भारीच! ‘दार उघड बये दार उघड’ 99 वर्षांच्या आजींसमोर आदेश भावोजी पैठणी घेऊन दारासमोर हजर
आदेश बांदेकर समजून टीव्हीसमोर गाणे ऐकवणाऱ्या सांगलीच्या आजीच्या भेटीला आदेश भाऊजी आले. पैठणी देऊन आजीबाईचा सन्मान करण्यात आला. यावेळी आईच्या आठवणीने आदेश बांदेकरांचे डोळे पाणावले.
सांगली : झी मराठीवरच्या होम मिनिस्टर (Home Minister) कार्यक्रमात सहभागी होण्याची अनेकांची इच्छा असते. काहींची ती इच्छा काहीवेळेला पूर्ण होते. तर काहीजणी त्याची वाट पाहत राहतात. एका आजीबाईंची ही इच्छा वयाच्या 99 वर्षी पूर्ण झाली. टिव्हीसमोर होममिनिस्टर लागल्यावर आदेश बांदेकर (Adesh Bandekar) यांना पाहून आदेश समोर असल्याचा भास करीत गाणे म्हणणाऱ्या नलिनी जोशी (Nalini Joshi) या 99 वर्षीय आजीची आज आदेश बांदेकर यांनी सांगलीत भेट घेतली. निमित्त होते आजीच्या 100 तील पदार्पण कार्यक्रमाचे. यावेळी समक्ष आदेश बांदेकर यांना पाहून आजीही आवक झाल्या. यावेळी आदेश बांदेकर यांनी आजीला पैठणी सुद्धा भेट देत तिचा सन्मान केला.
भारीच! ‘दार उघड बये दार उघड’ 99 वर्षांच्या आजींसमोर आदेश भावोजी पैठणी घेऊन दारसमोर हजर… pic.twitter.com/5zOPZRrVPM
— TV9 Marathi (@TV9Marathi) May 28, 2022
दररोज होमनिस्टर कार्यक्रम लागला की साडेपाच वाजता सांगलीतील नलिनी माधव जोशी या 99 वर्षीय आजी टीव्हीसमोर बसून स्क्रीनवर दिसणाऱ्या आदेश बांदेकर यांना गाणे ऐकवयाच्या..आदेश बांदेकर हे आपल्या समोरच आहेत असे समजून जोशी आजी दररोज गाणे म्हणायच्या. सांगलीतील या अजीबाईचे अनोखे प्रेम ऐकून आदेश बांदेकर यांनी थेट सांगली गाठत या आजीबाईंची भेट घेतली. साक्षात आदेश बांदेकर यांना पाहून आजींना आश्चर्य वाटलंच शिवाय त्यांच्या चेहऱ्यावर एक वेगळच हास्य आणि समाधान निर्माण झाले. यावेळी आदेश बांदेकर यांच्या गळ्यात पडून आजीबाईंची आपला आनंद व्यक्त केला.
सांगलीतील नलिनी जोशी यांनी 99 वर्षे पूर्ण करीत 100 व्या वर्षात पदार्पण केले. या कार्यक्रमास आदेश बांदेकर यांनी उपस्थिती लावत आजी नलिनी जोशी यांना पैठणी भेट देत मनसोक्त गप्पाही मारल्या. यावेळी बोलताना आदेश बांदेकर यांना त्यांच्या आईची आठवण आली आणि या आठवणीने बांदेकर यांचे डोळे पणावल्याने संपूर्ण वातावरण गहिवरून गेले.
