Jalgaon Accident : जळगावमध्ये मुंबई-नागपूर महामार्गावर चार वाहनांचा विचित्र अपघात
भरधाव डंपरने दूध वाहतूक करणाऱ्या 2 ट्रकला धडक दिली तर डंपरच्या मागे असलेली कार डंपरवर धडकली. अपघातानंतर महामार्गाची एकतर्फी वाहतूक काही काळ विस्कळीत झाली होती. घटनेची माहिती मिळताच पोलिसांनी अपघातग्रस्त वाहने रस्त्याच्या बाजूला करत महामार्गावरील वाहतूक सुरळीत केली.
जळगाव : मुंबई नागपूर महामार्गावर चार वाहनांच्या विचित्र अपघाता(Accident)ची घटना भुसावळ येथे घडली आहे. या अपघातात एक जण ठार (Death) तर 3 जण जखमी (Injured) झाले आहेत. जखमींना भुसावळ ग्रामीण रुग्णालय आणि ट्रामा केअर सेंटरमध्ये उपाचारासाठी दाखल करण्यात आले आहे. भरधाव डंपरने दूध वाहतूक करणाऱ्या 2 ट्रकला धडक दिली तर डंपरच्या मागे असलेली कार डंपरवर धडकली. अपघातानंतर महामार्गाची एकतर्फी वाहतूक काही काळ विस्कळीत झाली होती. घटनेची माहिती मिळताच पोलिसांनी अपघातग्रस्त वाहने रस्त्याच्या बाजूला करत महामार्गावरील वाहतूक सुरळीत केली. (Accident of four vehicles on Mumbai-Nagpur highway in Jalgaon)
सोलापूरमध्ये ताबा सुटल्याने ट्रॉलीसह ट्रॅक्टर उलटला
करमाळा तालुक्यातील रोशेवाडी येथील चढावरून येताना एका चालकाचा ताबा सुटल्याने दोन ट्रॉलीसह रस्त्याच्या बाजूला जाऊन ट्रॅक्टर उलटला आहे. यामध्ये चालक जखमी झाला असल्याचे समजत असून चालक अर्जुननगर येथील असल्याचे समजले आहे. त्याचे नाव व इतर माहिती समजलेली नाही. रोशेवाडी चढावरून येताना उलटलेला ट्रॅक्टर ऊस खाली करून वीटाकडून करमाळ्याकडे येत होता. मात्र चालकाचा ट्रॅक्टरवरील ताबा सुटल्याने उजव्या बाजूला जाऊन रस्त्याच्या खाली उलटला. यामध्ये मागे असलेल्या दोन्ही ट्रेलरही उलटल्या. हा अपघात पाहिल्यानंतर खूप मोठा अपघात झाल्याचे दिसत आहे. यातील जखमी व इतर माहिती समजू शकलेली नाही. (Accident of four vehicles on Mumbai-Nagpur highway in Jalgaon)
इतर बातम्या
सुंदर पत्नीवर कुणाची नजर पडू नये म्हणून पतीने पत्नीसह मुलांना 10 वर्षे घरात डांबले
