दारूच्या नशेत निर्दयी बापने काय केलं पाहा; या कृत्याने तळपायाची आग मस्तकात जाईल…

सांगली : दारूची नशा माणसाला कधी काय करण्यास भाग पाडले सांगता येत नाही. अशाच एका दारू नशेत असलेल्या बापाने केलेल्या कृत्यामुळे आता महाराष्ट्र हादरला आहे. ही घटना घडली आहे. सांगली जिल्ह्यातील वाळवा तालुक्यात. दारुच्या नशेत असणाऱ्या बापाने आपल्या पोटच्या चार वर्षाच्या मुलीला विहिरीत टाकून तिली ठार मारले आहे. या घटनेमुळे सांगली जिल्ह्यासह परिसर हादरला आहे.

दारूच्या नशेत वाळवा तालुक्यातील कुरळप येथे निर्दयी बापानेच 4 वर्षाच्या मुलीचा विहिरीत टाकून जीव घेतला आहे. बापानेच पोटच्या लहान मुलीचा जीव घेतल्याने कुरळप गावात हळहळ व्यक्त केली जात आहे. या धक्कादायक घटनेमुळे परिसर हादरून गेला असून या प्रकरणी आता पोलीस अधिक तपास करत आहेत.

आण्णाप्पा तुकाराम कोळी (सध्या रा कुरळप ता. वाळवा, जि. सांगली) असे निर्दयी बापाचे नाव आहे.कोळी यांचे कुटूंब कडक लक्ष्मीचा व्यवसाय करत असून ते मागील पंधरा वीस वर्षांपासून कुरळप येथील पाण्याच्या टाकीजवळील माळरानावर वास्तव्यास आहेत.

रात्री अण्णापा कोळीने दारूच्या नशेत आपल्या 4 वर्षाच्या पोटच्या मुलीला कुरळपमधील येलूर रोडवरील असणाऱ्या रस्त्याकडील मेतुगडे यांच्या विहिरीत रात्री 10 वाजण्याच्या सुमारास ढकलून देऊन तो घरी गेला होता. तर त्याचा भाऊ राजेंद्र कोळी हा ऊस तोडून घरी आला होता. भावाची मुलगी घरात दिसली नसल्याने त्याला मुलगी कुठे आहे विचारण्यात आले.

त्यावेळी त्याने विहिरीत टाकल्याचे सांगितले. त्यानंतर अण्णाप्पाच्या भावाने याबाबत पोलिसात तक्रार दिली. त्यानंतर कुरळप पोलिसांनी निर्दयी बापाला पोलिसांनी ताब्यात घेतले.

या घटनेची माहिती पोलिसांनी दिल्यानंतर इस्लामपूर उपविभागीय पोलीस अधिकारी पद्मा कदम, सहाय्य्क पोलीस निरीक्षक दीपक जाधव,अनिल पाटील सह पोलीस कर्मचारी यांनी तात्काळ घटनास्थळी भेट देऊन रात्री 2 पर्यंत पाहणी केली होती. रात्रीच्या वेळी तपास करूनही मुलगी विहिरीत दिसून आली नाही.

त्यामुळे दुसऱ्या दिवशी म्हणजेच आज विद्युत मोटारी रात्रभर सुरु करून पाणी कमी करण्यात आले. त्यानंतर आज सकाळी 7वाजता मुलीचे प्रेत पाण्यावर तरंगताना दिसून आले. त्यानंतर सहायक पोलीस निरीक्षक दीपक जाधव, अनिल पाटील, बापुसाहेब कांबळे यांनी मुलीचे काका राजेंद्र कोळी यांना विहिरीतून प्रेत बाहेर काढण्यास सांगितले.

प्रेत काढतानाचे दृश्य हे मन हेलावून टाकणारे होते तर राजेंद्र याला अश्रू अनावर झाले होते. त्यानंतर मुलीचा मृतदेह उत्तरीय तपासणीसाठी प्राथमिक रुग्णालयात पाठवण्यात आला. याप्रकरणी मुलीच्या बापाला पोलिसांनी ताब्यात घेतले असून पुढील तपास पोलीस करत आहेत.