गिरीशभाऊ दारू पीत नाही, तंबाखू खात नाही, पण त्यांना एकच सवय ती म्हणजे…, गिरीश महाजन यांच्यावर एकनाथ खडसे यांचा मोठा हल्ला
गिरीश महाजन हा माणूस नुसते बडबड करणारा आहे. देवेंद्रजींच्या छत्रछायेखाली राहून मोठा झालेला आहे. त्यांचे स्वतःचे कर्तृत्व नाही. त्यामुळे गिरीश महाजन यांना भाव देण्यात काहीच अर्थ नाही. त्यांनी मला बदनाम करण्यासाठी माझ्याविरोधात षडयंत्र रचले होते.
जळगाव जिल्ह्यातील दोन नेत्यांमधील वाद राज्यभर गाजत असतो. आमदार एकनाथ खडसे आणि मंत्री गिरीश महाजन गेल्या काही वर्षांपासून एकमेकांवर टीका करण्याची एकही संधी सोडत नाही. गेल्या दोन, तीन दिवसांपासून या नेत्यांमधील वाद रंगला आहे. आता एकनाथ खडसे यांनी गिरीश महाजन यांच्यावर घणाघाती हल्ला केला आहे. खडसे म्हणाले, मी हे मान्य करतो की गिरीशभाऊ दारू पीत नाही. तंबाखू खात नाही. बिडी पीत नाही. त्यांना कुठलीही सवय नाही. मात्र त्यांना एक सवय आहे. त्यांची ती सवय सर्वांना माहीत आहे. त्यावर मी न बोललेले बरं…एकनाथ खडसे यांच्या या वक्तव्यानंतर गिरीश महाजन यांच्या त्या सवयीवर चर्चा रंगली आहे.
काय म्हणाले एकनाथ खडसे
गिरीश महाजन हा माणूस नुसते बडबड करणारा आहे. देवेंद्रजींच्या छत्रछायेखाली राहून मोठा झालेला आहे. त्यांचे स्वतःचे कर्तृत्व नाही. त्यामुळे गिरीश महाजन यांना भाव देण्यात काहीच अर्थ नाही. त्यांनी मला बदनाम करण्यासाठी माझ्याविरोधात षडयंत्र रचले होते. त्या सर्व प्रकरणाचा प्रमुख सूत्रधार कोण आहे? हे महाराष्ट्राला माहिती आहे. ते म्हणतात, भोसरी भूखंडात खडसेंनी भूखंड घेतला. परंतु आजही तुम्ही भोसरीचा उतारा काढू शकता मूळ मालकाचे नावच त्यावर दिसेल. मी महसूल मंत्री होतो. त्यामुळे मला तेवढी अक्कल होती. गिरीश महाजन यांनी भूखंडासंदर्भात दिलेली माहिती अत्यंत चुकीची आहे.
विचारा तुमच्या आमदाराला?
आता म्हणता बोदवडमध्ये पाणी नाही. ती जबाबदारी तुमच्या आमदाराची आहे. काय करतोय तुमचा काय करतो आमदार? असा प्रश्न उपस्थित करणात आमदार चंद्रकांत पाटील यांना एकनाथ खडसे यांनी घेरले. तुमच्या आमदारानेच बोदवडमध्ये पाणी दिले नाही. ते म्हणतात, कोथळी ग्रामपंचायतीचा सरपंच तुमचा नाही. तर घ्या त्या सरपंचाची प्रतिक्रिया अन् विचारा त्यांना कुणाचा सरपंच आहे, असे एकनाथ खडसे यांनी गिरीश महाजन यांना सुनावले.
तुम्ही म्हणता माझ्या बायकोला हरवले. तुम्ही गद्दारी करून हरवले आहे. बोदवड आणि मुक्ताईनगरनगर पंचायत ही माझी होती. परंतु तुम्ही फोडाफोडीचे राजकारण केले. पैशांचे आमिष देऊन त्या संस्था ताब्यात घेतल्या, असा आरोप एकनाथ खडसे यांनी केला. आमच्या बोदवड कृषी उत्पन्न बाजार समितीत एक सुद्धा माणूस तुमचा निवडून आला नाही. मी काय काम केले असे प्रश्न ते विचारतात. तर जे धरणाचे काम उभे केले ते मी केले आहे. तुमच्या मतदारसंघातले धरण 100% नाथाभाऊंच्या कालखंडात झाले आहे. तुम्ही पाटबंधारे मंत्री होता तेव्हा काय दिवे तुम्ही लावले? असा प्रश्न एकनाथ खडसे यांनी गिरीश महाजन यांना सुनावला.
आमची जामनेरची सभा तुम्ही पाहिली. त्यामुळे तुमचं मानसिक संतुलन बिघडलेला आहे. त्या उलट तुम्ही माझी नार्को टेस्ट संदर्भात बोलतात. त्याची काय गरज आहे? असा प्रश्न खडसे यांनी उपस्थित केला.
