Nalasopara Crime : नालासोपाऱ्यात प्रेयसीची हत्या करुन प्रियकराची रेल्वेखाली उडी घेत आत्महत्या
आरोपी प्रियकर अभिषेक शहा हा बुधवारी दुपारी 2.30 च्या सुमारास आपल्या अल्पवयीन प्रेयसीला घेऊन कळंबच्या हर्षद फार्म हाऊस येथे आला होता. काही वेळाने तो जेवण आणण्यासाठी बाहेर गेला मात्र परतलाच नाही. लॉज मालकाने खोलीत जाऊन पाहिले तेव्हा त्याची प्रेयसी मृतावस्थेत पडली होती.
नालासोपारा : नालासोपारा कळंब समुद्र किनाऱ्यावरील एका लॉजमध्ये अल्पवयीन प्रेयसीची गळा आवळून हत्या (Murder) करत प्रियकराने आत्महत्या केल्याची खळबळजनक घटना उघडकीस आली आहे. प्रियकराने बोरीवली येथे रेल्वे खाली उडी घेत आत्महत्या (Suicide) केली. अभिषेक शहा असे प्रियकराचे नाव आहे. नालासोपारा पश्चिमेच्या कळंब येथील हर्षद फार्म हाऊस या लॉजमध्ये बुधवारी ही घटना घडली. याप्रकरणी अर्नाळा सागरी पोलिस ठाण्यात हत्येचा गुन्हा दाखल करण्यात आला आहे. ही हत्या आणि आत्महत्या नेमकी कोणत्या कारणाने घडली हे अद्याप स्पष्ट होऊ शकले नाही. अर्नाळा पोलिस याबाबत सखोल चौकशी करत आहेत. (Boyfriend commits suicide after killing girlfriend in Nalasopara)
प्रेयसीची हत्या केल्यानंतर स्वतः रेल्वेखाली उडी घेतली
आरोपी प्रियकर अभिषेक शहा हा बुधवारी दुपारी 2.30 च्या सुमारास आपल्या अल्पवयीन प्रेयसीला घेऊन कळंबच्या हर्षद फार्म हाऊस येथे आला होता. काही वेळाने तो जेवण आणण्यासाठी बाहेर गेला मात्र परतलाच नाही. लॉज मालकाने खोलीत जाऊन पाहिले तेव्हा त्याची प्रेयसी मृतावस्थेत पडली होती. आरोपी अभिषेकने गळा आवळून तिची हत्या करून फरार झाल्याचे स्पष्ट होताच लॉज मालकाने अर्नाळा सागरी पोलिसांनी याची माहिती दिली. घटनेची माहिती मिळताच तात्काळ पोलिसांनी घटनास्थळी धाव घेत पंचनामा केला. मृतदेह ताब्यात घेऊन अर्नाळा सागरी पोलीस ठाण्यात हत्येचा गुन्हा दाखल केला. आरोपीच्या शोधासाठी पोलिसांची दोन पथक रवाना करण्यात आली. शोध घेत असताना फरार प्रियकर आरोपीने बोरिवली रेल्वे स्थानकात रेल्वेखाली उडी मारून आत्महत्या केल्याचे उघड झाले.
अश्लील फोटोच्या आधारे प्रेयसीला करायचा ब्लॅकमेल
आरोपी प्रियकर अभिषेक त्याच्या प्रेयसीला अश्लील फोटोच्या आधारे ब्लॅकमेल करत पैशाची मागणी करत असल्याचे पोलीस तपासात उघड झाले आहे. प्रेयसीने मंगळवारी घरातून 15 हजार रुपये घेतले होते आणि त्यानंतर हे जोडपे लॉजवर आले होते. पण लॉजवर येऊन नेमके काय झाले की प्रेयसीची हत्या करून प्रियकराने आत्महत्या केली, हे मात्र स्पष्ट झाले नसून पोलीस त्याचा शोध घेत आहेत. (Boyfriend commits suicide after killing girlfriend in Nalasopara)
इतर बातम्या
Sindhudurg VIDEO | पाणी प्रश्नी आवाज उठवल्याचा राग, सिंधुदुर्गात ग्रामस्थाला सरपंचाची मारहाण
