Video: 5 जणांचा जीव घेणारी बोलेरो गाडी ट्रकवर कशी धडकली? बुलडाण्याचा भीषण अपघात CCTV मध्ये कैद
हा अपघात कसा झाला ? याचे याचि देही याचि डोळा चित्रण सीसीटीव्ही कॅमेरामध्ये कैद झाला आहे. या सीसीटीव्ही (CCTV)मध्ये अपघाताची भीषणता स्पष्ट दिसत आहे.
बुलढाणा : बुलढाणा जिल्ह्याच्या देऊळगाव राजा – जालना रोडवरील बायपासवर आज सकाळी भीषण अपघात (Accident) झाला. मालवाहू ट्रक (Truck) आणि बोलेरो (Bolero) जिपमध्ये हा अपघात झाला आहे. या अपघातात 5 जण ठार झाले तर 4 जण जखमी झाले आहेत. मात्र हा अपघात कसा झाला ? याचे याचि देही याचि डोळा चित्रण सीसीटीव्ही कॅमेरामध्ये कैद झाला आहे. या सीसीटीव्ही (CCTV)मध्ये अपघाताची भीषणता स्पष्ट दिसत आहे. (Horrific accident in Bolero car and truck in Buldana captured on CCTV)
अपघातात 5 ठार तर 7 जण जखमी
शेगावला व्यसनमुक्ती केंद्रात दोघांची दारु सोडवण्यासाठी दोन कुटुंब बोलेरो गाडीतून चालले होते. यावेळी शेगावच्या दिशेने जाणाऱ्या बोलेरो जीप आणि जालन्याकडे जाणाऱ्या ट्रकची समोरासमोर जोरदार धडक झाली. या भीषण अपघातात 5 जण जागीच ठार तर 7 जण गंभीर जखमी झाले. ही घटना आज सकाळी साडे पाचच्या सुमारास देऊळगाव राजा जालना बायपासजवळ हॉटेल विजयसमोर घडली. अपघातातील मयत आणि जखमी जालना जिल्ह्यातील घनसावंगी तालुक्यातील रोहणवाडीचे रहिवाशी आहेत.
बुलढाण्यात बोलेरो गाडीचा अपघात सीसीटीव्हीत कैद#Buldhana |#Bolero |#Accident |#CCTV pic.twitter.com/x5KJJJ1BCZ
— Vaijanta Gogawale (@VaijantaJourno) March 14, 2022
बोलेरो चालकाचे गाडीवरील नियंत्रण सुटल्याने अपघात
या अपघाताचे cctv फुटेज समोर आले आहे. बोलेरो चालक हा लेन सोडून भरधाव वेगाने गाडी दामटत होता. त्‍यातच त्याचे नियंत्रण सुटून तो ट्रकला समोरासमोर जाऊन धडकला. यामध्ये कार चालकासह चार जणांना आपले प्राण गमवावे लागले. याप्रकरणी देऊळगाव राजा पोलिसांनी बोलेरो चालकाविरुद्ध गुन्हा दाखल केला आहे. आकाश गरिबदास लिहणार असे बोलेरो चालकाचे नाव आहे. त्याच्यावर अपघातास कारणीभूत ठरल्याचा गुन्हा दाखल करण्यात आला आहे.
बोलेरो गाडीतील कुटुंब शेगावला दर्शनासाठी चालले होते
या घटनेमध्ये मिळालेल्या माहितीनुसार, रोहणवाडीतील पाडमुख कुटुंब बोलेरोने नातेवाईकांसह शेगावला दर्शनासाठी जात होते. अर्जुन जयंतराव पाडमुख (60), त्‍यांची पत्‍नी कांताबाई (55), मुलगा श्रीमंत (45) यांच्यासह कुलदीप अर्जुन गायकवाड (32), बोलेरो चालक आकाश गरीबदास लिहणार (21) अशी अपघातात ठार झालेल्या पाच जणांची नावे आहेत. तर आम्रपाली विठ्ठल पाडमुख (35), मीनाबाई श्रीमंत पाडमुख (35), अशोक गरीबदास लिहणार (26), तुकाराम बाबुराव खांडेभराड (40), मीराबाई परमेश्वर बाळराज (40), बाबुराव श्रीपत कापसे (50), परमेश्वर कचरूबा बाळराज (39) अशी अपघातात जखमी झालेल्यांची नावे आहेत. (Horrific accident in Bolero car and truck in Buldana captured on CCTV)
इतर बातम्या
Nagpur Murder : पोटचा गोळा रोज घरात झिंगायला लागला, आई अन् भावानं त्याचा निकाल लावला
बारावीच्या केमिस्ट्रीचा पेपर फुटीचा प्रकार नाही , तर कॉपीचा प्रकार- बोर्डाचे अध्यक्ष शरद गोसावी
