर्शक करण जोहर यांच्यावर निशाणा साधला आहे. शिवाय कंगना बॉलिवूडमधील घराणेशाही आणि गटबाजीबद्दल देखील बोलत असतात.
