मुंबईत एका दिवसात 184 रुग्ण कोरोना पॉझिटिव्ह, राज्यात कुठे किती नवे रुग्ण?

मुंबई : महाराष्ट्रातील कोरोनाचा विळखा दिवसेंदिवस वाढत (Mumbai Highest Corona Patient) आहे. राज्यात आज (18 एप्रिल) दिवसभरात 328 जणांचा रिपोर्ट कोरोना पॉझिटिव्ह आला आहे. धक्कादायक म्हणजे मुंबईत आज दिवसभरात तब्बल 184 रुग्ण वाढले आहेत. मुंबईतील ही आतापर्यंतची सर्वाधिक वाढ आहे. मुंबई महापालिकेच्या आरोग्य विभागाने याबाबतची माहिती दिली.

राज्यातील कोरोनाबाधितांची संख्या 3 हजार 648 वर पोहोचली  आहे. राज्यात (Mumbai Highest Corona Patient) आज दिवसभरात 328 जणांचा रिपोर्ट कोरोना पॉझिटिव्ह आला आहे. यातील 184 रुग्ण हे एकट्या मुंबईतील आहेत. तर पुण्यात 78 नव्या रुग्णांची वाढ झाली आहे.

328 new #COVID19 cases have been recorded today in Maharashtra, taking the total number of cases to 3648 in the State. Highest 184 of the new cases recorded in Municipal Corporation of Greater Mumbai area followed by Pune at 78 cases: State Health department pic.twitter.com/d6ynCFk3m5

— ANI (@ANI) April 18, 2020

मुंबईत आतापर्यंत सर्वाधिक कोरोना रुग्ण आढळले आहेत. त्यामुळे मुंबईकरांची धाकधूक वाढली आहे. एकट्या मुंबईतील कोरोनाग्रस्तांचा आकडा दोन हजाराच्या पार गेल्याने धाकधूक वाढली आहे.

राज्यात कुठे किती नवे रुग्ण?

मुंबई – 184 पुणे – 78 अकोला – 1 अमरावती – 1 औरंगाबाद – 1 कल्याण डोंबिवली – 5 मिरा -भाईंदर – 11 नागपूर – 3 नंदुरबार – 1 नवी मुंबई – 2 पालघर – 7 पनवेल – 1 पिंपरी चिंचवड – 8 पुणे ग्रामीण – 1 रायगड – 5 सातारा – 4 सोलापूर – 2 ठाणे – 9 वसई विरार – 1 भिवंडी – 3

मुंबईची धाकधूक वाढली, सातहून अतिगंभीर वार्डमध्ये प्रत्येकी 110 पेक्षा अधिक रुग्ण

आतापर्यंत पाठविण्यात आलेल्या 67 हजार 468 नमुन्यांपैकी 63 हजार 476 जणांचे कोरोना रिपोर्ट निगेटिव्ह आले आहेत. तर 3 हजार 648 जण कोरोना पॉझिटिव्ह आले आहेत. सध्या राज्यात 82 हजार 299 लोक होम क्वारंटाईनमध्ये आहेत. तर 6999 लोक संस्थात्मक क्वारंटाईनमध्ये आहेत.

आज राज्यात 11 करोना बाधित रुग्णांचा मृत्यू झाला आहे. कोरोनामुळे राज्यात झालेल्या मृत्यूंची संख्या आता 211 झाली आहे. या मृत्यूमध्ये मुंबई येथील 5 आणि पुणे 4 , औरंगाबाद आणि ठाण्यातील प्रत्येकी एकाचा समावेश आहे.

त्यात 6 पुरुष तर 5 महिला आहेत. त्यामध्ये 60 वर्षे किंवा त्यावरील 5 रुग्ण आहेत. तर 6 रुग्ण हे वय वर्षे 40 ते 60 या वयोगटातील आहेत. मृत्यू झालेल्या 11 जणांपैकी 9 रुग्णांमध्ये मधुमेह, उच्च रक्तदाब, हृदयरोग अशा स्वरुपाचे अतिजोखमीचे आजार आढळले आहेत.

आतापर्यंतची अपडेट आकडेवारी