Beed Firing : बीडमध्ये अज्ञाताकडून गोळीबार, एक जण जखमी; आरोपीला गावकऱ्यांकडून चोप
माजलगाव तालुक्यातील तालखेड या ठिकाणी सायंकाळी पाच वाजण्याच्या सुमारास साखर कारखान्याचे काम थांबल्याने काही युवक आनंदाने नाचत होते. तेवढ्यात परराज्यातील तीन ते चार जण एका जीपमधून तिथे आले. त्यातील एका व्यक्तीने अचानक खाली उतरून रस्त्यावर नाचणाऱ्या युवकांना मारहाण केली. एवढ्यावरच न थांबता त्या व्यक्तीने युवकांवर गोळीबार केला.
बीड : बीडच्या माजलगाव तालुक्यातील तालखेड येथे परराज्यातून आलेल्या एका व्यक्तीने गोळीबार (Firing) केल्याची खळबळजनक घटना सोमवारी सायंकाळच्या सुमारास घडली आहे. माजलगाव तालुक्यातील तालखेड येथे काही तरुण नाचत होते. या तरुणांवर जीपमधून आलेल्या अज्ञातांपैकी एकाने गोळीबार केला. या गोळीबारात एक जण जखमी (Injured) झाला आहे. जखमी युवकाला बीडच्या शासकीय रुग्णालयात उपचारा (Treatment) साठी दाखळ करण्यात आले आहे. साहेबराव जाधव असे गोळीबारात जखमी झालेल्या युवकाचे नाव आहे. गोळीबार करणाऱ्यास गावकऱ्यांनी कपडे काढून बेदम चोप दिला. तर जीपमधील अन्य लोक पळून गेले. दरम्यान आरोपी कुठून आले ? त्याने हा गोळीबार का केला ? याबाबत पोलीस अधिक तपास करीत आहेत.
गोळीबार करणाऱ्याला नागरिकांकडून चोप
माजलगाव तालुक्यातील तालखेड या ठिकाणी सायंकाळी पाच वाजण्याच्या सुमारास साखर कारखान्याचे काम थांबल्याने काही युवक आनंदाने नाचत होते. तेवढ्यात परराज्यातील तीन ते चार जण एका जीपमधून तिथे आले. त्यातील एका व्यक्तीने अचानक खाली उतरून रस्त्यावर नाचणाऱ्या युवकांना मारहाण केली. एवढ्यावरच न थांबता त्या व्यक्तीने युवकांवर गोळीबार केला. यात एक युवक गंभीर जखमी झाला. दरम्यान, ही घटना गावात कळताच गावातील युवक तेथे जमले. त्यांनी रस्त्यात ट्रॅक्टर आडवे लावून जीप अडवली. गोळीबार करणाऱ्या व्यक्तीस गाडीतून खेचत जमावाने त्याचे कपडे काढून बेदम चोप दिला. जीपमधील अन्य जण पळून गेले. गोळीबारात साहेबराव जाधव गंभीर जखमी झालेला आहे. (Unidentified gunmen Firing on youths in Beed, one person injured)
