Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Manoj Joshi | ‘देवदास’च्या शूटिंगदरम्यान स्ट्रोक, 4 दिवस कोमामध्ये, नेत्रदृष्टीही गेली; मनोज जोशी यांचा मोठा खुलासा

दिग्गज अभिनेते मनोज जोशी यांनी नुकत्याच दिलेल्या एका मुलाखतीत आरोग्याविषयी मोठा खुलासा केला. देवदास या चित्रपटाच्या शूटिंगदरम्यान स्ट्रोक आल्याचं त्यांनी सांगितलं. या स्ट्रोकमुळे ते चार दिवस कोमात होते. इतकंच नव्हे तर त्यांची दृष्टीही गेली होती.

Manoj Joshi | 'देवदास'च्या शूटिंगदरम्यान स्ट्रोक, 4 दिवस कोमामध्ये, नेत्रदृष्टीही गेली; मनोज जोशी यांचा मोठा खुलासा
Manoj JoshiImage Credit source: Instagram
Follow us
| Updated on: Sep 21, 2023 | 10:57 AM

मुंबई | 21 सप्टेंबर 2023 : बॉलिवूडमधील प्रसिद्ध अभिनेते मनोज जोशी यांनी आपल्या दमदार अभिनयकौशल्याने प्रेक्षकांच्या मनात वेगळं स्थान निर्माण केलं. हेरा फेरी, चुप चुप के, हंगामा, खट्टा मीठा, देवदास यांसारख्या 100 हून अधिक चित्रपटांमध्ये त्यांनी भूमिका साकारल्या आहेत. नुकतेच ते आयुषमान खुरानाच्या ‘ड्रीम गर्ल 2’ या चित्रपटात झळकले होते. एका मुलाखतीत त्यांनी त्यांच्या प्रकृतीविषयी मोठा खुलासा केला. स्ट्रोकमुळे जवळपास दीड वर्ष झोपून राहावं लागलं होतं, असं ते म्हणाले. इतकंच नव्हे तर त्यामुळे त्यांच्या दृष्टीवरही त्याचा परिणाम झाला होता. नुकत्याच दिलेल्या एका मुलाखतीत मनोज जोशींनी प्रकृतीविषयी सांगितलं.

‘राजश्री अनप्लग्ड’ या युट्यूब चॅनलला दिलेल्या मुलाखतीत मनोज जोशी हे त्यांच्या आयुष्यातील सर्वात कठीण काळाविषयी मोकळेपणे व्यक्त झाले. संजय लीला भन्साळी दिग्दर्शित ‘देवदास’ या चित्रपटाच्या शूटिंगदरम्यान त्यांना स्ट्रोक आला होता. “2001 मध्ये मी आजारी पडलो होतो. मला स्ट्रोक आला होता आणि जवळपास दीड वर्षापर्यंत मी रुग्णालयात बेडवर होतो. देवदास या चित्रपटाच्या शूटिंगदरम्यान मी आजारी पडलो होतो. त्यावेळी मी चार दिवस कोमामध्ये होतो. माझी नेत्रदृष्टी गेली होती. 19 दिवसांपर्यंत मला काहीच दिसत नव्हतं. हा माझा जणू पुनर्जन्म आहे. रुग्णालयात असताना माझा बँक बॅलेन्स शून्य झाला होता आणि माझ्या उपचाराचा खर्च उचलण्यासाठी पत्नीला ट्युशन घ्यावे लागले होते”, असं त्यांनी सांगितलं.

हे सुद्धा वाचा

याविषयी ते पुढे म्हणाले, “2003 मध्ये मला ‘कहता है दिल’मध्ये काम करण्याची संधी मिळाली होती. यामध्ये मी खलनायकाची भूमिका साकारली होती. मला सुरुवातीला फक्त चार दिवसांचं काम मिळालं होतं. मात्र नंतर माझी भूमिका वाढवली गेली आणि अखेर मी या मालिकेच्या मुख्य कलाकारांपैकी एक झालो. त्यानंतर मला हंगामा, हलचल यांसारखे चित्रपट मिळाले. निर्माते प्रियदर्शन यांच्यासोबत मी 12 चित्रपटांमध्ये काम केलंय.”

‘ड्रीम गर्ल 2’च्या आधीही मनोज जोशी यांनी बऱ्याच विनोदी भूमिका साकारल्या आहेत. ‘फिर हेरा फेरी’ या चित्रपटातील त्यांची कचरा सेठची भूमिका चांगलीच गाजली होती. त्या भूमिकेवरून आजही सोशल मीडियावर मीम्स व्हायरल होतात. मनोज जोशी यांचा जन्म 3 सप्टेंबर 1965 रोजी गुजरातच्या हिम्मत नगरमध्ये झाला. त्यांनी मराठी रंगभूमीपासून आपल्या अभिनय कारकिर्दीला सुरुवात केली. याशिवाय त्यांनी हिंदी आणि गुजराती भरपूर रंगभूमीवरही काम केले.

बोलायला फोन, स्वतंत्र जेवण अन्..., देशमुखांच्या आरोपींचा राजेशाही थाट
बोलायला फोन, स्वतंत्र जेवण अन्..., देशमुखांच्या आरोपींचा राजेशाही थाट.
वक्फ बिलाबद्दल ठाकरेंच्या शिवसेनेची भूमिका अस्पष्टच
वक्फ बिलाबद्दल ठाकरेंच्या शिवसेनेची भूमिका अस्पष्टच.
जर बाळासाहेब असते तर तुम्ही..., श्रीकांत शिंदे संतापले
जर बाळासाहेब असते तर तुम्ही..., श्रीकांत शिंदे संतापले.
धसांच्या आरोपांवर किरण जाधवांनी बोलणं टाळलं, कॅमेरा बघताच ठोकली धूम
धसांच्या आरोपांवर किरण जाधवांनी बोलणं टाळलं, कॅमेरा बघताच ठोकली धूम.
दाऊदचा उजवा हात म्हणून ओळख; टायगर मेमन पुन्हा का आला चर्चेत
दाऊदचा उजवा हात म्हणून ओळख; टायगर मेमन पुन्हा का आला चर्चेत.
अंबरनाथच्या बँकेत मनसेचा राडा; अमराठी बँक मॅनेजरला धरलं धारेवर
अंबरनाथच्या बँकेत मनसेचा राडा; अमराठी बँक मॅनेजरला धरलं धारेवर.
'नाहीतर आमची आवस्था...', सदाभाऊ काय म्हणाले की सगळेच पोट धरून हसले
'नाहीतर आमची आवस्था...', सदाभाऊ काय म्हणाले की सगळेच पोट धरून हसले.
अबीर गुलालच्या प्रदर्शनाचा मुद्दा पेटला; मनसे आक्रमक
अबीर गुलालच्या प्रदर्शनाचा मुद्दा पेटला; मनसे आक्रमक.
कुणी पैसे काढून घेत असेल तर...लाडक्या बहिणींना पंकजाताई काय म्हणाल्या?
कुणी पैसे काढून घेत असेल तर...लाडक्या बहिणींना पंकजाताई काय म्हणाल्या?.
धनंजय देशमुख अजित पवारांच्या भेटीसाठी दाखल
धनंजय देशमुख अजित पवारांच्या भेटीसाठी दाखल.