Maharashtra Corona Update | राज्यातील कोरोनाबाधितांचा आकडा 29 हजारांवर, मुंबईत 17,671 रुग्ण

मुंबई : राज्यातील कोरोनाबाधितांची संख्या दिवसेंदिवस वाढत चालली (Maharashtra Corona Cases) आहे. आज राज्यात आणखी 1 हजार 576 नव्या रुग्णांची भर पडली आहे. त्यामुळे राज्यातील कोरोना रुग्णांचा आकडा आता 29 हजार 100 वर पोहोचला आहे. तर राज्यात आज 505 कोरोनाबाधित रुग्णांना घरी सोडण्यात आले असून आतापर्यंत राज्यभरात 6 हजार 564 रुग्ण (Maharashtra Corona Cases) बरे झाले आहेत.

दिवसभरात 49 जणांचा कोरोनामुळे मृत्यू

आज राज्यात 49 कोरोनाबाधित रुग्णांचा मृत्यू झाला आहे. त्यामुळे कोरोनाबळींची एकूण संख्या आता 1068 झाली आहे. आज झालेल्या मृत्यूंपैकी मुंबई मधील 34, पुण्यात 6, अकोला शहरातील 2, कल्याण डोंबिवलीतील 2, धुळ्यात 2, पनवेलमधील 1 जळगावातील 1 आणि औरंगाबादेतील एकाचा समावेश आहे.

आज झालेल्या मृत्यूंपैकी 29 पुरुष तर 20 महिला आहेत. आज झालेल्या 49 मृत्यूपैकी 60 वर्षे किंवा त्यावरील 22 रुग्ण आहेत. तर 23 रुग्ण हे वय वर्षे 40 ते 59 या वयोगटातील आहेत. तर 4 जण 40 वर्षांखालील आहे. या 49 रुग्णांपैकी 32 जणांमध्ये (65 टक्के) मधुमेह, उच्च रक्तदाब, हृदयरोग, अशा स्वरुपाचे अतिजोखमीचे (Maharashtra Corona Cases) आजार आढळले आहेत.

धारावीत तब्बल 31000 जण होम क्वारंटाईन, आठ दिवसात 412 पॉझिटिव्ह, दिवसभरात चौघांचा मृत्यूhttps://t.co/G2nyfGWvnb #Dharavi #coronavirus

— TV9 Marathi (@TV9Marathi) May 15, 2020

पुणे जिल्ह्यातील कोरोनाबाधित रुग्णांची संख्या 3567 वर

पुणे जिल्ह्यात आज 141 नवे कोरोनाबाधित रुग्ण आढळून आले आहेत. त्यामुळे पुणे शहरातील रुग्णांची संख्या 3,107 वर पोहोचली आहे. तर पिंपरी चिंचवड शहरातील रुग्णांची संख्या 184 वर पोहोचली. त्यामुळे पुणे जिल्ह्यातील कोरोनाबाधितांची संख्या ही 3567 वर पोहोचली आहे. तर पुणे जिल्ह्यातील आतापर्यंत 186 कोरोनाबाधितांचा मृत्यू झाला आहे.

मुंबईत कोरोना रुग्णांची संख्या 17,671 वर

आज मुंबईत नव्या 933 कोरोना रुग्णांची भर पडली आहे. त्यामुळे कोरोना रुग्णांची संख्या 17 हजार 671 वर पोहोचली. तर आज मुंबईत 34 कोरोनाबाधितांचा मृत्यू झाला आहे. आतापर्यंत मुंबईत कोरोनामुळे 655 जणांचा मृत्यू झाला आहे.

कोरोना रुग्णांची अद्ययावत आकडेवारी :

Maharashtra Corona Cases

संबंधित बातम्या :

Lockdown 4 | लॉकडाऊन 4 बाबत नियम काय असू शकतात? राजेश टोपे म्हणतात…..

धारावीत तब्बल 31000 जण होम क्वारंटाईन, आठ दिवसात 412 पॉझिटिव्ह, दिवसभरात चौघांचा मृत्यू

Pune Corona | पुणे विभागात कोरोना रुग्णांची संख्या 4 हजारांच्या पार

Lockdown Extension | मुंबईतील लॉकडाऊन लवकर उठणार नाही : राजेश टोपे