‘भाईजान’ पुन्हा एकदा कोरोना वॉरिअर्सच्या मदतीला धावला, ‘फ्रंटलाइन वर्कर्स’साठी पाठवले फूड किट्स!
देशभरात कोरोनाची प्रकरणे झपाट्याने वाढत आहेत. गेल्या वर्षी सलमान खान (Salman Khan) याने कोरोनाशी दोन हात करत असताना गरजूंना अन्नधान्याचे किट आणि पैसे दान केले होते. आता पुन्हा एकदा सलमान मदतीसाठी पुढे आला आहे.
मुंबई : देशभरात कोरोनाची प्रकरणे झपाट्याने वाढत आहेत. गेल्या वर्षी सलमान खान (Salman Khan) याने कोरोनाशी दोन हात करत असताना गरजूंना अन्नधान्याचे किट आणि पैसे दान केले होते. आता पुन्हा एकदा सलमान मदतीसाठी पुढे आला आहे. रिपोर्टनुसार सलमान खान फ्रंटलाईन कामगारांसाठी फूड किट्स पाठवत आहे. तो सर्वांना या फूड किटचे वाटप करत आहे. युवा सेनेचे नेते राहुल कनल यांनी याबाबत माहिती दिली आहे. राहुल म्हणाले की, सलमान पोलीस अधिकारी, बीएमसी कर्मचारी आणि आरोग्य कर्मचार्यांच्या मदतीसाठी पुन्हा एकदा पुढे आला आहे (Salman Khan distributing Food kits to frontline workers during corona pandemic).
एका प्रसिद्ध वृत्तपत्राशीशी बोलताना राहुल म्हणाले की, सलमान जे फूड किट देत आहे त्यात मिनरल वॉटर, चहा, बिस्किटे आणि स्नॅक्सचा समावेश आहे. उपमा, पोहे, वडा पाव आणि पावभाजी या पदार्थांचा देखील यात समावेश आहे. पुढे ते म्हणाले, ‘आम्ही मिळून एक हेल्पलाईन नंबर देखील सुरू केला आहे, ज्यावर फ्रंटलाईन कामगार (Frontline Workers) कॉल करू शकतात आणि मदतीसाठी विचारणा करू शकतात. त्यानंतर आम्ही त्यांच्या भागात जाऊन त्यांना मदत करू. त्यांच्या कामाबद्दल धन्यवाद म्हणण्याची ही सलमानची खास शैली आहे. हे सर्व 15 मेपर्यंत सुरू राहणार आहे.’
आतापर्यंत सलमानने वरळी आणि जुहूमधील फ्रंटलाइन वर्कर्सना मदत केली असून येत्या काही आठवड्यांत मुंबईतील इतर शहरांमध्येही मदत दिली जाईल, असेही राहुल यांनी सांगितले.
‘राधे’चा ट्रेलर होणार लाँच
‘भाईजान’ अर्थात सलमान खानच्या व्यावसायिक आयुष्याबद्दल बोलायचे, तर आज म्हणजे 22 एप्रिलला त्याच्या ‘राधे’ या चित्रपटाचा ट्रेलर प्रदर्शित होणार आहे. त्यांचे चाहते या चित्रपटाची कितीतरी दिवस प्रतीक्षा करत आहेत. या चित्रपटामध्ये सलमानबरोबर दिशा पाटनी, रणदीप हूडा आणि जॅकी श्रॉफ मुख्य भूमिकेत दिसणार आहेत (Salman Khan distributing Food kits to frontline workers during corona pandemic).
विशेष म्हणजे हा चित्रपट एकाच दिवशी थिएटर आणि ओटीटी प्लॅटफॉर्मवर प्रदर्शित होणार आहे. 13 मे रोजी हा चित्रपट रिलीज करून सलमान खान चाहत्यांना ईदची खास भेट देणार आहे.
जॉन अब्राहमशी टक्कर!
याक्षणी, सलमान खानचा ‘राधे’ बॉक्स ऑफिसवर जॉन अब्राहमच्या ‘सत्यमेव जयते 2’शी स्पर्धा करण्यास सज्ज झाला आहे. ‘राधे’ हा चित्रपट 13 मे रोजी रिलीज होत आहे आणि ‘सत्यमेव जयते 2’ देखील त्याच दिवशी रिलीज होईल. यापूर्वी ‘सत्यमेव जयते 2’ 14 एप्रिल रोजी प्रदर्शित होणार होता, परंतु नंतर चित्रपटाच्या प्रदर्शनाची तारीख बदलण्यात आली. पडद्यावर कोणता चित्रपट रसिकांचे मन जिंकतो, याकडे आता सर्वांचे लक्ष लागले आहे.
(Salman Khan distributing Food kits to frontline workers during corona pandemic)
हेही वाचा :
आदेश भाऊजींचे पुन्हा Work From Home, देवमाणूस बेळगावात, झी मराठीच्या मालिकांचं शूट कुठे?
‘मिरर सेल्फी’ घेत श्वेता तिवारीने फ्लाँट केली टोन्ड बॉडी, फिटनेसच्या बाबतीत लेकीलाही तगडी स्पर्धा!#ShwetaTiwari | #MirrorSelfie | #fitness | #Entertainment https://t.co/xkHZC7QnwG
— TV9 Marathi (@TV9Marathi) April 22, 2021
