PMC Election ward 14 Pashan | पाषाण बावधन बुद्रुक परिसरात कमळाचं वर्चस्व, यंदा घड्याळाचा आकडा पुढे सरकणार का?

पुणेः राज्यातील 14 महापालिकांच्या निवडणुकीचा (Municipal Corporation) बिगुल वाजला आहे. येत्या सप्टेंबर महिन्यात मुंबई, पुण्यासह इतर महत्त्वाच्या शहरांतील मनपा निवडणुका होतील. राज्य निवडणूक आयोगाच्या निर्णयानुसार, यंदा बहुसदस्यीय प्रभाग रचनेनुसार निवडणुका घेतल्या जात आहे. पुण्यातदेखील (Pune Municipal Corporation) नवी प्रभाग रचना जाहीर झाली असून त्यानुसार, इच्छूक उमेदवार (Corporator Candidate) कामाला लागले आहेत. यंदा लोकसंख्येचं गणित आणि बहुसदस्यीय रचनेमुळे वॉर्डच्या रचनेत मोठ्या प्रमाणावर बदल झाले आहेत. त्यामुळे विविध पक्षांनाही आपल्या प्रभावाखालील वॉर्ड सांभाळण्याचं आव्हान आहे. पुणे महापालिकेतील प्रभाग क्रमांक 14 मध्ये पाषाण बावधन बुद्रुक परिसर येतो.

लोकसंख्येचं गणित काय?

पुणे महापालिकेतील प्रभाग क्रमांक 14 मध्ये एकूण लोकसंख्या 58 हजार 515 एवढी आहे. अनुसूचित जातींची संख्या 7801 तर अनुसूचित जमातींची संख्या 1669 एवढी आहे.

प्रभाग 14 मधील 2017मधील विजयी उमेदवार कोण?

– स्वाती अशोक लोखंडे- भाजप – निलिमा दत्तात्रय खाडे- भाजप – जोत्स्ना गजानन एकबोटे- भाजप

प्रभाग 14 वॉर्ड अ- 2017 चं गणित काय?

या वॉर्डात 2017 मध्ये भाजपच्या स्वाती अशोख लोखंडे यांनी विजय खेचून आणला होता. स्वाती लोखंडे यांना 16,817 मते पडली. तर राष्ट्रवादीचे प्रशांत सावंत यांना 7115, शिवसेनेचे अरविंद कांबेळे यांना 5954, काँग्रेसचे नारायण सोमा पाटोळे यांना 5796 मते पडली.

प्रभाग 14 वॉर्ड ब- 2017 चं गणित काय?

या वॉर्डात भाजपच्या निलिमा दत्तात्रय खाडे यांचा विजय झाला होता. तर मनसेच्या सोनम कुसाळकर यांना 1676, शिवसेनेच्या नीता आनंद मजाळकर यांना 10,869, काँग्रेसच्या मयुरी शिंदे यांना 6216 तर राष्ट्रवादी काँग्रेसच्या प्रमोद पवार यांना 4655 एवढी मते पडली होती.

प्रभाग 14 वॉर्ड क- 2017 चं गणित काय?

या वॉर्डात भाजपच्या जोत्स्ना एकबोटे यांचा विजय झाला होता. त्यांना 17599 मते मिळाली होती. काँग्रेसच्या आयशा सय्यद यांना 6945, राष्ट्रवादीच्या हेमलता उदय महाले यांना 7497 मते तर मनसेच्या विनया दळवी यांना 1956 मते मिळाली होती. शिवसेनेच्या अमिता शिरोळे यांना 7361 एवढी मते मिळाली.

प्रभाग 14 वॉर्ड ड- 2017 चं गणित काय?

डेक्कन जिमखाना मॉडेल कॉलनी या भागावरही कमळाची सत्ता आहे. इथे अनिल शिरोळे या भाजपच्या नगरसेवकाला 2017 मध्ये 13,393 मते पडली होती. राष्ट्रवादी काँग्रेसच्या दीपक काळुराम बोडके यांना 8466 मते पडली. तर काँग्रेसच्या अलगुडे मुकारी शेट्टी यांना 7215 अशी मते पडली. मनसेच्या चैतन्य दीक्षित यांना 863 तर शिवसेनेच्या दत्तात्रय रामचंद्र पवार यांना 7649 एवढी मते मिळाली.