कडू काकडीचे सेवन मधुमेही रूग्णांसाठी वरदान ठरेल? तज्ञांकडून जाणून घ्या
जर कडू काकडी योग्यरित्या आणि मर्यादेत खाल्ली तर मधुमेहाच्या रुग्णांसाठी ती एक उत्तम पर्याय ठरू शकते. हे केवळ रक्तातील साखर नियंत्रित करण्यास मदत करत नाही तर इन्सुलिनची प्रभावीता वाढवून शरीराचे एकूण आरोग्य देखील सुधारते.
आजकाल बहुतेक लोकं मधुमेहाने त्रस्त आहेत. त्यामुळे मधुमेहांच्या रूग्णांसाठी त्यांच्या आहराचा रक्तातील साखरेवर चांगला परिणाम होतो. कारण आपण जो आहार घेतो त्यामुळे साखरेची पातळी वर-खाली होत राहते, जी नियंत्रित करणे मधुमेहींसाठी मोठे आव्हानात्मक बनते. मधुमेहावर नियंत्रण ठेवण्यासाठी लोकं विविध प्रकारची औषधे घेतात. त्यामुळे साधारणपणे मधुमेहाचे रुग्ण खूप विचारपूर्वक पदार्थ खातात आणि पितात. कारण त्यांना सर्वकाही संतुलित प्रमाणात घ्यावे लागते. अशा परिस्थितीत मधुमेहांच्या लोकांनी कोणत्या अन्नपदार्थांचे सेवन करावे व करू नये याची शंका लोकांना येत असते. यापैकी एक म्हणजे कडू काकडी जी मधुमेही लोकं सेवन करू शकतात. अनेकांच्या मनात हा प्रश्न असतो की मधुमेहाच्या रुग्णांसाठी कडू काकडी चांगली आहे का? जर हा प्रश्न तुमच्या मनात येत असेल तर हा लेख तुमच्यासाठी आहे.
मधुमेहाच्या रुग्णांसाठी कडु काकडी किती फायदेशीर आहे हे डॉ. मेधवी गौतम यांनी सांगितले आहे. त्यांनी सांगितली की काकडी कडू आहे की नाही हे महत्त्वाचे नाही, परंतु मधुमेहाच्या रुग्णांसाठी ते फायदेशीर आहे. त्यात काही नैसर्गिक संयुगे असतात जे रक्तातील साखर नियंत्रित करण्यास मदत करतात. तसेच, काकडीत पाण्याचे प्रमाण जास्त असते. म्हणून मधुमेही रुग्ण ते खाऊ शकतात.
कडू काकडी खाण्याचे मधुमेहींसाठी फायदेशीर
रक्तातील साखर कमी करण्यास उपयुक्त :
कडू काकडीमध्ये चारॅन्टीन आणि पॉलीपेप्टाइड-पी नावाचे संयुगे असतात. हे संयुगे रक्तातील साखरेची पातळी नैसर्गिकरित्या कमी करण्यास मदत करतात. याशिवाय, ते इन्सुलिनसारखे काम करतात आणि रक्तातील साखरेचे प्रमाण नियंत्रित करतात.
ग्लुकोज चयापचय सुधारते :
कडू काकडीमध्ये असलेले संयुगे मधुमेही रूग्णांच्या शरीरातील ग्लुकोजच्या चयापचय सुधारते. याचा अर्थ असा की आपण जे काही कार्बोहायड्रेट खातो ते योग्यरित्या विघटित होते आणि उर्जेमध्ये रूपांतरित होते आणि रक्तात जास्त साखर जमा होत नाही.
अँटिऑक्सिडंट गुणधर्म आरोग्य सुधारतात :
मधुमेहाच्या रुग्णांना हृदय, किडनी आणि डोळ्यांशी संबंधित अनेक समस्या निर्माण होऊ शकतात. कडू काकडीमध्ये असलेले अँटीऑक्सिडंट्स शरीरातील मुक्त रॅडिकल्स कमी करण्याचे काम करतात, ज्यामुळे मधुमेहांच्या रूग्णांना होणारे नुकसान टाळता येते. हे शरीराची रोगप्रतिकारक शक्ती देखील वाढवते आणि जळजळ कमी करण्यास मदत करते.
तुमच्या आहारात कडू काकडी कशी समाविष्ट करावी?
मधुमेहाचे रुग्ण कडू काकडीचे सेवन अनेक प्रकारे करू शकतात. पण यात सर्वात लोकप्रिय मार्ग म्हणजे कारल्याचा रस, जो सकाळी रिकाम्या पोटी पिणे फायदेशीर आहे. याशिवाय अनेकजण कारल्याची भाजी तसेच ग्रिल करून किंवा सूपमध्ये मिक्स करून देखील खातात. बरेच लोकं कारल्याची पावडर किंवा कॅप्सूल देखील वापरतात. तथापि, तुम्हाला ते संतुलित प्रमाणात सेवन करावे लागेल आणि जर तुम्हाला काही समस्या असेल तर प्रथम डॉक्टरांचा सल्ला घ्या आणि नंतर ते तुमच्या आहारात समाविष्ट करा.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
