Watch video | पुण्यात लग्न सोहळयात चक्क बारबाला नाचवल्या, व्हिडीओ social mediaवर व्हायरल

शहरातील कोरोनाची रुग्णसंख्या कमी झाल्यानं,लग्न समारंभाच्या कार्यक्रमांना मार्यादित नागरिकांच्या उपस्थितीचे निर्बंध थोडे शिथिल करण्यात आले आहेत. त्यानुसारच सद्यस्थितीला अनुसरून लग्न समारंभाना परवानगी देण्यात आली आहे. मात्र या निर्बंधात दिलेल्या शिथिलतेचा गैरफायदा घेतला जात आहे.

pune crime

Reporter Yogesh Borse | Updated on: Feb 21, 2022 | 12:36 PM

पुणे- पुण्यातील वडारवाडी (Vadarwadi area )परिसरात लग्न सोहळ्यात ( wedding ceremony)चक्क बारबाला नाचवल्याचा धक्कादायक प्रकार समोर आला आहे. या घटनेचा व्हिडीओ सोशल मीडियावर (social media)व्हायरल झाला आहे. शहरातील मध्यवर्ती ठिकाणी असलेल्या वडारवाडी परिसरात एका लग्न समारंभाच्या कार्यक्रमात हा प्रकार घडला आहे. सोशल मीडियावर व्हायरल झालेल्या व्हिडिओमध्ये घराच्या समोरली मंडपात थेट बारबाला डान्स करत आहेत. तर त्यांच्या सोबत उपस्थित तरुणही हिडीस प्रकारे डान्स करत असल्याचे दिसून आले आहे. एवढच नव्हेतर या दरम्यान डान्स करणाऱ्या बाराबालांना पैसे दिले जात असल्याचेही दिसून आले आहे. या कार्यक्रमाच्या ठिकाणी मोठ्याप्रमाणात तरुणांचा समावेश असल्याचे दिसून आले आहे. या घटनेटनंतर पोलीस काय करवाई करणार याकडं सगळ्यांचे लक्ष लागले आहे.

निर्बंधामधील शिथिलतेचा गैरफायदा

शहरातील कोरोनाची रुग्णसंख्या कमी झाल्यानं,लग्न समारंभाच्या कार्यक्रमांना मार्यादित नागरिकांच्या उपस्थितीचे निर्बंध थोडे शिथिल करण्यात आले आहेत. त्यानुसारच सद्यस्थितीला अनुसरून लग्न समारंभाना परवानगी देण्यात आली आहे. मात्र या निर्बंधात दिलेल्या शिथिलतेचा गैरफायदा घेतला जात आहे. वडारवाडीतील या प्रकारमुळे तेथील स्थानिक नागरिकांनी संताप व्यक्त केला आहे. लग्नासारख्या सोहळयात थेट बाराबाला नाचवणे हा अत्यंत संतापजनक प्रकार आह. यामुळे पुन्हा एकदा शहरातील कायदा व सुव्यवस्था याबाबत प्रश्न चिन्ह निर्माण झाले आहे. वडारवाडीतील या प्रकारावर पोलीस कारवाई करणार का? हे पाहणे महत्त्वाचे ठरणार आहे.