Pune metro : मेट्रो स्थानके होणार अस्सल पुणेरी; स्थानकांवर प्रतिबिंबित होईल पुण्याची ओळख!

पुणे : पुणे महानगर प्रदेश विकास प्राधिकरण (PMRDA) हिंजवडी आणि शिवाजीनगर दरम्यानच्या तीन क्रमांकावरील मेट्रो स्थानकांची (Metro Stations) रचना (Structure) करताना महाराष्ट्र मेट्रो रेल कॉर्पोरेशन लिमिटेड (महा-मेट्रो)च्या उदाहरणाचे अनुसरण करेल. पीएमआरडीएच्या एका वरिष्ठ अधिकाऱ्याने नाव न सांगण्याच्या अटीवर सांगितले, की आम्ही एका एजन्सीला मेट्रो स्टेशनची रचना करण्याचे कंत्राट दिले आहे, जे माण-हिंजवडी ते शिवाजीनगर या मेट्रो मार्गावर तेथील ओळख प्रतिबिंबित करतील. अनेक आयटी कंपन्या, शैक्षणिक संस्था आणि केंद्रीय कार्यालये या कॉरिडॉरवर आहेत. या मार्गावरील सर्व मेट्रो स्टेशन्स एलिव्हेटेड आहेत आणि IT पार्क, सावित्रीबाई फुले पुणे विद्यापीठ (SPPU), भारतीय विज्ञान शिक्षण आणि संशोधन संस्था (IISER) आणि राष्ट्रीय रासायनिक प्रयोगशाळा (NCL) यांचा समावेश असेल.

अंतिम आराखडा नंतर करणार घोषित

वैकुंठ मेहता राष्ट्रीय सहकारी व्यवस्थापन संस्था, रिझर्व्ह बँक ऑफ इंडियाचे कृषी महाविद्यालय आणि कृषी महाविद्यालयाजवळ काही स्थानके येत आहेत. अधिकाऱ्याने सांगितले, की अंतिम डिझाइन अधिकृतपणे नंतरच्या तारखेला घोषित केले जातील.

आयटी कंपन्यांनी स्थानके दत्तक घेण्यास दाखवले स्वारस्य

कॉर्पोरेट सोशल रिस्पॉन्सिबिलिटी (CSR) फंडावर सहा ते सात मेट्रो स्टेशन विकसित केले जातील. कारण अनेक आयटी कंपन्यांनी स्थानके दत्तक घेण्यास स्वारस्य दाखवले आहे. याबाबतचा अंतिम निर्णय लवकरच घेतला जाईल, असे अधिकाऱ्याने सांगितले.

आणखी वाचा :

Pune crime : कोंबडीचोर अटकेत; चिकनचे भाव वाढल्यानं शस्त्रांचा धाक दाखवून पळवले होते ट्रक

Raj Thackeray : राज ठाकरेंच्या ‘हिंदुत्ववादी भोंग्या’ची पुण्यातल्या प्रमुख शिलेदारालाच धास्ती, वसंत मोरे राजकीय धक्क्यात

Sachin Kharat vs Raj Thackeray : ‘कोण चांगलं कोण वाईट याचं सर्टिफिकेट देण्याचा अधिकार राज ठाकरेंना कुणी दिला?’