बनावट आणि भेसळ युक्त मनुके असे ओळखा, जाणून घ्या योग्य पद्धत
मनुके शरीरासाठी अत्यंत फायदेशीर आहेत. पण बाजारात अनेक प्रकारचे बनावट मनुके देखील विक्रीसाठी उपलब्ध आहेत. त्यामुळे खरे मनुके ओळखणे अत्यंत महत्त्वाचे आहे. जाणून घ्या बनावट मनुके ओळखण्याची पद्धत.
मनुके हे पोषक तत्वांचा उत्कृष्ट स्त्रोत आहे. जे आपल्या एकूण आरोग्यासाठी आणि शरीरासाठी फायदेशीर आहे. त्यामध्ये फायबरचे प्रमाण जास्त असते. याचे पचन सुधारणास आणि बद्धकोष्ठता टाळण्यास मदत करतात. मनुक्यामध्ये पोटॅशियम, मॅग्नेशियम आणि लोहसारखी जीवनसत्वे तसेच खनिज देखील असतात. जे अनेक शारीरिक कार्यांसाठी आवश्यक असतात. पोटॅशियम रक्तदाब, हृदय गती आणि स्नायूंच्या कार्यांचे नियमन करण्यास मदत करते. मॅग्नेशियम हाडांच्या आरोग्यासाठी महत्त्वपूर्ण आहे आणि ऑस्टिओपोरोसिसचा धोका कमी करण्यास मदत करू शकते.
मनुक्यामध्ये लोह मोठ्या प्रमाणात असते. लाल रक्त पेशींच्या निर्मितीसाठी लोह महत्त्वाचे आहे आणि अशक्तपणा टाळण्यास मदत करू शकते. पण बाजारात अनेक प्रकारचे बनावट मनुके उपलब्ध आहेत जे फायदेशीर नसून आरोग्यासाठी हानिकारक ठरू शकतात. बाजारातून मनुके विकत घेताना काही गोष्टी लक्षात ठेवायला हव्यात जेणेकरून नकली मनुके ओळखता येतील.
नकली मनुके बाजारात उपलब्ध आहेत ज्याची चमक आणि आकार तुम्हाला गोंधळात टाकू शकतो. या मनुक्यांवर बनावट रंग आणि रसायने विक्रीसाठी लावली जातात. त्यामुळे ते चमकदार दिसतात आणि त्यांची विक्री वाढते.
बनावटी मनुके कसे ओळखावे?
बनावट किंवा रासायनिक मनुके ओळखण्यासाठी काही मनुके घ्या आणि आपल्या तळहातावर घासून बघा. मनुक्यांचा रंग सुटत असेल किंवा वास येत असेल तर हे मनुके भेसळयुक्त आहे आणि ते खाल्ल्याने तुम्ही आजारी पडू शकतात. बनावटी मनुके खाल्ल्याने जुलाब, उलट्या आणि पचनाच्या इतर समस्या होऊ शकतात.
मनुके खाण्याचे फायदे
मनुके देखील अँटिऑक्सिडंटचा चांगला स्त्रोत आहे. जे शरीराला मुक्त रॅडिकल्स मुळे होणाऱ्या नुकसानापासून वाचवण्यास मदत करू शकतात. मुक्त रॅडिकल्स हे अस्थिर रेणू आहेत जे पेशींना नुकसान पोहोचवू शकतात आणि कर्करोग, हृदयरोग तसेच अल्झायमर रोग यासारख्या जुनाट आजारांपासून वाचवण्यास मदत करतात.
मनुक्यामध्ये फायबर जास्त असते जे पचन क्रिया सुधारण्यास आणि बद्धकोष्ठता टाळण्यास मदत करते. मनुक्यामध्ये सॉर्बिटॉल आणि डिहायड्रोफेनिलालानिन सारखे नैसर्गिक रेचक देखील असतात. जे बद्धकोष्ठता दूर करण्यास मदत करतात.
