खासदार सुप्रिया सुळेंना कोरोनाची लागण, पती सदानंद सुळेंचा अहवालही पॉझिटिव्ह, ट्विटरवरून दिली माहिती
राष्ट्रवादी काँग्रेसच्या नेत्या आणि खासदार सुप्रिया सुळे यांना कोरोनाची लागण झाली आहे. त्यांच्यासह पती सदानंद यांचाही कोरोना अहवाल पॉझिटिव्ह आल्याचे ट्विट त्यांनी केलेय.
मुंबईः राष्ट्रवादी काँग्रेसच्या नेत्या आणि खासदार सुप्रिया सुळे (Supriya Sule) यांचे पती सदानंद सुळे या दोघांचेही कोरोना अहवाल पॉझिटिव्ह आले आहे. सुप्रिया सुळे यांनी आज ट्विटरवरून ही माहिती दिली. त्यामुळे आमच्या संपर्कात आलेल्या प्रत्येकाने कोरोना तपासणी करून घ्यावी, असे आवाहन त्यांनी केले आहे.
सुप्रिया सुळे यांनी काय ट्विट केले?
खासदार सुप्रिया सुळे यांनी आज 29 डिसेंबर रोजी त्यांच्या टि्वटर हँडलवरून दुपारी दीड वाजेच्या सुमारास ही माहिती दिली. त्यांनी ट्विटमध्ये लिहिले, मी आणि सदानंद, आम्हा दोघांचीही कोरोना टेस्ट पॉझिटिव्ह आली आहे. काळजी करण्याचे कारण नाही पण आमच्या संपर्कात आलेल्या सर्वांनी आपली कोरोना टेस्ट करुन घ्यावी,ही नम्र विनंती. काळजी घ्या.
शिक्षणमंत्री वर्षा गायकवाड यांनाही कोरोना
काल दिनांक 28 डिसेंबर रोजी शिक्षणमंत्री वर्षा गायकवाड यांनाही कोरोनाची लागण झाल्याचे उघडकीस आले. त्यांनीदेखील ट्विट करून ही माहिती दिली. तसेच माझ्या संपर्कात आलेल्या व्यक्तींनी कोरोना तपासणी करून घेण्याचे आवाहन त्यांनी केले होते. वर्षा गायकवाड या हिवाळी अधिवेशनात उपस्थित होत्या. त्यामुळे इतर मंत्र्यांनाही बाधा होते की काय ही चिंता वाढली आहे.
मी आणि सदानंद, आम्हा दोघांचीही कोरोना टेस्ट पॉझिटिव्ह आली आहे. काळजी करण्याचे कारण नाही पण आमच्या संपर्कात आलेल्या सर्वांनी आपली कोरोना टेस्ट करुन घ्यावी,ही नम्र विनंती. काळजी घ्या.
— Supriya Sule (@supriya_sule) December 29, 2021
इतर बातम्या-
सिंधुदुर्ग पोलिसांनी नारायण राणेंना नोटीस बजावली, कोणत्या वर्तणुकीवर घेतला आक्षेप? वाचा नोटिसीचा मजकूर सविस्तर!
राज्यपाल-सरकारमध्ये संघर्षाची ठिणगी कशामुळे पडली? संजय राऊतांनी सांगितलं नेमकं कारण!
