AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

पुन्हा वांदेः ‘डीपीसी’वरून आमदार कांदेंचा पंगा सुरूच; निधी वर्ग करू नका, जिल्हाधिकाऱ्यांना पत्र देत थेट आत्मदहनाचा इशारा

पालकमंत्री छगन भुजबळ आणि शिवसेना आमदार सुहास कांदे यांच्यात पुन्हा एकदा वांदे होण्याची शक्यताय. त्याला कारणही अर्थातच बहुचर्चित डीपीसी म्हणजेच जिल्हा नियोजन समितीच्या निधीचंय. कांदे यांनी जिल्हाधिकाऱ्यांना निधी वर्ग करू नका, असं पत्र लिहिलंय.

पुन्हा वांदेः 'डीपीसी'वरून आमदार कांदेंचा पंगा सुरूच; निधी वर्ग करू नका, जिल्हाधिकाऱ्यांना पत्र देत थेट आत्मदहनाचा इशारा
सुहास कांदे, आमदार, शिवसेना
Follow us
| Updated on: Oct 30, 2021 | 12:03 PM

नाशिकः पालकमंत्री छगन भुजबळ आणि शिवसेना आमदार सुहास कांदे यांच्यात पुन्हा एकदा वांदे होण्याची शक्यताय. त्याला कारणही अर्थातच बहुचर्चित डीपीसी म्हणजेच जिल्हा नियोजन समितीच्या निधीचंय. कांदे यांनी जिल्हाधिकाऱ्यांना निधी वर्ग करू नका, असं पत्र लिहिलंय.

नाशिक जिल्ह्यात गेल्या काही दिवसांपासून पालकमंत्री छगन भुजबळ आणि शिवसेना आमदार सुहास कांदे यांच्यात आडवा विस्तू जात नाहीय. त्याचं कारण अर्थातच नांदगाव मतदारसंघ. गेल्याच आठवड्यात शिवसेना नेते संजय राऊत यांनी नांदगावमध्ये जात आमदार कांदेंना बळ दिलं. इतकंच नाही, तर नांदगावचा नाद करायचा नाही, असा इशारा थेट पालकमंत्री छगन भुजबळ यांना दिला. त्यामुळंच आता पुन्हा एकदा आमदार कांदे आक्रमक झालेत. त्यांनी पुन्हा भुजबळांशी पंगा घेण्याचं ठरवलेलं दिसतंय. कारण त्यांनी नुकतंच जिल्हाधिकारी सूरज मांढरे यांना एक पत्र दिलंय. त्यात डीपीसी निधीचं प्रकरण वादग्रस्त आहे. त्यामुळं हा निधी वर्ग करू नका. अन्यथा पोलिसांत तक्रार करत आत्मदहन करू, असा इशारा दिलाय.

200 कोटींचा निधी

नांदगाव मतदार संघातील 200 कोटींच्या निधीचं हे प्रकरणय. यासाठी येत्या 8 आणि 9 नोव्हेंबर रोजी जिल्हा नियोजन समितीची बैठक होण्याची शक्यताय. त्यात या निधीबाबत काही निर्णय होऊ शकतो. त्यामुळं त्यापूर्वीच आमदार सुहास कांदे आक्रमक झालेत. या वादग्रस्त निधीप्रकरणी आपण न्यायालयात गेलो आहोत. त्यामुळं त्यावर कुठलाही निर्णय घेऊ नये, असा इशाराच त्यांनी दिलाय.

निधीवरून याचिका

शिवसेना आमदार सुहास कांदे यांनी नियोजन समितीचा निधी विकल्याचा आरोप करत पालकमंत्री छगन भुजबळांविरोधात याचिका दाखल केलीय. विशेष म्हणजे ही याचिका मागे घ्यावी म्हणून आपल्याला अंडरवर्ल्ड डॉन छोटा राजन टोळीचा धमकीचा फोन आल्याचे कांदे यांनी म्हटलं होतं. मात्र, अंडरवर्ल्ड डॉन छोटा राजन यांचा पुतण्या अक्षय निकाळजे यांनी आमदार कांदे यांचे सारे आरोप फेटाळून लावले होते.

पोलीस आयुक्तांकडून चौकशी

आमदार सुहास कांदे यांचे भाऊ टोलनाका चालवतात. या टोलनाक्यावर आपल्या कार्यकर्त्यांना मारहाण झाली. त्यासाठी मी सुहास कांदे यांना फोन केला. त्यांना फोनवर मी कुठलिही धमकी दिली नाही. छगन भुजबळांविरोधातली याचिका मागे घ्या, असे म्हणालो नाही, असा दावा निकाळजे यांनी केला होता. याप्रकरणी दोघांच्या परस्परविरोधी तक्रारीवरून पोलीस आयुक्तांनी चौकशी सुरू केली. त्यावरचा निर्णय प्रलंबितय.

इतर बातम्याः

भुजबळ-पंकजा नाशिकमध्ये एकाच व्यासपीठावर; भाजपच्या महापालिका सत्ताधाऱ्यांना घरचा आहेर देणाऱ्या आमदार फरांदेंनी जुळवून आणला योग

कंटेरनच्या धडकेत बसचालक दीडशे मीटर फरफटला; लासलगाव स्टँडसमोरील भयावह घटनेत जागीच मृत्यू, दोन दुकानांचेही नुकसान

पाकवर सर्जिकल स्ट्राईक करण्यास USचा ग्रीन सिग्नल? अ‍ॅक्शन घ्यावी, पण..
पाकवर सर्जिकल स्ट्राईक करण्यास USचा ग्रीन सिग्नल? अ‍ॅक्शन घ्यावी, पण...
भारत - पाकिस्तान अटारी सीमेवरील दरवाजे पुन्हा उघडले
भारत - पाकिस्तान अटारी सीमेवरील दरवाजे पुन्हा उघडले.
LPG Gas : मे महिन्याच्या सुरुवातीलाच Good News... गॅस सिलिंडर स्वस्त
LPG Gas : मे महिन्याच्या सुरुवातीलाच Good News... गॅस सिलिंडर स्वस्त.
रायगडचं पालकमंत्रिपद गावगुंडाकडे नको, राऊतांचा नाव न घेता गोगावलेंना
रायगडचं पालकमंत्रिपद गावगुंडाकडे नको, राऊतांचा नाव न घेता गोगावलेंना.
चुन चुन के नंतर मारा,आधी गृहमंत्रीपदाचा राजीनामा द्या; संजय राऊत बरसले
चुन चुन के नंतर मारा,आधी गृहमंत्रीपदाचा राजीनामा द्या; संजय राऊत बरसले.
अखेर सत्य उघड! पहलगाम हल्ल्याचा कट पाकिस्तानचाच? एनआयएचा अहवाल तयार
अखेर सत्य उघड! पहलगाम हल्ल्याचा कट पाकिस्तानचाच? एनआयएचा अहवाल तयार.
हंडाभर पाण्यासाठी वणवण पायपीट; इगटपुरीत भीषण पाणी टंचाई
हंडाभर पाण्यासाठी वणवण पायपीट; इगटपुरीत भीषण पाणी टंचाई.
एजाज खानच्या 'हाऊस अरेस्ट' शो वर बंदी घालण्याची चित्रा वाघ यांची मागणी
एजाज खानच्या 'हाऊस अरेस्ट' शो वर बंदी घालण्याची चित्रा वाघ यांची मागणी.
भारताचा श्वास बंद करणार, म्हणणाराच घाबरला...हाफीज सईदला पुरवली सुरक्षा
भारताचा श्वास बंद करणार, म्हणणाराच घाबरला...हाफीज सईदला पुरवली सुरक्षा.
'पुष्पा'मुळे ओळख...अल्लू अर्जुनच्या आयुष्याला ‘पुष्पा 2’ नंतर कलाटणी
'पुष्पा'मुळे ओळख...अल्लू अर्जुनच्या आयुष्याला ‘पुष्पा 2’ नंतर कलाटणी.