Amol Mitkari : आणखी काही व्हिडीओ व्हायरल होण्याची भीती, अमोल मिटकरी यांची सायबर सेलकडे तक्रार!
मिटकरींनी थेट अकोल्याच्या सायबर सेलला माझ्यासंदर्भात व्हिडीओ व्हायरल केल्याप्रकरणी आणि इतर व्हिडीओ व्हायरल होण्याची शक्यता आहे. त्यामुळं त्यांनी पोलीस ठाण्यात तक्रार देण्यात आली आहे.
अकोला जिल्ह्यातल्या मूर्तिजापूर येथे झालेल्या राष्ट्रवादीच्या बैठकीमधील व्हिडीओ वायरल करण्यात आला. आणखी तीन-चार वादग्रस्त व्हिडीओ व्हायरल होण्याची शक्यता आहे. त्यामुळं अमोल मिटकरींनी (Amol Mitkari) सायबर सेलला (Cyber Cell) तक्रार केली.आमदार अमोल मिटकरी आणि अकोल्याचे राष्ट्रवादी युवक काँग्रेसचे (Youth Congress) जिल्हाध्यक्ष शिवा मोहोड यांचा वादाला खळबळजनक वळण लागलंय. त्यांच्यातील वाद आता हा अकोल्याच्या सायबर सेल पोलिसांपर्यंत पोहचला आहे. अमोल मिटकरींनी थेट सायबर पोलीस ठाण्यात तक्रार दिली आहे.
मिटकरींची सायबर सेलकडे धाव
राष्ट्रवादी युवक काँग्रेसचे जिल्हाध्यक्ष शिवा मोहोड यांनी काही दिवसांपूर्वी मूर्तिजापूर येथे झालेल्या बैठकीचा व्हिडीओ वायरल केला. या प्रकरणी आणि इतर व्हिडीओ व्हायरल होण्याची शक्यता आहे. या कारणाने मिटकरींनी सायबर सेलला दिलेल्या तक्रारीत नमूद आहे. या संदर्भात मिटकरींवर आरोप करणारे शिवा मोहोड यांना सायबरकडून बोलावणं म्हणजे हजर होण्याच्या सूचना देण्यात आल्या आहेत. शिवा मोहोड यांच्याकडे कोणते पुरावे आहेत. त्यामुळं आमदारांना पोलीस ठाणे गाठावे लागले.
मिटकरींचा शिवा मोहोड यांना इशारा
अकोल्यात राष्ट्रवादी पक्षात पदाधिकारी आणि आमदाराकडून एकमेकांवर गंभीर आरोप प्रत्यारोप सुरु आहेत. राष्ट्रवादीचे शिवा मोहोड़ यांनी थेट मिटकरी हे कामासाठी कमिशन घेत असल्याचा आरोप केला होता. यासोबतच मिटकरींना थेट त्या महिला पदाधिकाऱ्याचं काय प्रकरण आहे? असा सवाल उपस्थित करण्यात आला आहे. मिटकरींनी आरोप फेटाळत शिवा मोहोडांना सूचक इशारा दिला होता.
कोणते व्हिडीओ व्हायरल होण्याची भीती
सध्या राज्यभरात हा विषय चांगलाचं रंगला. आता मिटकरी आणि मोहोड यांच्यातील वादाला आता नवीन वळण आलं. मिटकरींनी थेट अकोल्याच्या सायबर सेलला माझ्यासंदर्भात व्हिडीओ व्हायरल केल्याप्रकरणी आणि इतर व्हिडीओ व्हायरल होण्याची शक्यता आहे. त्यामुळं त्यांनी पोलीस ठाण्यात तक्रार देण्यात आली आहे.
शिवा मोहोड मंगळवारी सायबर सेलमध्ये हजर होणार
या तक्रारीनंतर सायबर सेलचे प्रमुख राहुल वाघ यांनी शिवा मोहोड यांना फोनवरुन सायबर सेल इथे हजर होण्याच्या सूचना दिल्या. आमदार साहेबांनी आपल्या विरोधात व्हिडीओ व्हायरल केल्याप्रकरणी तक्रार दिली. आपण हजर व्हावे असे सांगण्यात आले आहे. आता मोहोड मंगळवारी सायबर सेलला हजर होणार असल्याची माहिती आहे.
तक्रार आली, चौकशी सुरू
मात्र आमदार मिटकरी संदर्भात कोणते व्हिडिओ व्हायरल झाले. अन् कोणते व्हिडीओ व्हायरल होणार आहे. हे मंगळवारी स्पष्ट होईल. पोलिसांना या संदर्भात विचारले असता त्यांनी आपल्याकडे तक्रार आलेली आहे. चौकशी सुरू असल्याचं सांगितलं आहे.
