गोंदियातील सेजगावमध्ये महिला डॉक्टरने घेतला गळफास, किरायाच्या घरात का घेतला अंतिम श्वास?
गोंदिया जिल्ह्यातील 30 वर्षीय महिला डॉक्टरने गळफास घेऊन आत्महत्या केली. तिरोडाच्या वीर सावरकर वॉर्डात ही घटना आज उघडकीस आली. नेहा पारधी असं डॉक्टर मुलीचं नाव आहे. ती मूळची सेजगावर येथील रहिवासी आहे.
![गोंदियातील सेजगावमध्ये महिला डॉक्टरने घेतला गळफास, किरायाच्या घरात का घेतला अंतिम श्वास? गोंदियातील सेजगावमध्ये महिला डॉक्टरने घेतला गळफास, किरायाच्या घरात का घेतला अंतिम श्वास?](https://images.tv9marathi.com/wp-content/uploads/2022/03/04192944/dr-neha-pardhi.jpg?w=1280)
गोंदिया : दंतरोग तज्ज्ञ (Dentist) असलेल्या महिला डॉक्टरने गळफास लावला. तिरोडा येथिल वीर सावरकर वार्डात ही घटना घडली. डॉ. नेहा पारधी (Dr. Neha Pardhi) वय 30 वर्षे असं मृतक डॉक्टरचं नाव आहे. नेहा मूळची तिरोडा तालुक्यातील सेजगाव येथील रहिवासी आहे. नेहाने आत्महत्या का केली याची कारण अस्पष्ट आहे. क्लिनिकमध्ये पेशन्ट येऊन गर्दी करत होते. तरीपण डॉक्टर नेहा क्लिनिकमध्ये आल्या नव्हत्या. त्या का आल्या नाही हे बघायला कर्मचारी गेला. किरायाने राहत (rented house ) असलेल्या घरी गेल्यावर ही घटना उघडकीस आली. याची माहिती घरमालकाने तिरोडा पोलिसांना दिली. पोलीस घटनास्थळी पोहचले. पंचनामा केला आहे. तिरोडा पोलिसांचा तपास सुरू आहे.
क्लिनिकमध्ये वाट पाहत होते रुग्ण
गेल्या काही दिवसांपासून नेहा तणावात होत्या. ही घटना आज सकाळी उघडकीस आली. तेव्हा क्लिनिकमध्ये रुग्ण डॉ. नेहा यांची वाट पाहत होते. त्या रुग्णालयात आल्या नाहीत. त्यामुळं एक जण त्या राहतात, त्या घरी गेला. तिथं पाहिले असता त्या गळफास लावलेल्या स्थितीत दिसल्या. त्यांनी आत्महत्या का केली हे अद्याप कळू शकले नाही. पोलीस तपासानंतर ही बाब उघड होईल.