Sunny Deol | ‘हा तर जया बच्चनचा पुरुषी व्हर्जन’; सेल्फी घेणाऱ्या चाहत्यावर ओरडल्याने सनी देओल ट्रोल
या व्हिडीओवर नेटकऱ्यांकडून विविध प्रतिक्रिया येत आहेत. 'इतका अहंकार बरा नव्हे' असं एकाने लिहिलं आहे. तर 'हा जया बच्चनचा पुरुषी व्हर्जन आहे' असं दुसऱ्या युजरने म्हटलं आहे. 'योग्य वेळ आल्यावर प्रत्येकाचा अहंकार मोडतो', असंही नेटकऱ्यांनी लिहिलं आहे.
मुंबई | 18 ऑगस्ट 2023 : आजवर ज्येष्ठ अभिनेत्री जया बच्चन यांना नेहमीच पापाराझींसमोर आणि चाहत्यांसमोर भडकताना पाहिलं गेलं आहे. जया बच्चन यांना त्यांचे फोटो क्लिक केलेले आणि त्यांच्यासोबत सेल्फी केलेलं आवडत नाही. म्हणूनच कॅमेरासमोर त्या नेहमी चिडलेल्या दिसतात. मात्र असाच काहीसा स्वभाव नुकताच अभिनेता सनी देओलचा पहायला मिळाला. त्याचा एक व्हिडीओ सध्या सोशल मीडियावर व्हायरल होत आहे. या व्हिडीओतील त्याची वागणूक पाहून नेटकरी त्याची तुलना जया बच्चन यांच्याशी करत आहेत. सनी देओलचा हा व्हिडीओ एअरपोर्टवरील असून एक चाहता त्याच्यासमोर सेल्फी क्लिक करण्यासाठी येतो. त्याच वेळी सनी असं काही बोलतो, ज्यामुळे नेटकरी त्याला ट्रोल करत आहेत.
या व्हायरल व्हिडीओमध्ये सनी देओल आणि त्याच्या आजूबाजूला असलेले सुरक्षारक्षक एअरपोर्टवरून बाहेर निघत असतात. त्याचवेळी एक चाहता त्याच्याजवळ सेल्फी क्लिक करण्यासाठी येतो. सनी त्याच्यासोबत सेल्फी काढण्यासाठी उभा देखील राहतो. मात्र त्या चाहत्याला पटकन सेल्फी क्लिक करता येत नसल्याने सनी देओल त्याच्यावर ओरडतो. ‘घे ना सेल्फी’ असं सनी ओरडतो आणि त्यानंतर सुरक्षारक्षक त्या चाहत्याला बाजूला करतात. या व्हिडीओवर नेटकऱ्यांकडून विविध प्रतिक्रिया येत आहेत. ‘इतका अहंकार बरा नव्हे’ असं एकाने लिहिलं आहे. तर ‘हा जया बच्चनचा पुरुषी व्हर्जन आहे’ असं दुसऱ्या युजरने म्हटलं आहे. ‘योग्य वेळ आल्यावर प्रत्येकाचा अहंकार मोडतो’, असंही नेटकऱ्यांनी लिहिलं आहे.
पहा व्हिडीओ-
“Lai Na Photo” : Sunny Deol gets angry at Fan Trying to get a picture with him.
Gurdaspur De MP Saab #SunnyDeol pic.twitter.com/KxMq0aPB7r
— Gagandeep Singh (@Gagan4344) August 16, 2023
सनी देओल सध्या ‘गदर 2’ला मिळणाऱ्या प्रचंड प्रतिसादामुळे यशाच्या शिखरावर आहे. या चित्रपटाने अवघ्या सहा दिवसांत कमाईचा 250 कोटी रुपयांचा टप्पा पार केला आहे. 2001 मध्ये प्रदर्शित झालेल्या ‘गदर : एक प्रेम कथा’ या चित्रपटाचा हा सीक्वेल आहे. या चित्रपटाच्या यशानंतर दिलेल्या एका मुलाखतीत सनी देओलने अप्रत्यक्षपणे अभिनेत्री कतरिना कैफवरही निशाणा साधला होता. त्यावरूनही त्याला ट्रोल केलं गेलं.
