खासगी बस 500 फूट दरीत कोसळली, 43 प्रवाशांचा मृत्यू

शिमला : हिमाचल प्रदेशातील पर्यटन स्थळ कुलूमध्ये एक खासगी बस 500 फूट दरीत कोसळून 43 जणांचा मृत्यू झाला आहे. तर 35 पेक्षा जास्त प्रवासी जखमी झाले आहेत. आज (20 जून) रोजी दुपारच्या सुमारास ही घटना घडली.

मिळालेल्या माहितीनुसार, या खासगी बसमध्ये जवळपास 60 पेक्षा जास्त प्रवाशी होते. तर काही प्रवाशी बसच्या छतावरही बसले होते. ही बस कुलूजवळी बंजारच्या भेउटजवळच्या घाटातून गाडागुशैणी याठिकाणी जात असताना हा अपघात घडला. यावेळी भेउट घाटातील धोकादायक वळणावर बस 500 फूट दरीत कोसळली. यात जवळपास 43 जणांचा मृत्यू झाला आहे.

#UPDATE 43 people dead, 35 injured after a private bus fell into a deep gorge near Banjar area of Kullu district, earlier today. #HimachalPradesh pic.twitter.com/AQMnNnLFVO

— ANI (@ANI) June 20, 2019

#UPDATE Himachal Pradesh: 20 dead after a private bus fell into a deep gorge near Banjar area of Kullu district, earlier today. Rescue operations underway. The bus carrying around 50 passengers was on its way from Banjar to Gadagushani area. https://t.co/5NnYHs6tF5

— ANI (@ANI) June 20, 2019

दरम्यान या ठिकाणी पोलीस, प्रशासन आणि स्थानिक लोकांच्या मदतीने बचावकार्य सुरु करण्यात आलं आहे. तसेच स्थानिक लोक पाठीवर बसवून जखमींना दरीतून वर काढत आहेत. आतापर्यंत बसमधील काही जखमींना दरीतून वर काढण्यात आले आहे. या सर्व जखमींवर जवळच्या रुग्णालयात उपचार सुरु आहे.