‘या’ पदार्थांच्या सेवनाने सौंदर्याला मिळेल झळाळी, वाचा या पारंपारिक सवयींविषयी..

उन्हाळ्याच्या हंगामात आपल्या त्वचेची विशेथ काळजी घेणे अत्यंत आवश्यक असते. या काळात अनेकांना त्वचेच्या वेगवेगळ्या समस्यांना सामोरे जावे लागते.

सुंदर त्वचा

शितल मुंडे | Updated on: Mar 23, 2021 | 12:19 PM

मुंबई : उन्हाळ्याच्या हंगामात आपल्या त्वचेची विशेष काळजी घेणे अत्यंत आवश्यक असते. या काळात अनेकांना त्वचेच्या वेगवेगळ्या समस्यांना सामोरे जावे लागते. या काळात त्वचा कोरडी पडते, भेगा पडतात, त्वचा काळवट होणे अशा अनेक समस्या निर्माण होतात. यासाठी लोक अनेक प्रकारच्या क्रिम वापरतात किंवा अनेक उपायही करतात. मात्र, त्याचा काही फायदा होत नाही. आज आम्ही तुम्हाला उन्हाळ्यात नेमकी त्वचेची काळजी कशी घ्यावी हे सांगणार आहोत. (Eat these foods in summer for healthy and glowing skin)

-गुळात व्हिटॅमिन-ए आणि व्हिटॅमिन-बी, सुक्रोज, ग्लूकोज, लोह, कॅल्शियम, फॉस्फरस, पोटॅशियम, जस्त, मॅग्नेशियम या सारखे घटक आढळतात. विशेषतः गुळात फॉस्फरसचे प्रमाण अधिक असते. गुळामध्ये शरीराला आवश्यक असणारी अनेक खनिजे आणि जीवनसत्त्वे आढळतात. जे आपल्या त्वचेसाठी नैसर्गिक क्लींजर म्हणून काम करतात. हे घटक शरीराला आतून स्वच्छ ठेवून त्वचेला चमकदार बनवतात.

-तूप आपल्या आरोग्यासाठी अत्यंत फायदेशीर असते. तूप खाल्ल्याने आपली त्वचा तजेलदार होते. यामुळे उन्हाळ्यात तूप खाणे आपल्या त्वचेसाठी फायदेशार आहे. तूप बहुधा गायीच्या दुधाचा वापर करून बनवला जाते. फॉस्फोलाइपिड घटकाच्या उपस्थितीमुळे घरगुती बनवलेले तूप बर्‍याच काळासाठी टिकून राहते, तर व्यावसायिकरित्या तयार केलेल्या तूपात ते उपलब्ध नसते.

-उन्हाळ्यात, आपल्या चेहऱ्यामधून मोठ्या प्रमाणात तेल बाहेर निघते आणि ते त्वचेच्या आत पुनःपुन्हा तयार होत राहते. आपल्याला आपला चेहरा स्वच्छ करण्याची फारशी संधी मिळत नाही. परंतु, अशावेळी आपण चेहरा स्वच्छ पुसून घेतल्यास आपल्या चेहऱ्यावरचे अतिरिक्त तेल आणि चिकटपणा दूर होण्यास मदत होते

-कोणत्याही मास्कमधील क्ले त्वचेच्या पोर्समधून सर्व घाण आणि अतिरिक्त तेल शोषण्यास मदत करते. हे मास्क आपल्या तेलकट त्वचेच्या अति-चमकण्याच्या समस्या देखील कमी करू शकतात. यासाठी निळा लगूनचा सिल्ट मड मास्क वापरा. आपण आठवड्यातून एकदा याचा वापर करू शकता. हे पॅक लावल्यानंतर चेहरा मॉइश्चरायझर करणे विसरू नका.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या :

तुम्हीसुद्धा सकाळी नाश्त्यामध्ये ‘पोहे’ खाता का? मग जाणून घ्या आरोग्यावर काय होतो परिणाम!

Good fat vs Bad fat : फॅटयुक्त पदार्थ खाणे टाळताय, फायद्यांपेक्षा तोटे जास्त!