AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Prakash Raj | ‘सिंघम’च्या जयकांत शिक्रेनं हिटलरशी केली पंतप्रधान मोदींची; फोटो शेअर करत म्हणाले..

पंतप्रधान नरेंद्र मोदींची तुलना हिटलरशी करण्याची ही काही त्यांची पहिलीच वेळ नाही. याआधीही त्यांनी अशाच पद्धतीचे ट्विट केले होते. याआधी ट्विटरवर शेअर केलेल्या एका फोटोमध्ये नरेंद्र मोदी आणि दुसऱ्या फोटोमध्ये हिटलर हे वर्तमानपत्र वाचताना दिसत आहेत.

Prakash Raj | 'सिंघम'च्या जयकांत शिक्रेनं हिटलरशी केली पंतप्रधान मोदींची; फोटो शेअर करत म्हणाले..
Prakash Raj and ModiImage Credit source: Twitter
Follow us
| Updated on: May 05, 2023 | 9:15 AM

मुंबई : दाक्षिणात्य चित्रपटसृष्टीसोबतच बॉलिवूडमध्ये दमदार भूमिका साकारणारे अभिनेते प्रकाश राज हे त्यांच्या बेधडक वक्तव्यांसाठी ओळखले जातात. सोशल मीडियावर सक्रिय असणारे प्रकाश राज अनेकदा सरकारवर निशाणा साधताना दिसतात. अभिनेत्यासोबतच ते एक राजकारणीसुद्धा आहेत. ट्विटरवर बऱ्याचदा ते पंतप्रधान नरेंद्र मोदींवर आणि भाजपवर टीका करतात. आता नुकत्याच केलेल्या एका ट्विटमध्ये प्रकाश राज यांनी मोदींशी तुलना थेट हिटलरशी केली आहे. ‘सिंघम’ फेम प्रकाश राज यांनी पुन्हा एकदा मोदींवर निशाणा साधत एक फोटो पोस्ट केला आहे. या फोटोमध्ये त्यांनी मोदींची तुलना हिटलरशी केली आहे. त्याचसोबत या देशाचं भविष्य धोक्यात असल्याचं म्हटलंय.

गेल्या काही दिवसांपासून देशात पहलवानांचा मुद्दा चर्चेत आहे. बृजभूषण शरण सिंहविरोधात ते निदर्शनं करत आहेत. हे प्रकरण प्रत्येक दिवशी वाढत जात आहे. विविध क्षेत्रातील नामांकित व्यक्ती त्यावर प्रतिक्रिया देत आहेत. काहीजण त्यांना पाठिंबा देत आहेत, तर काही जण त्यांना सल्ले देत आहेत. यादरम्यान प्रकाश राज यांनी पंतप्रधान नरेंद्र मोदींवर निशाणा साधला आहे.

हे सुद्धा वाचा

प्रकाश राज यांचं ट्विट

प्रकाश राज यांनी ट्विटरवर मोदींचा एक फोटो शेअर केला आहे. या फोटोमध्ये त्यांच्यासमोर लहान मुलं दिसत आहेत. मुलं आणि मोदी यांच्यामध्ये एक काटेरी तार आहे. या फोटोसोबत प्रकाश राज यांनी हिटलरचाही फोटो पोस्ट केला आहे. हिटलरलाही अशाच प्रकारे पहायला मिळत आहे. हिटलरसमोर काही लहान मुलं आहेत आणि त्यांच्या मध्ये काटेरी तार आहे. हा फोटो शेअर करत त्यांनी लिहिलं, ‘इतिहासाची पुनरावृत्ती होते.. भविष्य या काटेरी तारांच्या मागे आहे.. आताच सावध व्हा!’ प्रकाश राज यांच्या या ट्विटवरून भाजप समर्थकांनी जोरदार टीका केली आहे.

प्रकाश यांनी याआधीही हिटलरशी केली मोदींची तुलना

पंतप्रधान नरेंद्र मोदींची तुलना हिटलरशी करण्याची ही काही त्यांची पहिलीच वेळ नाही. याआधीही त्यांनी अशाच पद्धतीचे ट्विट केले होते. याआधी ट्विटरवर शेअर केलेल्या एका फोटोमध्ये नरेंद्र मोदी आणि दुसऱ्या फोटोमध्ये हिटलर हे वर्तमानपत्र वाचताना दिसत आहेत. ‘पुन: अवतार.. हे कोणी केलं? फक्त विचारतोय’, असं कॅप्शन देत त्यांनी हे फोटो शेअर केले होते. प्रकाश राज यांच्या या ट्विटवरूनही मोठा वाद निर्माण झाला होता.

महाराष्ट्र मॉक ड्रिलसाठी तयार; राज्यात कुठे-कुठे होणार मॉक ड्रिल?
महाराष्ट्र मॉक ड्रिलसाठी तयार; राज्यात कुठे-कुठे होणार मॉक ड्रिल?.
संयुक्त राष्ट्रासमोर पाकिस्तान तोंडघाशी पडलं, बैठकीत नाचक्की
संयुक्त राष्ट्रासमोर पाकिस्तान तोंडघाशी पडलं, बैठकीत नाचक्की.
मॉक ड्रिलसाठी ठाणे प्रशासन सज्ज, रेल्वे प्रशासनाने केली तयारी
मॉक ड्रिलसाठी ठाणे प्रशासन सज्ज, रेल्वे प्रशासनाने केली तयारी.
उद्या मॉक ड्रिलमध्ये सहभागी व्हा; भाजप आणि संघ परिवाराला सूचना
उद्या मॉक ड्रिलमध्ये सहभागी व्हा; भाजप आणि संघ परिवाराला सूचना.
पुण्यात 76 ठिकाणी एकाच वेळी होणार मॉक ड्रिल
पुण्यात 76 ठिकाणी एकाच वेळी होणार मॉक ड्रिल.
दादारमधील डिसिल्वा शाळेत सायरन वाजले, नागपूरमध्येही मॉक ड्रिलची तयारी
दादारमधील डिसिल्वा शाळेत सायरन वाजले, नागपूरमध्येही मॉक ड्रिलची तयारी.
गजवा-ए-हिंद करण्याची संधी देताय म्हणून.., पाकिस्तानी मौलानांची डरपोक्त
गजवा-ए-हिंद करण्याची संधी देताय म्हणून.., पाकिस्तानी मौलानांची डरपोक्त.
खासदार घाबरले, पंतप्रधानही गायब झाले; पाकिस्तानी नेत्यांमध्ये भीती
खासदार घाबरले, पंतप्रधानही गायब झाले; पाकिस्तानी नेत्यांमध्ये भीती.
वैद्यकीय महाविद्यालयाला अहिल्यादेवी होळकरांचं नाव देणार - मुख्यमंत्री
वैद्यकीय महाविद्यालयाला अहिल्यादेवी होळकरांचं नाव देणार - मुख्यमंत्री.
हल्ल्यापूर्वी अलर्ट दिला होता, म्हणून मोदींनी... काँग्रेसचा मोठा दावा
हल्ल्यापूर्वी अलर्ट दिला होता, म्हणून मोदींनी... काँग्रेसचा मोठा दावा.