भारतीय कोरोना व्हॅक्सीनला अफगानिस्तानमध्ये दहशतवादी हल्ल्याचा धोका, अलकायदा आणि तालिबानकडून कुरापती का?

काबुल : भारताकडून मित्र राष्ट्र अफगाणिस्तानला पहिल्या टप्प्यातील कोरोना लसी पोहचल्या आहेत. यानंतर अफगाणिस्तानचे उपराष्ट्रपती अमरुल्ला सालेह यांनी ट्विट करत भारताचे आभार मानलेत. मात्र, दुसरीकडे अफगाणिस्तानमधील दहशतवादी हल्ल्यांची संख्याही वाढली आहे. त्यामुळे भारताकडून मिळालेल्या या कोरोना लसींची सुरक्षितता हे अफगाणिस्तानसमोरील मोठं आव्हान आहे. सालेह यांनी देखील या कोरोना लसीचं क्वेटोचे हल्ले, आयईडी स्फोट आणि दहशतवाद्यांपासून संरक्षण करणं यालाच अधिक प्राधान्य असल्याचं म्हटलंय (Big risk for Indian Corona Vaccine in Afghanistan from Taliban terrorists).

उप राष्ट्रपती सालेह यांच्याआधी अफगाणिस्तानचे राष्ट्रीय सुरक्षा सल्लागार (एनएसए) हमदुल्ला मोहिब यांनी देखील तालिबानला अफगाणिस्तानमधील शांततेत सर्वात मोठा अडसर असल्याचं म्हटलंय. तालिबानने अफगाणिस्तानमध्ये पुन्हा एकदा डोकं वर काढलं असून अनेक हत्यांचं सत्र सुरु झालंय. संयुक्त राष्ट्र सुरक्षा परिषदेच्या देखरेख आणि संशोधन समितीने नुकताच दिलेल्या अहवालात तालिबानने आपलं आश्वासन मोडलं असल्याचं म्हटलंय. तालिबान आणि अल कायदा पुन्हा एकदा अफगाणिस्तानमध्ये गोंधळ निर्माण करण्याच्या तयारीत असल्याचाही इशारा या अहवालात देण्यात आला आहे.

तालिबानच्या कुरापतींनी भारताचीही चिंता वाढली

तालिबानच्या काही कुरापतींमुळे अफगाणिस्तानसह भारताचीही चिंता वाढली आहे. तालिबानने आयएसआयएल या संघटनेला मदत केल्याचं बोललं जातंय. नुकताच हक्कानी नेटवर्कचा माजी कमांडर शहाब अल-मुजाहिर उर्फ सनउल्लाला जून 2020 मध्ये आयएसआयएलच्या सादिक शाखेचा प्रमुख म्हणून नेमण्यात आलंय. त्यामुळे सनउल्ला भारताच्या हद्दीत देखील कुरापती करण्याची शक्यता आहे.

तालिबानने अल कायदाच्या दहशतवाद्यांना देखील आसरा दिलाय. असं असलं तरी मागील काही दिवसात तालिबानच्या नियंत्रणात असलेल्या भागात अल कायदाच्या दहशतवाद्यांची हत्या झाल्याचीही घटना घडलीय. सध्या अफगाणिस्तानमधून अमेरिकेचं सैन्य माघारी परतत आहे. मात्र, हे सैन्या गेल्यानंतर अफगाणिस्तानमध्ये गृहयुद्धाची स्थिती तयार होईल, असाही इशारा देण्यात येत आहे.

हेही वाचा :

पाकिस्तानच्या फरार दहशतवाद्यावर अमेरिकेकडून 21 कोटींचं इनाम, अफगाणिस्तानात असा झाला शेवट

अफगाणिस्तान : काबूल विद्यापीठावर दहशतवाद्यांचा हल्ला, 25 जणांचा मृत्यू, चकमक जारी

संयुक्त राष्ट्र संघटनेत भारताची पुन्हा चीनला धोबीपछाड, महिलांविषयक आयोगाचे सदस्यपद

व्हिडीओ पाहा :

Big risk for Indian Corona Vaccine in Afghanistan from Taliban terrorists