लता मंगेशकरांनी आज कसं गायल असतं ‘राम आएंगे’ भजन? चाहत्यांचे डोळे पाणावले
ram mandir pran pratishtha : आज लता मंगेशकर असत्या तर असं गायल असतं 'राम आएंगे' भजन, चाहत्यांचे डोळे पाणावले, व्हायरल होत असलेलं व्हिडीओ पाहून व्हाल भावुक... संपूर्ण जगात उत्साहाचं आणि राममय वातावरण...
ram mandir pran pratishtha : गानसम्राज्ञी, भारतरत्न लता मंगेशकर (Bharatratn Lata Mangeshkar) आज आपल्यात नसल्या तरी, त्यांच्या अनेक आठवणी चाहत्यांच्या मनात कायम आहेत. देशात कोणताही महत्त्वाचा कार्यक्रम असला, तर लता मंगेशकर यांच्या आठवणी ताज्या होतात आणि आज लता दिदी असत्या तर… अशी भावना प्रत्येक भारतीयाच्या मनात येते. आज देखील लता मंगेशकर यांचा आवाज ऐकण्यासाठी चाहते उत्सुक असतात. म्हणून लता मंगेशकर यांच्या आवाजातील ‘राम आयेंगे’ गाण्याचा व्हिडीओ सोशल मीडियावर तुफान व्हायरल होत आहे.
लता मंगेशकर यांच्या आवाजातील व्हायरल होत असलेलं ‘राम आयेंगे…’ AI च्या मदतीने तयार करण्यात आलं आहे. गाणं ऐकून चाहते भावुक झाले आहेत. सध्या लता मंगेशकर यांच्या आवाजातील व्हिडीओ सोशल मीडियावर तुफान व्हायरल होत आहे. चाहते व्हिडीओवर लाईक्स आणि कमेंटचा वर्षाव करत आहेत.
The most appropriate use of AI so far… pic.twitter.com/ClkDSF9e6u
— Ranvijay Singh (@ranvijayT90) January 20, 2024
लता मंगेशकर त्यांच्या मधूर आवाज आणि नम्र स्वभावासाठी ओळखल्या जातात. लता दिदी यांच्या निधनला दोन वर्ष झाली आहे. तरी देखील आजही चाहत्यांच्या मनात लता दीदी यांत्यावर असलेलं प्रेम कायम आहे. आता एक्स युजरने (ट्विटर) एक व्हिडीओ पोस्ट केलं आहे. AI लता दीदी यांचा व्हिडीओ तयार करण्यात आला आहे.
व्हिडीओ अनेकांनी कमेंट करत भावना व्यक्त केल्या आहे. एक नेटकरी कमेंट करत म्हणाला, ‘मला नाही माहिती हे ऐकून माझ्या डोळ्यात अचानक अश्रू आले…’, दुसरा नेटकरी म्हणाला, ‘लता दीदी यांचा आवाज ऐकल्यानंतर माझ्या डोळ्यात पाणी आलं…’ तर अनेकांनी व्हिडीओ तयार करणाऱ्यांचे आभार मानले आहेत.
लता मंगेशकर
लता मंगेशकर यांचं निधन 6 फेब्रुवरी 2022 मध्ये झालं. वयाच्या 92 वर्षी जगाचा निरोप घेतला आहे. प्रकृती खालावल्यामुळे लता दीदी यांच्यावर मुंबईतील ब्रीच कँडी (breach candy hospital) रुग्णालयात उपचार सुरू होते. लता दीदी यांनी अनेक बॉलिवूड सिनेमांसाठी गाणी गायली. एवढंच नाही तर, लता दीदी यांनी अनेक भाषांमध्ये देखील गाणी गायली आहेत.
