VIDEO : मुलीची छेड काढत मारहाण करणाऱ्या गुन्हेगाराची लातूर पोलिसांकडून धिंड

लातूर : मुलींची छेड (Molestation) काढत एका मुलीच्या चेहऱ्यावर फायटरने मारहाण (Beating) करणाऱ्या एका सराईत गुन्हेगारा (Criminal)ची लातूर पोलिसांनी रस्त्यावरून चांगलीच धिंड काढली आहे. साधी धिंड नाही तर महिला पोलिसांनी खाकीचा प्रसाद देत या आरोपीला ठाण्यात आणले. गौस सय्यद असे या सराईत गुन्हेगाराचे नाव आहे. घटनेची माहिती मिळताच पोलिसांनी तात्काळ घटनास्थळी दाखल होत आरोपीला ताब्यात घेतले आणि पोलिस ठाण्यापर्यंत गुन्हेगाराची वरात काढली. (Latur police nab a criminal who molested and beat up a girl)

एका शाळकरी मुलीची छेड काढल्या प्रकरणी धिंड

लातूरच्या विवेकानंद चौक पोलिस ठाण्याच्या हद्दीत असलेल्या एका शाळेसमोर गौस सय्यद नावाच्या सराईत गुन्हेगाराने एका मुलीची छेड काढली. छेड काढणाऱ्याला त्या मुलीने विरोध केला. मुलगी आक्रमक झाल्याचं पाहून या आरोपीने मुलीच्या चेहऱ्यावर त्याच्याकडे असलेल्या फायटरने मारहाण केली. या घटनेची माहिती विवेकानंद चौक पोलिसांना देण्यात आली. माहिती मिळताच घटनेचे गांभीर्य ओळखत आरोपीला घटनास्थळावरून ताब्यात घेत पॉलिसी खाक्या दाखवला. एवढेच नाही तर त्याची पोलीस ठाण्यापर्यंत वरात काढली. गुन्हेगारांवर पोलिसांचा धाक रहावा हा यामागचा पोलिसांचा हेतू आहे.

पिंपरी चिंचवडमध्ये मुलीचा विनयभमग करणाऱ्या बापाला अटक

जन्मदात्या बापाने स्वतःच्याच 15 वर्षीय मुलीचा विनयभंग केल्याची धक्कादायक घटना पिंपरी चिंचवडमध्ये उघडकीस आली आहे. याप्रकरणी नराधम बापाला चिंचवड पोलिसांनी अटक केली आहे. या प्रकरणी मुलीच्या आईनेच या घटनेची पोलिसात तक्रार दाखल केली. 20 दिवसापासून आरोपी मुलीचा रात्री विनयभंग करत असल्याची तक्रार मुलीच्या आईने पोलिस ठाण्यात दिली. त्यानंतर चिंचवड पोलिसांनी आरोपीला अटक करत कारवाई केली. (Latur police nab a criminal who molested and beat up a girl)

लातूरमध्ये सराईत गुन्हेगाराची पोलिसांकडून धिंड#LaturCrime |#Molestation |#Criminal |#PoliceAction pic.twitter.com/OFUcMooU1Q

— TV9 Marathi (@TV9Marathi) March 16, 2022

इतर बातम्या

VIDEO : उल्हासनगरमध्ये दुचाकीवरून आलेल्या चोरट्यांचा मोबाईल खेचून पोबारा, घटना सीसीटीव्हीत कैद

Bank Fraud : सर्व्हर हॅक करत बँकेला दीड कोटींचा चुना, डोंबिवली नागरी सहकारी बँकेतील घटना