Video | मुसळधार पावसामुळे पूल पाण्याखाली, रस्ता ओलांडण्याच्या प्रयत्नात तरुणाने गमावला जीव, व्हिडीओ व्हायरल
आज झालेल्या मुसळधार पावसामुळे गावातील पुलावरुन पाणी जात होते. यावेळी पूल ओलांडण्याचा प्रयत्न करताना हा अपघात झाला. मृत तरुणासोबत त्याचा भाऊसुद्धा होता.
जालना : भोकरदन तालुक्यातील अवघडराव सावंगी या गावात एक धक्कादायक घटना घडली आहे. या गावात पुलावरून जाताना एक तरुण पाण्यात वाहून गेला आहे. आज झालेल्या मुसळधार पावसामुळे गावात असलेल्या नदीच्या पुलावरुन पाणी जात होते. यावेळी पूल ओलांडण्याचा प्रयत्न करताना हा अपघात झाला. मृत तरुणासोबत त्याचा भाऊसुद्धा होता. मात्र, दैव बलवत्तर म्हणून तो वाचला. मृत तरुणाचे नाव शाहेद सलीम असे आहे. (Jalna Bhokardan young man swept away in flood water of river while crossing bridge)
नेमका काय घडलं ?
मिळालेल्या माहितीनुसार मागील अनेक दिवसांपासून जालना जिल्ह्यात ठिकठिकाणी पाऊस पडतोय. जिल्ह्यातील भोकरदन तालुक्यातील अवघडराव सावंगी या गावात आज पावसाने जोरदार हजेरी लावली. या गावाजवळून एक नदी वाहते. या नदीला भरपूर पाणी आले. पाण्याचा ओघ जास्त असल्यामुळे या नदीवर असलेल्या पुलावरुन पाणी वाहत होते. यावेळी अवघडराव सावंगी या गावातील शाहेद सलीम आणि त्याचा भाऊ या दोन तरुणांनी पूल ओलांडण्याचा प्रयत्न केला.
तरुणाचा दुर्दैवी मृत्यू
मात्र, हा प्रयत्न करताना शाहेद सलीम पाण्याच्या प्रवाहामध्ये स्वत:ला सावरु शकला नाही. परिणामी तो पाण्यात वाहून गेला. यातच त्याचा दुर्दैवी मृत्यू झाला. नशीच बलवत्तर म्हणून शाहेद सलीम याचा दुसरा भाऊ या अपघातातून वाचला. तो सध्या सुखरप आहे.
पाहा व्हिडीओ :
मराठवाड्यात ठिकठिकाणी पाऊस
दरम्यान, मागील अनेक दिवसांपासून राज्यात ठिकाठिकाणी मुसळधार पाऊस कोसळतोय. औरंगाबाद जालना अशा जिल्ह्यात तर पावसामुळे अनेक ठिकाणी घरांची पडझड तसेच पूल वाहून गेल्याच्या घटना घडल्या आहेत. औरंगाबाद जिल्ह्यात 9 जून रोजी मुसळधार पाऊस झाला. या पासामुळे औरंगाबाद जिल्ह्यातील जुई नदीला तुफान पूर आला होता. नदीला आलेल्या या पुरात चक्क पूल वाहून गेल्याची घटना घडली होती. पूलच वाहून गेल्यामुळे औरंगाबाद-जळगाव महामार्ग ठप्प झाला होता. नंतर पाणी ओसरल्यानंतर काही वेळाने येथील वाहतूक सुरळीत करण्यात आली होती.
इतर बातम्या :
फिरायला जाताय? मग पर्यटन राजधानी तुमच्यासाठी खुली!, कोणती पर्यटनस्थळं सुरु?
कोरोना कधी होऊन गेला कळलंही नाही; नागपुरात लहान मुलांमध्ये आढळल्या अँटिबॉडिज
पैसे भरले तरच मृतदेह मिळेल, खासगी रुग्णालयाची मुजोरी, मनसेच्या दणक्यानंतर वठणीवरhttps://t.co/yWVBiaeH0I#MNS #MNSleader #CovidHospital #ThaneCovidHospital #Thane #MNS @mnsadhikrut
— TV9 Marathi (@TV9Marathi) June 16, 2021
(Jalna Bhokardan young man swept away in flood water of river while crossing bridge)
