मीरा भाईंदरमध्ये दोन नवे कोव्हिड रुग्णालय, डॉक्टर, वैद्यकीय कर्मचाऱ्यांसाठी 819 पदांची भरती

मीरा-भाईंदर : मीरा भाईंदर शहरात कोरोनाग्रस्तांची संख्या सातत्याने वाढत आहे. त्या पार्श्वभूमीवर शासनाने दोन नव्या कोव्हिड रुग्णालयांना नुकतंच मान्यता दिली आहे. या दोन्ही रुग्णालयात मिळून 376 खाटा उपलब्ध होणार आहेत. या दोन्ही रुग्णांसाठी महापालिकेकडे डॉक्टर आणि इतर वैद्यकीय कर्मचारीच नसल्याने आता महापालिकेने त्यांची 819 पदासाठी नेमणूक या सुरु केली आहे. येत्या शनिवारपर्यंत अर्ज दाखल करण्याची मुदत देण्यात आली आहे. (Mira Bhayandar recruitment)

मिरा भाईंदर शहरात कोरोनाग्रस्तांची संख्या दिवसेंदिवस वाढतच आहे. मंगळवारपर्यंत कोरोनाग्रस्त रुग्णांची संख्या 1792 इतकी झाली आहे. दरम्यान सध्या रुग्णालयात 995 जणांवर उपचार सुरु आहेत. तर दुसरीकडे मीरा भाईंदरमध्ये मृत्यूंची संख्या 88 इतकी आहे. या पार्श्वभूमीवर जास्तीत जास्त रुग्ण सामावून घेण्यासाठी मीरा भाईंदरमध्ये नवीन कोव्हिड रुग्णालयाला मान्यता द्यावी, अशी मागणी मुख्यमंत्री उद्धव ठाकरे यांच्याकडे करण्यात आली होती.

या मागणीनुसार महापालिकेच्या मीरा रोड येथील प्रमोद महाजन इमारत आणि मीनाताई ठाकरे इमारत याठिकाणी अनुक्रमे 206 आणि 170 खाटांची कोविड रुग्णालये सुरु करण्यास शासनाकडून मान्यता देण्यात आली आहे. यासाठी शासनाने 15 कोटी रुपयांचा निधी संमत केला आहे. याव्यतिरिक्त आणखी 450 खाटांच्या रुग्णालयाला देखील लवकरच शासनाकडून मान्यता मिळण्याची अपेक्षा आहे .

कोव्हिड रुग्णालय सुरु करण्यास मान्यता मिळाली असली तरी रुग्णालयात आवश्यक असलेले डॉक्टर, परिचारिका तसेच इतर वैद्यकीय कर्मचारी यांची कमतरता आहे. त्यामुळे रुग्णालय सुरु कशी करायची असा प्रश्न महापालिकेसमोर उभा आहे.

यासाठी महापालिकेने आता कंत्राटी पद्धतीने तात्पुरत्या कालावधीसाठी डॉक्टर आणि इतर कर्मचार्‍यांची करार पद्धतीने नेमणूक करण्याची प्रक्रिया सुरु केली आहे. ही नियुक्ती 3 महिने किंवा कोरोनाचा प्रादुर्भाव सुरु असेपर्यंत असणार आहे. इच्छुकांनी येत्या 20 जूनपर्यंत महापालिका मुख्यालयात अर्ज सादर करावेत, असे आवाहन महापालिकेकडून करण्यात आले आहे. (Mira Bhayandar recruitment)

Breaking : राज्यात दिवसभरात कोरोनाचे 2701 नवे रुग्ण, तर 1802 रुग्णांना डिस्चार्ज, दिवसभरात 81 कोरोना रुग्णांचा मृत्यू, राज्यातील कोरोनाबाधितांचा एकूण आकडा 1 लाख 13 हजार 445 वर, तर आतापर्यंत एकूण 57 हजार 851 रुग्णांची कोरोनावर मात https://t.co/ImprYhMJl7 pic.twitter.com/k8Bod9gzWJ

— TV9 Marathi (@TV9Marathi) June 16, 2020

संबंधित बातम्या : 

Maharashtra Corona Update | दिवसभरात 178 कोरोनाबळी, एका दिवसातील मृत्यूचा सर्वोच्च आकडा

Devendra Fadnavis | मुंबईतील 950 पेक्षा जास्त कोरोना मृत्यू का लपवले?, फडणवीसांचा सवाल, मुख्यमंत्र्यांना पत्र