Weight loss: जगातील श्रीमंत व्यक्ती तरुण दिसण्यामागचं रहस्य आहे ‘हे’ औषध, वय 50 पण दिसतो 30 चा…

नवी दिल्लीः जगातील सर्वात श्रीमंत व्यक्ती आणि टेस्लाचे सीईओ एलोन मस्क यांनी त्यांच्या फिटनेसचे रहस्य आता उघड केले आहे. त्यांनी सांगितले आहे की निरोगी आणि तंदुरुस्त राहण्यासाठी, उपवासासह, ते वीगोवी नावाचे विशेष प्रकारचे औषधही घेतात. एलोन मस्क वयाच्या 51 व्या वर्षीही 30-32 वर्षांच्या तरुणासारखा दिसतात. अनेकदा ट्विटरवर अनेक लोक त्यांच्याकडून त्याच्या फिटनेसचे रहस्य जाणून घेण्याचा प्रयत्न करत असतात.

अलीकडेच, पुन्हा एकदा त्यांच्या एका चाहत्याने ट्विटरवर विचारले आहे की, तुम्ही खूप छान दिसता, ते वेट लिफ्टिंग आणि हेल्दी डाएट करता का? या प्रश्नाला उत्तर देताना मस्कने ट्विट करून ‘फास्टिंग अँड वीगोवी’ असे म्हटले आहे.

यूएस फूड अँड ड्रग ॲडमिनिस्ट्रेशन (एफडीए) ने गेल्या वर्षी वीगोवी या औषधाला वजन कमी करणारे औषध म्हणून मान्यता देण्यात आली होती.

मधुमेह असेल तर त्याचा उपचारात याचा वापर केला जात असतो. तरीही ते आता वजन कमी करणारे औषध म्हणूनही ते झपाट्याने प्रसिद्ध होत आहे.

वीगोवी ही डॅनिश फार्मास्युटिकल कंपनी Novo Nordisk च्या Semaglutide औषधाची पुढील प्रकार आहे. जो शरीरात भूक निर्माण करणाऱ्या संप्रेरकांना संतुलित करते.

त्यामुळे दीर्घकाळ भूक कमी कमी होत जाते. हे औषध लठ्ठ व्यक्तीला आठवड्यातून एकदा इंजेक्शन दिले जाते. हे औषध 68 आठवड्यात 15 ते 20 टक्के वजन कमी करते आणि त्याचा प्रभावही खूप काळ टिकून राहत असल्याचे सांगितले जाते.

हे औषध फक्त अशा लोकांसाठी दिले जाते जे खूप लठ्ठ आहेत आणि ज्यांचे वजन लठ्ठपणाच्या निर्धारितेपेक्षा जास्त आहे. किंवा जे लोक मधुमेह किंवा उच्च कोलेस्ट्रॉलसारख्या आजारांनी ग्रस्त आहेत. ते लोकही हे औषध वापरतात.

अमेरिकन वेबसाईट ‘व्हेरायटी’नुसार, अनेक सेलिब्रिटींनी वजन कमी करण्यासाठी या अत्यंत महागड्या औषधाचा वापर सुरू केला आहे.

ज्यामुळे त्याची कमतरतादेखील भासू लागली आहे. या औषधाच्या एका महिन्याच्या डोसची किंमत सुमारे 98 हजार रुपये असल्याचे सांगितले जाते.

वजन कमी करण्यासाठी व्यायाम, कमी-कॅलरी आणि निरोगी आहाराचे काटेकोरपणे पालन करणे गरजेचे आहे.