Health | शरीरात दिसणाऱ्या या लक्षणांकडे अजिबात दुर्लक्ष करू नका, कॅल्शियम शरीरासाठी अत्यंत महत्वाचे…
कॅल्शियमच्या कमतरतेमुळे हातपाय दुखण्यास देखील सुरूवात होते. अशा परिस्थितीत तुम्ही कॅल्शियम युक्त पदार्थांचा आहारात समावेश करू शकता. कमी कॅल्शियममुळे माणसाला सतत थकवा जाणवतो. वारंवार चक्कर येण्याची समस्या निर्माण होते.
मुंबई : आपल्या सर्वांनाच माहितीयं की, चांगल्या आरोग्यासाठी कॅल्शियम (Calcium) हे अत्यंत महत्वाचे आहे. इतर पोषक तत्वांप्रमाणेच कॅल्शियम हे आरोग्यासाठी खूप महत्वाचे आहे. जर शरीरात कॅल्शियमची कमतरता असेल तर तुम्हाला आरोग्याशी संबंधित अनेक समस्यांना (Problem) सामोरे जावे लागते. अशा परिस्थितीत तुम्ही आहारात कॅल्शियम युक्त अनेक प्रकारच्या पदार्थांचाही समावेश करू शकता. ते कॅल्शियमच्या कमतरतेवर मात करण्याचे काम करतात. शरीरात (Body) कॅल्शियमची कमतरता असेल तर नेमकी कोणती लक्षणे दिसतात हे आपण सविस्तरपणे आज जाणून घेणार आहोत.
केस कोरडे होतात आणि वाढ कमी होण्यास सुरूवात होते
जर आपल्या शरीरामध्ये कॅल्शियमची कमतरता असेल तर आपले केस कोरडे होतात. इतकेच नाही तर केस हळूहळू वाढतात. हे प्रामुख्याने शरीरातील कॅल्शियमच्या कमतरतेमुळे होऊ शकते. कॅल्शियमच्या कमतरतेमुळे तुम्हाला तणाव जाणवू लागतो. कॅल्शियमच्या कमतरतेमुळे नखे ठिसूळ होऊ लागतात. कॅल्शियमच्या कमतरतेमुळे दातांसंबंधी समस्यांना सामोरे जावे लागते. यामध्ये दात किडण्याचा धोका सर्वात अधिक असतो.
वारंवार चक्कर येण्याची मोठी समस्या
कॅल्शियमच्या कमतरतेमुळे हातपाय दुखण्यास देखील सुरूवात होते. अशा परिस्थितीत तुम्ही कॅल्शियम युक्त पदार्थांचा आहारात समावेश करू शकता. कमी कॅल्शियममुळे माणसाला सतत थकवा जाणवतो. वारंवार चक्कर येण्याची समस्या निर्माण होते. ज्या लोकांमध्ये कॅल्शियमची कमतरता असते त्यांना दुखापत आणि फ्रॅक्चर होण्याची शक्यता असते. यामुळे आपल्या शरीरातील कॅल्शियमची कमतरता दूर करण्यासाठी काही महत्वाच्या पदार्थांचा आपण आहारामध्ये नक्कीच समावेश करावा.
हिरव्या पालेभाज्यांचा आहारात समावेश करा
तुम्ही तुमच्या आहारात सोया उत्पादनांचा समावेश करू शकता. यात सोया दूध आणि सोयाबीन इत्यादींचा समावेश आहे. या उत्पादनांमध्ये व्हिटॅमिन डी भरपूर प्रमाणात असते. हे पदार्थ हाडे मजबूत करण्यास मदत करतात. तसेच आपण हिरव्या पालेभाज्यांचा आहारात मसावेश करावा. यामुळे देखील शरीरामधील व्हिटॅमिन डी वाढण्यास मदत होते. जर आपल्या शरीरात नेहमीच कॅल्शियमची कमतरता झाली तर आपले हाडे कमकुवत होण्यास सुरूवात होते.
