दगडी चाळीत डॅडीची क्वीनवर नजर, लॉकअपमधून बाहेर, लॉकडाऊनमध्ये अडकलेल्या अरुण गवळीचा ‘कॅरम’गेम

मुंबई : कोरोनामुळे संपूर्ण देश 14 एप्रिलपर्यंत लॉकडाऊन (Arun Gawli plying carrom during lockdown) आहे. त्यामुळे अत्यावश्यक सेवेशिवाय कुणालाही बाहेर पडण्यास मज्जाव आहे. अशावेळी सर्वजण घरकाम करताना किंवा घरी कसा वेळ घालवत आहोत, याबाबतचे फोटो, व्हिडीओ शेअर करत आहेत. कुख्यात गुंड अरुण गवळी सध्या पॅरोलवर असून, तो सध्या घरीच आहे. गँगस्टर गवळीच्या जावयाने सोशल मीडियावर ‘डॅडी’चा व्हिडीओ शेअर केला आहे. (Arun Gawli plying carrom during lockdown)

या व्हिडीओमध्ये अरुण गवळी कुटुंबीयांसोबत कॅरम खेळताना दिसतो. मुली गीता आणि योगितासोबत अरुण गवळी कॅरमवर हात आजमवताना दिसत आहे. हा व्हिडीओ योगिताचा पती अभिनेता अक्षय वाघमारेने सोशल मीडियावर शेअर केला आहे.

View this post on Instagram

Family time ? #stayhome #staysafe #familytime . #daddy @cupidsillyshell @geetajay @twinkledustatmita @asha_arun_gawli_official_

A post shared by Akshay Waghmare (@akshayswaghmare) on Apr 3, 2020 at 12:48am PDT

अरुण गवळीला पॅरोल

कुख्यात डॉन अरुण गवळीला मुंबई उच्च न्यायालयाच्या नागपूर खंडपीठाने 27 फेब्रुवारीला पॅरोल मंजूर केला आहे. अरुण गवळी (Gangster Arun Gawli) सध्या नागपूर मध्यवर्ती कारागृहात जन्मठेपेची शिक्षा भोगत आहे. पत्नी आजारी असल्याच्या कारणास्तव गवळीने 30 दिवसांची पॅरोल रजा मागितली होती. नागपूर विभागीय आयुक्तांनी अरुण गवळीचा पॅरोलचा अर्ज फेटाळला होता. त्यामुळे गवळीने उच्च न्यायालयात धाव घेतली होती. अखेर उच्च न्यायालयाने गवळीला दिलासा देत पॅरोल मंजूर केला आहे.

अरुण गवळी (Gangster Arun Gawli) शिवसेनेचे नगरसेवक कमलाकर जामसंडेकर हत्या प्रकरणात जन्मठेपेची शिक्षा भोगत आहे. याआधी, मुंबई उच्च न्यायालयाच्या नागपूर खंडपीठाने अरुण गवळीला 28 दिवसांची संचित रजा मंजूर केली होती. महाराष्ट्रातील लोकसभा निवडणुकांचा टप्पा पार पडल्यानंतर, म्हणजेच 30 एप्रिल 2019 रोजी गवळी पॅरोलवर मुंबईत आला होता.

संबंधित बातम्या 

गँगस्टर अरुण गवळीच्या मुलीचा ‘या’ अभिनेत्यासोबत साखरपुडा

पत्नीच्या आजारपणाचं कारण, डॉन अरुण गवळीला पॅरोल मंजूर