Accident : पाम बीचवर Hyndai i20 चा भीषण अपघात! गाडीचा अक्षरशः चुरा, दोघे गंभीर जखमी
Navi Mumbai Palm beach Road accident : ह्युंदाई i20 कारमधून जात असताना सानपाडा जवळ कार चालकाचा वाहनावरील ताबा सुटला.
नवी मुंबई : नवी मुंबईवरील (Navi Mumbai News) पाम बीच मार्गावर (Palm Beach Accident) पुन्हा एक भीषण अपघात झाला. एका भरधाव i20 कारने डिव्हायडरला धडक दिली. कारचा वेग इतका जबरदस्त होता, की कारच्या दर्शनी भागाचा अक्षरशः चुरा झालाय. गाडीचं बोनेट, ड्राईव्हरच्या बाजूची काच, याचा मोठा फटका बसलाय. या कारमधून एक महिला आणि पुरुष प्रवास करत होते. त्या दोघांनाही गंभीर जखम झाली आहे. गंभीर जखमी झालेल्या दोघांवरही सध्या रुग्णालयात उपचार सुरु आहेत. वाशी एमजीएम रुग्णालयात दोन्ही जखमींवर सध्या उपचार सुरु आहेत. नवी मुंबईतल्या सानपाडातील (Sanpada) मोराज सर्कल जवळ हा अपघात घडला. या अपघाताची माहिती मिळाल्यानंतर पोलिसांनी स्थानिकांच्या मदतीनं बचावकार्य केलंय. मात्र या अपघातामुळे पामबीच मार्गावरील अपघातांची मालिका कधी थांबणार, असा प्रश्न यानिमित्तानं उपस्थित केला जातोय.
पाम बीचवर वेगाला आवार घाला…
पाम बीच मार्गावर वेगाला आवर घालण्याचं आवाहन केलं जातंय. पाम बीच मार्गावर सुसाट वाहनं चालवून अपघात होण्याचं प्रमाण वाढलंय. दर दहा पंधरा दिवसांनी पाम बीचवर भीषण अपघाताच्या घटना वारंवार समोर येत आहेत. या मार्गावर वाहनांची संख्या कमी असल्यानं रात्रीच्या वेळेत बेदरकारपणे वाहनं चालवून अपघात होत असल्याच्या घटना अनेकदा समोर आल्यात.
ह्युंदाई i20 कारमधून जात असताना सानपाडा जवळ कार चालकाचा वाहनावरील ताबा सुटला. कार अत्यंत वेगात असल्यामुळे कंट्रोल झाली नाही, जोरात डिव्हाडरवर जाऊन आदळल्यानं हा अपघात झाला.
सुदैवानं जीवितहानी नाही!
मंगळवारी रात्री झालेल्या अपघातात सुदैवानं कोणतीही जीवतहानी झाली नाही. मात्र मोठ्या प्रमाणात कारचं नुकसान झालंय. कारमधील महिला आणि पुरुष या अपघातातून बालंबाल बचावलेत. याआधी 3 मे आणि 4 मे असे सलग दोन दिवस पाम बीच मार्गावर अपघातांची मालिका पाहायला मिळाली होती. त्यानंतर आता आणखी एका अपघातामुळे चिंता वाढली आहे.
