Gadchiroli Murder : गडचिरोलीत अज्ञात कारणावरुन प्रियकराकडून प्रेयसीची अपहरण करुन हत्या
पालकांच्या तक्रारीनंतर पोलिसांनी मुलीचा शोध सुरु केला. आठवडाभर कसून तपास केल्यानंतर मुलीच्या प्रियकरानेच मुलीची हत्या केल्याचे निष्पन्न झाले. आरोपीने हत्येनंतर मृतदेह स्वतःच्या घराच्या मागच्या जंगलात पुरला. पोलिसांनी घटनास्थळी जाऊन मृतदेह ताब्यात घेतला.
गडचिरोली : प्रियकरानेच प्रेयसीचे अपहरण (Kidnapping) करुन तिची हत्या (Murder) केल्याची खळबळजनक घटना गडचिरोलीत उघडकीस आली आहे. अविनाश रंगा मडावी असे आरोपी प्रियकराचे नाव आहे. मंडवीने सात दिवसापूर्वी प्रेयसीचे अपहरण करुन हत्या केली आणि मृतदेह घराच्या मागच्या जंगलात पुरल्याचे बुधवारी उघड झाले. पोलिसांनी घटनास्थळाहून मृतदेह ताब्यात घेतला आहे. मृतदेह शवविच्छेदनासाठी रुग्णालयात पाठवण्यात आला. शवविच्छेदन अहवालात मुलगी गरोदर असल्याचे निष्पन्न झाले आहे. आरोपी अविनाश मडावी व त्याचा मित्र फरार असून पुढील तपास मन्नेराजाराम पोलिस करीत आहेत. (Girlfriend abducted and murdered by boyfriend in Gadchiroli)
सात दिवसांपासून बेपत्ता होती मुलगी
भामरागड तालुक्यातील मन्ने राजाराम येथील अविनाश मडावी याचे एका मुलासोबत प्रेमसंबंध होते. सदर मुलगी सात दिवसांपूर्वी अचनाक बेपत्ता झाली. कुटुंबीयांनी आसपासच्या परिसरात मुलीचा शोध घेतला. मात्र मुलगी कुठेही सापडली नाही. त्यामुळे तिच्या पालकांनी मन्ने राजाराम पोलिसात मुलगी बेपत्ता झाल्याची तक्रार दाखल केली. पालकांच्या तक्रारीनंतर पोलिसांनी मुलीचा शोध सुरु केला. आठवडाभर कसून तपास केल्यानंतर मुलीच्या प्रियकरानेच मुलीची हत्या केल्याचे निष्पन्न झाले. आरोपीने हत्येनंतर मृतदेह स्वतःच्या घराच्या मागच्या जंगलात पुरला. पोलिसांनी घटनास्थळी जाऊन मृतदेह ताब्यात घेतला. मात्र आरोपी आणि त्याचा साथीदार फरार झाले असून पोलिस त्यांचा शोध घेत आहेत.
नांदेडमध्ये पत्नीची हत्या करुन पतीची आत्महत्या
कौटुंबिक वादातून पतीने कुऱ्हाडीने वार करुन पत्नीची हत्या केल्याची घटना नांदेड जिल्ह्यातील बेळकोणी गावात घडली आहे. नामदेव तोकडवाल असे आरोपी पतीचे तर रंजना तोकडवाल असे मयत पत्नीचे नाव आहे. पत्नीची हत्या केल्यानंतर पतीनेही लिंबाच्या झाडाला गळफास घेत आत्महत्या केली. दोघे पती-पत्नी नेहमीप्रमाणे शेतात कामासाठी गेले होते. यावेळी दोघांमध्ये वाद झाला. याच वादातून रागाच्या भरात पतीने हातातील कुऱ्हाडीने पत्नीच्या डोक्यावर घाव घातला. या हल्ल्यात तिचा जागीच मृत्यू झाला. याप्रकरणी रामतीर्थ पोलिसात घटनेची नोंद करण्यात आली आहे. (Girlfriend abducted and murdered by boyfriend in Gadchiroli)
इतर बातम्या
