Salman Khan याचं सर्वात मोठं सत्य अखेर सर्वांसमोर; प्रसिद्ध अभिनेत्याकडून भाईजनची पोलखोल
सलमान खान याच्याबद्दल 'ही' एक गोष्ट कोणालाच नव्हती माहिती... अनेक वर्षांनंतर भाईजानचं मोठं सत्य समोर... सध्या सर्वत्र सलमान खान याच्या खासगी आयुष्याची चर्चा...
मुंबई | 9 ऑगस्ट 2023 : अभिनेता सलमान खान (Salman Khan) कायम कोणत्या न कोणत्या कारणामुळे चर्चेत असतो. सिनेमे, प्रेम प्रकरणं, वाद… अनेक कारणांमुळे सलमान खान वादाच्या भोवऱ्यात देखील अडकतो. पण आता भाईजान एका वेगळ्या कारणामुळे चर्चेत आला आहे. रिऍलिटी शोमध्ये देखील सलमान त्याच्या खासगी आयुष्याबद्दल अनेक गोष्टी सांगत असतो. पण बॉलिवूडचे अनेक सेलिब्रिटी सलमान खान याच्याबद्दल बोलणं टाळतात. पण सलमान खान याच्याबद्दल अभिनेता जॅकी श्रॉफ, संजय दत्त स्पष्ट बोलताना दिसतात. अशात सलमानकडे ऐकून घेण्याशिवाय कोणताच पर्याय नसतो.. आता देखील सलमान खान याचा एक व्हिडीओ तुफान व्हायरल होत आहे.
सलमान खान याच्या ‘दस का दम’ शोमध्ये जेव्हा जॅकी श्रॉफ, संजय दत्त यांनी हजेरा लावली होती तेव्हा दोन्ही अभिनेते मोठ्या उत्साहाने शूट करत होते. शोमध्ये तिघे त्यांचा मद्यपान करण्याचा अनुभव शेअर करत होते. याच दरम्यान जॅकी श्रॉफ याने सलमान खान याच्याबद्दल मोठं वक्तव्य केलं. ज्यामुळे जमलेले प्रेक्षक देखील पोट धरुन हसू लागले.
View this post on Instagram
शोमध्ये सलमान खान, संजय दत्त आणि जॅकी श्रॉफ दारु प्यायल्यामुळे होणाऱ्या नुकसान आणि फायद्याबद्दल बोलत होते. दस का दम शोच्या एका एपिसोडमध्ये सलमान खान याने भारतात दारूच्या विक्रीबद्दल प्रश्न विचारला. भाईजान म्हणाला, ‘दारु पिऊ नका कारण, दारु डोक्यावरील केसापासून ते पायाच्या नखांपर्यंत आरोग्यास घातक असते..’
यावर संजूबाबा म्हणाला, ‘“दोन पेगच्यावर दारु प्यायची नाही…अजिबात नाही.. दारू हृदयासाठी घातक आहे..’, एवढंच नाही तर संजय दत्त प्रेक्षकांना रेड वाईन पिण्याचा सल्ला देतो. पुढे जॅकी श्रॉफ सलमान खान याची पोलखोल करतो…
जॅकी म्हणतो, ‘सर्वात जास्त पिणारा सांगत आहे, कमी प्या…’ यावर प्रेक्षक देखील पोट धरुन हसू लागतात. अखेर सलमान खान हैराण होतो आणि विषय टाळू लागतो.. सध्या तिघांचा व्हिडीओ सोशल मीडियावर तुफान व्हायरल होत आहे. चाहते देखील व्हिडीओवर लाईक्स आणि कमेंटचा वर्षाव करताना दिसत आहेत.
