पुणे येथील महिलेच्या शरीरात धडधडले माजी सैनिकाचे ह्रदय

पुणे : रस्ते अपघातात गंभीर जखमी झालेला अन् नंतर ब्रेन डेड झालेल्या मध्य प्रदेशातील भिंड येथील माजी सैनिकाच्या ह्रदयाचे प्रत्यारोपण ( heart transplant) शनिवारी पुणे येथे करण्यात आले. त्यासाठी विशेष विमान ह्रदय आणले गेले होते. या विशेष विमानासाठी ग्रीन कॉरिडॉर (Green Corridor) तयार करण्यात आला होता.अन् अवघ्या पाच तासात ही प्रक्रिया करण्यात आली. मग शस्त्रक्रियेनंतर पुणे येथील महिलेच्या ह्रदयात माजी सैनिकाच्या ह्रदयाची धकडन सुरु झाली. पुण्यातील आर्मी इन्स्टिट्यूट ऑफ कार्डिओ थोरॅसिक सायन्सेसमध्ये ही शस्त्रक्रिया यशस्वीपणे पार पडली. ’एआयसीटीएस’ मध्ये दोन आठवड्यांत ह्रदय प्रत्यारोपणाची झालेली ही दुसरी शस्त्रक्रिया आहे.

असे आणले ह्रदय पुण्यात

हे सुद्धा वाचा

महाराष्ट्राचे नवे राज्यपाल रमेश बैस कोण आहेत? देशात कुठे कोण झाले राज्यपाल, पाहा

महाराष्ट्र, कर्नाटकात NIA चे छापे, अल कायदाच्या संपर्कानंतर सॉफ्टवेअर इंजिनिअरला अटक

लिथियमच्या साठ्यांमुळे भारताचे नशीब बदलणार? इलेक्ट्रीक कार स्वस्त होणार?

वंदे भारत एक्सप्रेसमध्ये काय आहेत सुविधा, रेल्वेत किती मोठा झाला आहे बदल ? पाहा Video

मध्य प्रदेशातील भिंड येथील माजी सैनिकाला रस्ते अपघात गंभीर दुखापत झाली. त्यांच्यांवर दिल्लीतील ’आर्मी हॉस्पिटल रिसर्च अँड रेफरल’ सेंटरमध्ये उपचार सुरु होते. डॉक्टरांनी 11 फेब्रुवारी रोजी रुग्णाला ब्रेन डेड झाल्याचे घोषित केले. मग माजी सैनिकाच्या कुटुंबाने अवयवदान करण्यास सहमती दर्शवली.

पुणे येथील एका 29 वर्षीय महिलेचे ह्रदय कमकुवत झाले होते. तिच्या शरीरात दुसरे ह्रदय् प्रत्यारोपण करण्याशिवाय पर्याय नव्हता. हृदय अवयदात्याच्या शरीरातून काढल्यानंतर त्याचे प्रत्यारोपण चार ते पाच तासांत होणे आवश्यक असते. सैन्यदलाच्या यंत्रणेने आव्हान पेलत विशेष विमानाने माजी सैनिकाचे ह्रदय पुण्यात आणण्यात आले. त्यासाठी ग्रीन कॉरिडॉर करण्यात आले होते.

शस्त्रक्रिया झाली यशस्वी

प्रत्यारोपणाची शस्त्रक्रियेसाठी विशेष विमानाने दिल्लीवरुन हृदय पुणे येथील लोहगाव विमानतळावर आणले. ग्रीन कॉरिडॉरमुळे काही तासांत हृदय घेऊन दिल्लीतील टीम एआयसीटीएसमध्ये दाखल झाली. ’एआयसीटीएस’ मधील हृदयशल्यचिकित्सा विभागाचे प्रमुख व भुलतज्ज्ञांनी काही तासांमध्येच सैनिकाच्या पत्नीमध्ये हृदय प्रत्यारोपित केलं. अन् त्या 29 वर्षीय महिलेला पुन्हा नव्याने जीवदान मिळाले

सैनिकाच्या पत्नीला मिळाले ह्रदय

भारतीय सैन्यदलात सेवेत असलेल्या सैनिकाच्या 29 वर्षीय पत्नीचे हृदय कमकुवत झाले होते. तिच्या शरीरात दुसरे ह्रदय प्रत्यारोपण करण्याशिवाय दुसरा पर्याय नव्हता. त्या महिलेला ’डायलेटेड कार्डिओमायोपॅथी’ हा आजार होता. तिच्यावर सहा महिन्यांपासून हृदयाला शॉक देणारे एक विशेष इंप्लांट बसवण्यात आले होते. आता काही दिवसांत ती महिला सामान्य होणार आहे. तिच्या सर्व हालचालीसुद्धा सामान्य असणार आहे. यामुळे अवयदानाचे मोठे महत्व निर्माण झाले आहे. हे महत्व ओळखून देशात अवयदान करणाऱ्यांची संख्याही वाढत आहे.