Christmas 2020 | ‘जिंगल बेल, जिंगल बेल’ म्हणत चिमुकल्यांना भेटवस्तू देणारे ‘सांताक्लॉज’ नेमके कोण?
दरवर्षी ख्रिसमसच्या निमित्ताने पांढरी दाढी आणि पांढरे केस असलेला सांता लाल रंगाचे कपडे आणि टोप्या घालून येतो.
मुंबई : आपल्यापैकी प्रत्येकालाच बालपणी सांताक्लॉजची कहाणी सांगितली गेली असेल. दरवर्षी ख्रिसमसच्या निमित्ताने पांढरी दाढी आणि पांढरे केस असलेला सांता लाल रंगाचे कपडे आणि टोप्या घालून येतो. त्याच्या हातात एक भली मोठी बॅग असते, ज्यामध्ये त्याने बऱ्याच भेटवस्तू ठेवलेल्या असतात. जी तो सगळ्या लहान मुलांमध्ये वाटतो. पण तुम्हाला माहित आहे की, खरा सांता कोण होता? चला तर जाणून घेऊया… (True Story of Real Santa Claus)
संत निकोलस होते खरे सांता!
सेंट निकोलस यांचा जन्म तिसऱ्या शतकात उत्तर ध्रुवावर स्थित मायरा येथील एका श्रीमंत कुटुंबात झाला होता. या संत निकोलस यांनाच खरा सांता म्हणतात. ते लहान असताना अनाथ होते. त्यानंतर, येशूवर त्याचा विश्वास वाढत गेला आणि त्यांनी स्वतःचे पालक म्हणून येशूचा स्वीकार केला. पुढे संत निकोलस मोठा झाल्यावर ख्रिस्ती धर्माचा धर्मगुरू बनला.
निकोलस यांना लोकांची मदत करण्याचा छंद
संत निकोलस यांना सुरुवातीपासूनच लोकांना मदत करणे आवडत होते. ते लोक, विशेषतः लहान मुले, ज्यांना परिस्थितीमुळे स्वतःच्या इच्छा पूर्ण करता येत नव्हत्या. निकोलस या मुलांना ख्रिसमसच्या दिवशी भेटवस्तू देऊन त्यांचा आनंद द्विगुणीत करायचा. परंतु, त्याला त्याची ओळख कोणालाही सांगायची इच्छा नव्हती, म्हणून तो कपडे बदलून मध्यरात्री घरातून बाहेर पडायचा. आपल्या भल्यामोठ्या झोळीतून ते सर्व मुलांना आणि गरजूंना भेट वस्तू वाटून देत (True Story of Real Santa Claus).
1930 साली समोर आला सांताचा नवा लूक
आधुनिक काळातील सांता 1930 साली अस्तित्वात आला. हेडन सँडब्लोम नावाच्या एक कलाकाराने कोका-कोलाच्या जाहिरातीमध्ये सांताक्लॉजची भूमिका साकारली होती. जवळपास 35 वर्ष तो सांता म्हणून टीव्हीवर झळकला. लाल कपड्यांमध्ये पांढरी दाढी असलेल्या सांताचे हे नवीन रूप मुलांना खूप आवडले. त्यानंतर सांताची क्रेझ वाढत गेली आणि तो लहान मुलांचा आवडता बनला.
सेंट निकोलस यांच्या उदारपणाची प्रसिद्ध कथा
सेंट निकोलस यांच्या उदारपणाची एक अतिशय प्रसिद्ध कहाणी म्हणजे त्यांनी एका गरीब माणसाला मदत केली होती, ज्याच्याकडे त्याच्या तीन मुलींचे लग्न करण्यास पैसे नव्हते. तो माणूस आपल्या मुलींना जबरदस्तीने मजुरी आणि देह विक्री व्यापारात ढकलत होता. त्यावेळी, संत निकोलसने छुप्या पद्धतीने त्या तीन मुलींच्या मोज्यांमध्ये सोन्याच्या नाण्यांची पिशवी ठेवली आणि त्यांना या समस्येतून सुखरूप सोडवले. तेव्हापासून, ख्रिसमसच्या रात्री भेटवस्तू मिळण्याच्या आशेने लहान मुले घराबाहेर किंवा खिडकीत मोजे टांगतात.
(True Story of Real Santa Claus)
हेही वाचा :
Merry Christmas | ‘हॅपी ख्रिसमस’ नव्हे ‘मेरी ख्रिसमस’, जाणून घ्या या शुभेच्छांमागची रंजक कथा…https://t.co/it2RuFVUnD#MerryChristmas #Christmas
— TV9 Marathi (@TV9Marathi) December 25, 2020
