Nagpur Petrol Diesel | नागपुरातील अनेक पेट्रोलपंप ड्राय, तेल कंपन्यांकडून एक-दोन दिवसाआड पुरवठा, डिझेल नसल्याने वाहनचालकांचा मनस्ताप

नागपूर : डिझेल आणि पेट्रोलचा पुरवठा करणाऱ्या कंपन्यांकडून पुरेसा पुरवठा होत नाही. नागपुरातील अनेक पेट्रोलपंपावर डिझेलचा तुटवडा आहे. गेल्या काही दिवसांपासून तेल कंपन्यांकडून एक दोन दिवसाआड डिझेलचा पुरवठा होत आहे. नागपुरातील अनेक पेट्रोल पंपावर डिझेलचा तुटवडा आहे. पेट्रोलियम कंपन्यांना (Petroleum Companies) डिझेलची दरवाढ हवी आहे. कंपन्या पेट्रोलपंपांना पुरेशा प्रमाणात पुरवठा करत नसल्याचं, पेट्रोलपंप चालकांचं म्हणणं आहे. नागपुरात डिझेल तुटवडा आहे. यामुळे वाहनचालकांना (Drivers) मनस्ताप सहन करावा लागतोय. डिझेल मिळत नसल्यानं शेतकऱ्यांना (Farmers) त्यांच्या कामात अडथळा निर्माण होतोय.

काही पेट्रोलपंपांवर डिझेल नाही

खासगी पेट्रोल पंपांना डिझेल-पेट्रोलचा पुरवठा कमी करण्यात येत आहे. त्यामुळं काही पेट्रोलपंप बंद पडलेत. नागपूर पेट्रोल पंप संचालक आणि पुरवठादार कंपनीच्या अधिकाऱ्यांमध्ये नुकतीच बैठक झाली. त्यातूनही काही मार्ग निघू शकला नाही. नागपूर, अमरावतीसह राज्यातील बहुतेक खासगी पेट्रोलपंच चालकांची अशीच काहीशी स्थिती आहे.

शेतीची कामे खोळंबली

सध्या शेतीचा हंगाम सुरू आहे. ट्रॅक्टरनं नांगरणी केली जाते. ट्रॅक्टर चालविण्यासाठी डिझेल लागते. पण, ते मिळत नसल्यानं त्यासाठी पंपांवर फिरावे लागत आहे. काही जण गुमान परत येतात. त्यामुळं शेतीची कामं खोळंबली आहेत. राज्यात सुमारे सहाशेच्यावर खासगी पेट्रोलपंप आहेत. मोठ्या कंपनीकडून पंपांना डिझेलचा पुरवठा होत नसल्यानं ही टंचाई निर्माण झाली आहे.

हे सुद्धा वाचा

Marathi Sahitya Sammelan | 96 वे अखिल भारतीय मराठी साहित्य संमेलन वर्ध्यात, मराठी साहित्य महामंडळाच्या अध्यक्षा उषा तांबे यांची घोषणा

Bhandara Crime | मोहाडीत बीअर बारमध्ये तरुणावर प्राणघातक हल्ला, वर्चस्वाच्या वादातून काढले धारदार शस्त्र, जखमीवर रुग्णालयात उपचार

खामोश..! देशाच्या हिताची गोष्ट असते तेव्हा मी आपल्या पार्टीचंसुद्धा ऐकत नाही, काँग्रेसमुळे देशात क्रांती

Railway Recruitment: गाइज ‘अर्ज घटिका समीप आली!’ पगार पाणी एका क्लीकवर, घाई करा

उद्या नो पर्चेसचा निर्णय

इंधन दरकपातीविरोधात पेट्रोलपंप चालक-मालक आक्रमक झालेत. दरकपातीविरोधात फामपेडा संघटनेचा नो पर्चेसचा निर्णय घेण्यात आलाय. 31 मे रोजी तेल कंपन्यांकडून पेट्रोल-डिझेलची खरेदी केली जाणार नाही. अशी माहिती फामपेडा संघटनेचे अध्यक्ष उदय लोध यांनी दिली. देशभरातील पेट्रोलपंपमालक सहभागी होणार आहेत. नो पर्चेस असं हे आंदोलन आहे. तीन मे रोजी माल खरेदी करणार आहोत. देशभरातील पेट्रोलपंपचालकांची आंदोलन आहे. राज्यातील साडेसहा हजार पेट्रोलपंपमालक यात सहभागी होतील, असंही उदय लोध यांनी सांगितलं.