अनोखी गदर एक प्रेमकथा : पाकिस्तानातून चार मुलांसह पळून आलेल्या सीमाचं पहिलं लग्न लव्ह मॅरेज होतं…

नवी दिल्ली : एकीकडे लव्ह जिहादवरुन राजकीय वातावरण तप्त असताना दुसरीकडे पब्जी खेळता खेळता पाकिस्तान सोडून भारतात आपल्या चार मुलांसह आलेल्या सीमा हैदर आणि सचिन याच्या लव्ह स्टोरीची चर्चा सुरु आहे. पाकिस्तानी महिला सीमा हैदर हीने आपला हिंदूस्थानी बॉयफ्रेंड सचिनच्या प्रेमासाठी तिचा देश सोडला. 13 मे रोजी ती नेपाळ मार्गे लपत लपत आली. आणि नोएडाच्या सचिन सोबत रहात आहे. परंतू पोलिसांनी दोघांना अटक केली, सध्या दोघांना जामीन मिळाला आहे. आधी तिचे लग्न पाकिस्तानी गुलाम हैदरशी जबरदस्ती लावल्याचे म्हटले जात होते. आता मात्र त्याच्याशी लव्ह मॅरेज झाले होते असे उघडकीस आले आहे.

सीमा हैदर पाकिस्तानी सिंध प्रांतातील खैरपूरची रहीवासी आहे, ती खूपच गरीब परिवारातील आहे. तिच्या आईचा आधीच मृत्यू झाला आहे. घरात केवळ सीमाचे वडील, एक भाऊ आणि एक बहिण आहे. साल 2014 मध्ये सीमाच्या मोबाईलवर एक रॉंग कॉल आला. तो कॉल गुलाम हैदर याचा होता. या रॉंग नंबर नंतर दोघांमध्ये मैत्री झाली. दोस्तीचे रुपांतर कधी प्रेमात झाले हे कळलेच नाही.

सीमाच्या घरातल्यांना हे नातं मंजूर नव्हतं. त्यामुळे ती साल 2014 मध्ये पळून हैदरकडे गेली. गुलाम सिंध प्रांतातील जकोकाबादचा रहीवासी आहे. तिने गुलामशी कोर्ट मॅरेज केले. दोघे बलुची समुदायातील आहेत. त्यामुळे त्यांच्या समाजाला समजताच पंचायत भरली, पंचांनी गुलामला तिच्याशी पळवून लग्न केल्याने दंड आकारला. साल 2015 मध्ये सीमाने कराचीत जाण्याचा हट्ट केला. त्यानंतर दोघे कराचीत भाड्याने राहू लागले.

सीमाचे घरचे लग्नाला राजी झाले. लग्न झाले सीमा आणि हैदराला मुले झाली. तरी त्यांच्यात सारखी भांडणे होत. तिला मुले देखील झाली. साल 2019 मध्ये हैदरला सौदीत नोकरी लागली. परंतू हैदर केवळ फोनवरच बोलायचा, पैसे देखील पाठवायचा पण तिला कधी भेटायलाच आला नाही. मे 2023 मध्ये सीमाचा फोन लागेनाच तेव्हा त्याने त्याच्या वडीलांना कराचीत घरी पाहायला पाठवले. तर घरी कोणीच नव्हते. शेजारी म्हणाले माहेरी गेली असेल, माहेरी तर कोणीच नव्हते.

भारतीय मिडीयातून कळले

अखेर तिच्या सासऱ्याने तक्रार दाखल करायचा निर्णय घेतला. तोपर्यंत भारतीय मिडीयातून कळले की सीमा पाकिस्तानची सीमा ओलांडून नोयडात रहायला गेली आहे. आता युपी पोलिसांनी सचिन आणि सीमाला अटक केली आहे. आता सीमाला भारतातच सचिन बरोबर रहायचे आहे. तर तिचा पहिला पती गुलाम हैदर तिला तिकडे बोलवत आहे.