Nagpur Crime : नागपुरात 4 वर्षीय मुलीचं अपहरण, खंडणीसाठी केला फोन, दोन्ही आरोपी पोलिसांच्या जाळ्यात

नागपूर : मालकाने नोकरीवरून काढल्याचा राग मनात धरून त्याच्या चार वर्षीय मुलीचे अपहरण केलं. अपहरण केल्यानंतर खंडणीसाठी फोन केला आणि गुन्हेगार पोलिसांच्या जाळ्यात अलगद सापडले. ही थरारक घटना नागपूर जिल्ह्यातील हिंगणा (Hingana Police) परिसरात घडली. पोलिसांनी चिमुकलीची सुखरूप सुटका करीत दोन आरोपींना अटक केली आहे. पोलिसांनी दिलेल्या माहितीनुसार, गणेशपूर येथील आकाश सोनोने (Akash Sonone) आणि टेंभरी येथील संकेत अनिल ठाकरे अशी या दोन आरोपी युवकांची नावे आहेत. आकाश हा पीडित मुलीच्या कुटुंबाचा ओळखीचा होता. तो तक्रारदार मुलीच्या वडिलांकडे काम करायचा. नंतर त्यांना नोकरीवरून काढले म्हणून आरोपीने हे कृत्य केल्याचं स्पष्ट झालं. अशी माहिती नागपूर ग्रामीणचे पोलीस अधीक्षक विजय मगर (Superintendent of Police Vijay Magar) यांनी दिली.

नोकरी सुटल्यानंतरही मुलीच्या वडिलांच्या संपर्कात

आकाश सोनोने हा नोकरी पुन्हा मिळावी, या उद्देशाने मुलीच्या वडिलांना भेटायला घरी जायचा.त्यामुळं मुलीची त्याच्याशी ओळख होती. गुरुवारी आकाश मुलीच्या घरी गेला. त्याने मुलीला चॉकटेल खरेदी करून देतो, असा बहाणा सांगितला. तिला खरं वाटलं. त्यामुळं चिमुकली आकाशसोबत गेली. पण, आकाशच्या मनात वेगळंच सुरू होतं. त्यानं चिमुकलीला आपल्या ताब्यात घेतलं. त्यानंतर आकाशने मुलीच्या वडिलांना खंडणीसाठी फोन केला. त्यांच्याकडं पैसे असल्याची जाणीव आकाशला होती. पैसे मिळावेत, शिवाय मुलीच्या वडिलांचा बदलाही घेता येईल, असा त्याने विचार केला.

7 लाख रुपयांची खंडणी मागितली

इकडं, मुलीचे वडील चिंताग्रस्त झाले. रात्री उशिरापर्यंत मुलगी घरी आली नव्हती. नातेवाईकांकडं, आजूबाजूच्यालोकांकडं चौकशी केली. पण, मुलीचा पत्ता लागला नव्हता. तेवढ्यात आकाशानं मुलीच्या वडिलांना फोन केला. मुलगी जीवंत हवी असेल, तर 7 लाख रुपये खंडणी हवी, अशी धमकी दिली. मुलीच्या वडिलांनी एमआयडीसी बोरी पोलिसांना कळविलं. उपविभागीय अधिकारी पूजा गायकवाड यांच्या नेतृत्वात तपास करण्यात आला. सीसीटीव्ही तपासण्यात आले. आकाशचे लोकेशन स्ट्रेस करण्यात आले. आकाशसोबत संकेतही होता. पोलिसांनी दोघांच्याही मुसक्या आवळल्या.

हे सुद्धा वाचा

Video: माथेरान शिवसेना संपर्कप्रमुख प्रसाद सावंतांवर जीवघेणा हल्ला; बंडखोर समर्थकांकडून जीवघेणा हल्ला; रुग्णालयात उपचार सुरू

Pune crime : दारू पिण्यासाठी खुर्च्या दिल्या नाही, म्हणून टोळक्याचा धुडगूस; पुण्याच्या कोंढव्यातल्या घटनेत तिघांना अटक

पत्नी प्रियकरासोबत आपत्तीजनक स्थितीत, पतीचं डोकं सटकलं, पत्नीचे हातपाय बांधून चौथ्या माळ्यावरून फेकले

Dahisar Crime : टीव्ही सीरीअलच बघत बसते म्हणून नवऱ्याची बायकोला मारहाण! मारहाणीत बायको रक्तबंबाळ