राज्यातील कोरोना रुग्णांची एकूण संख्या 1761 वर, कोणत्या ठिकाणी किती रुग्ण?

राज्यात आज (11 एप्रिल) कोरोनाच्या 187 नवीन रुग्णांची नोंद झाली. यासह राज्यातील एकूण कोरोना रुग्णांची संख्या 1761 झाली आहे (Total Corona Patient in Maharashtra).

प्रविण शिंदे, टीव्ही 9 मराठी डिजीटल टीम | Updated on: Apr 11, 2020 | 11:28 PM

मुंबई : राज्यात आज (11 एप्रिल) कोरोनाच्या 187 नवीन रुग्णांची नोंद झाली. यासह राज्यातील एकूण कोरोना रुग्णांची संख्या 1761 झाली आहे (Total Corona Patient in Maharashtra). आतापर्यंत 208 कोरोनाबाधित रुग्ण उपचारानंतर बरे झाले आहेत. त्यांना घरीही सोडण्यात आले आहे. अशाप्रकारे सध्या राज्यात 1426 रुग्णांवर उपचार सुरु आहेत, अशी माहिती आरोग्यमंत्री राजेश टोपे यांनी दिली.

आजपर्यंत पाठवण्यात आलेल्या 36 हजार 771 नमुन्यांपैकी 34 हजार 94 जणांचे प्रयोगशाळा नमुने कोरोना निगेटिव्ह आले आहेत, तर 1761 जण पॉझिटिव्ह आले आहेत. आतापर्यंत 208 कोरोना बाधित रुग्णांना बरे झाल्यानंतर रुग्णालयातून घरी सोडण्यात आले. यासोबतच राज्यात एकूण 38 हजार 800 व्यक्ती घरगुती विलगीकरणात असून 4964 जण संस्थात्मक क्वारंटाईनमध्ये आहेत. राज्यातील ज्या भागात रुग्णांचे क्लस्टर सापडले आहेत त्या ठिकाणी क्लस्टर कंटेनमेंट कृतियोजना अमलात आणण्यात येत आहे. राज्यात या प्रकारे एकूण 4641 सर्वेक्षण पथके काम करत आहेत. त्यांनी 17 लाखाहून अधिक लोकसंख्येचे सर्वेक्षण केले आहे.

आज राज्यात 17 कोरोना बाधित रुग्णांचा मृत्यू झाला आहे. यात मुंबईचे 12 तर पुणे येथील 2, सातारा, धुळे आणि मालेगाव येथील प्रत्येकी 1 रुग्णांचा समावेश आहे. आज झालेल्या मृत्यूंपैकी 11 पुरुष तर 6 महिला आहेत. या 17 मृत्यूंपैकी 6 जण हे 60 वर्षांवरील आहेत, 8 रुग्ण हे वय वर्षे 40 ते 60 या वयोगटातील आहेत, तर 3 जण 40 वर्षांपेक्षा लहान आहेत. मृत्यूमुखी पडलेल्या 17 पैकी 16 रुग्णांमध्ये (94 टक्के) मधुमेह, उच्च रक्तदाब, अस्थमा, हृदयरोग अशा स्वरुपाचे अतिजोखमीचे आजार आढळले आहेत. यापैकी दोघांमध्ये क्षयरोग हा आजारही होता.

शुक्रवारपासून (10 एप्रिल) केंद्रातील अतिरिक्त महासंचालक डॉ. पी. के. सेन यांच्या नेतृत्वाखालील त्रिसदस्यीय शीघ्र प्रतिसाद पथक पुणे येथे कोविड 19 प्रतिबंध आणि नियंत्रण उपाययोजनांचा आढावा घेत आहे. या पथकामध्ये डॉ सेन यांच्यासोबत डॉ. रोहित बन्सल, वैद्यकीय तज्ज्ञ आणि डॉ. सौरभ मित्रा भूल तज्ज्ञ यांचाही समावेश आहे. या पथकाने मागील 2 दिवसात बी. जे. वैद्यकीय महाविद्यालय, नायडू रुग्णालय, जिल्हा रुग्णालय औंध आणि वाय सी एम रुग्णालय (पिंपरी) येथे भेट दिली.

कोणत्या ठिकाणी किती रुग्ण?

जिल्हा	रुग्ण	बरे	मृत्यू
मुंबई	343962	318995	11535
पुणे	439562	405696	8144
ठाणे	293052	274816	5873
पालघर	49872	47852	939
रायगड	72974	69761	1613
रत्नागिरी	12336	11646	425
सिंधुदुर्ग	6777	6359	180
सातारा	60722	57120	1858
सांगली	51829	49294	1800
नाशिक	137449	128167	2093
अहमदनगर	79880	76380	1171
धुळे	18870	16902	337
जळगाव	69604	63098	1542
नंदूरबार	11448	10157	229
सोलापूर	59754	56379	1859
कोल्हापूर	50144	48056	1684
औरंगाबाद	59429	50987	1289
जालना	16713	15779	394
हिंगोली	5342	4497	100
परभणी	9332	7943	313
लातूर	26927	25245	716
उस्मानाबाद	18533	17413	576
बीड	20796	18513	577
नांदेड	26170	22710	692
अकोला	20302	16111	404
अमरावती	43318	38752	567
यवतमाळ	21989	18875	497
बुलडाणा	20865	17605	270
वाशिम	11352	10120	169
नागपूर	173547	152959	3584
वर्धा	16143	14254	325
भंडारा	14604	13711	315
गोंदिया	14858	14440	175
चंद्रपूर	25987	24485	422
गडचिरोली	9325	8994	103
इतर राज्ये (महाराष्ट्रात उपचार सुरु)	146	0	91
एकूण	2314413	2134072	52861