तेरा कोटींची खरेदी, आताची किंमत 200 कोटींहून अधिक; शाहरुख खान ते प्रियांका चोप्रा.. पहा सेलिब्रिटींच्या बंगल्यांची किंमत
मन्नतमध्ये शिफ्ट होण्याआधी तो अमृत नावाच्या एका बिल्डिंगमधील फ्लॅटमध्ये राहायचा. या फ्लॅटमध्ये कोणतीही आलिशान सुविधा उपलब्ध नव्हती. शाहरुख-गौरीचं हे घर सर्वसामान्यांप्रमाणे होतं.
मुंबई : बॉलिवूड सेलिब्रिटींची आलिशान लाइफस्टाइल ही चाहत्यांसाठी नेहमीच आकर्षणाचा विषय ठरते. इंडस्ट्रीत वर्षानुवर्षे कठोर मेहनत केल्यानंतर, कोट्यवधींची संपत्ती कमावल्यानंतर शाहरुख खान, अक्षय कुमार, अमिताभ बच्चन यांसारख्या सेलिब्रिटींनी स्वत:साठी आणि कुटुंबीयांसाठी महागडे घर खरेदी केले आहेत. मुंबईतील काही सेलिब्रिटींची घरं की चाहत्यांसाठी आणि पर्यटकांसाठी जणू सेल्फी पॉईंटच ठरली आहेत. यात शाहरुखचा ‘मन्नत’, सलमानचा ‘गॅलेक्सी’, बिग बींचा ‘जलसा’ या बंगल्यांचा आणि अपार्टमेंट्सचा समावेश आहे. या बंगल्यांची आजची किंमत ऐकून तुमचेही डोळे विस्फारतील.
हिंदी सिनेसृष्टीत शाहरुख खानची बातच काही और आहे. जवळपास तीस वर्षांच्या करिअरमध्ये शाहरुखने एकापेक्षा एक दमदार भूमिका साकारल्या आहेत. याच चित्रपटांच्या जोरावर त्याने चाहत्यांच्या मनात स्थान निर्माण केलं आहे. मुंबईतील वांद्रे परिसरात त्याचा ‘मन्नत’ नावाचा बंगला आहे. 2001 मध्ये त्याने 13.32 कोटी रुपयांचा हा बंगला विकत घेतला होता. या सहा मजली आलिशान बंगल्याची आजची किंमत तब्बल 200 कोटी रुपयांहून अधिक आहे. शाहरुखची पत्नी गौरी खानने या घराचं इंटेरिअर डिझायनिंग केलं आहे.
मन्नत बंगला खरेदी करण्यापूर्वी शाहरुख त्याच्या पत्नीसोबत एका फ्लॅटमध्ये राहायचा. हा फ्लॅट वांद्रे याठिकाणी समुद्रकिनारी होता. एका मुलाखतीदरम्यान शाहरुखने या फ्लॅटचा उल्लेखसुद्धा केला होता.
शाहरुख खानचा बंगला
View this post on Instagram
मन्नतमध्ये शिफ्ट होण्याआधी तो अमृत नावाच्या एका बिल्डिंगमधील फ्लॅटमध्ये राहायचा. या फ्लॅटमध्ये कोणतीही आलिशान सुविधा उपलब्ध नव्हती. शाहरुख-गौरीचं हे घर सर्वसामान्यांप्रमाणे होतं. मन्नतमध्ये राहायला गेल्यानंतर शाहरुखने त्याचा फ्लॅट भाडेतत्त्वावर दुसऱ्यांना राहायला दिला.
अमिताभ बच्चन यांचा बंगला
View this post on Instagram
बॉलिवूडचे महानायक अर्थात अमिताभ बच्चन हे मुंबईत ‘जलसा’ या बंगल्यात कुटुंबीयांसोबत राहतात. बिग बी हा बंगला खरेदी करू शकले नव्हते असं म्हटलं जातं. सत्ते पे सत्ता या चित्रपटात काम केल्यानंतर रमेश सिप्पी यांनी बिग बींना ‘जलसा’ बंगला भेट म्हणून दिला होता. या बंगल्याची किंमत जवळपास 100 ते 120 कोटी रुपये आहे.
अक्षय कुमारचं आलिशान घर
View this post on Instagram
बॉलिवूडचा खिलाडी अर्थात अक्षय कुमारचं घर मुंबईतील जुहू बीचजवळ आहे. त्याच्या घराची किंमत जवळपास 80 कोटी रुपये असल्याचं कळतंय. अभिनेत्री प्रियांका चोप्राने बॉलिवूडमध्ये स्वत:चं वेगळं स्थान निर्माण केलं. तिचं केवळ भारतातच नाही तर अमेरिकेतही घर आहे. निक जोनासशी लग्न केल्यानंतर तिने लॉस एंजिलिसमध्ये 20 दशलक्ष डॉलर्स म्हणजेच जवळपास 164 कोटी रुपयांचं आलिशान घर विकत घेतलं.
