Maharashtra Breaking News LIVE : मुख्यमंत्र्यांच्या हस्ते राजर्षी छत्रपती शाहू महाराज मराठा भवन’चे भूमिपूजन

मुख्यमंत्री एकनाथ शिंदे यांच्या हस्ते पंढरपूर येथे ‘राजर्षी छत्रपती शाहू महाराज मराठा भवन’ चे भूमिपूजन करण्यात आले. मुख्यमंत्र्यांनी यावेळेस या भवनसाठी 5 कोटी मंजूर केले. पुढे आणखीन 10 कोटी रुपये मंजूर केले जातील. विकास- कल्याणकारी योजनांद्वारे शासन सर्व घटकांसाठी काम करत आहे, असं मुख्यमंत्र्यांनी म्हटलं.

वादग्रस्त प्रोबेशनरी IAS पूजा खेडकर यांची वाशिम शहर पोलीस स्टेशनच्या एपीआय श्रीदेवी पाटील यांनी भेट घेतली आहे. मी माझ्या कामासाठी आले आहे मी बोलू शकत नाही अशी प्रतिक्रिया पाटील यांनी दिली. याआधी 2 दिवसांपूर्वी 3 महिला पोलीस अधिकाऱ्यांनी भेट घेतली होती. पूजा खेडकर यांनी आरोप केल्याच्या पार्श्वभूमीवर आता पुन्हा पोलीस चौकशीसाठी आल्याची माहिती आहे.

गडचिरोली नक्षलविरोधी ऑपरेशन सुरू असताना पोलिसांमध्ये आणि नक्षलवाद्यांमध्ये चकमक झाल्याचं वृत्त समोर आलं आहे. चकमकीत पोलीस उपनिरीक्षक सतीश पाटील गंभीर जखमी झाले आहेत. भामरागड तालुक्यातील जारावंडी जंगल परिसरातील छत्तीसगड सीमावर्ती भागात ही चकमक झाली. यात काही नक्षलवादी जखमी झाल्याचीही माहिती आहे. पोलीस उपनिरीक्षक यांना हॅलिकॉप्टरने उपचारासाठी तात्काळ रवाना करण्यात आलं आहे.

राष्ट्रवादी काँग्रेसचे पुण्यातील माजी नगरसेवक बंडू गायकवाड यांचा मुलगा सौरभ गायकवाड याने दारूच्या नशेत अपघात केला. ड्रंक एन्ड ड्राईव्हच्या या घटनेत कोंबड्यांची वाहतूक करणाऱ्या टेम्पोचे ड्रायव्हर आणि क्लीनर जखमी झाले आहेत. सौरभ गायकवाड हा देखील जखमी झाला आहे. पुण्यातील मांजरी – मुंढवा रस्त्यावर झेड कॉर्नर येथे हा अपघात झाला.

विशाळगड येथील घटनेचा निषेध स्वतः शाहू महाराजांनी केला आहे. कोल्हापूरचे सतेज पाटील यांनी स्वतः जाऊन तिथे निषेध केला. कधीही चुकीच्या गोष्टीच्या पाठी आम्ही उभे राहणार नाही, असे कॉग्रेस नेते बाळासाहेब थोरात यांनी स्पष्ट केले.

आरएसएसचे लोक चतुराईने लोकांच्या डोक्यात आपली विचारधारा भरतात की ज्याने त्यांच्या डोक्यात घर करून जाते. आरएसएसचा माईंड गेम आपण समजून घेतला पाहिजे. त्यानंतरच आपण त्यांच्याशी लढू शकतो. राजकारण हे पहिल्यासारखे नाही विचारानेच लढलं पाहिजे, असे प्रतिपादन दिग्विजय सिंग यांनी केले. अहमदनगर येथील श्रीरामपुरमध्ये ते बोलत होते.

अंमली विरोधी पदार्थ कक्ष पोलिसांनी मुंबईत मोठी कारवाई केली. पोलिसांनी सलाउद्दीन अलाउद्दीन शेख, फजल जाफर खान या दोन आरोपींना अटक केली आहे. त्यांच्याकडून 1 किलो 4 ग्रॅम वजनाचे एमडी ड्रग्ज जप्त केलेत. या अंमली पदार्थाची किंमत 2 कोटींहून अधिक असल्याचे पोलिसांनी सांगितले.

19 जुलै रोजी मुंबईमध्ये काँग्रेसच्या 2 महत्वाच्या बैठका होणार आहेत. यातील काँग्रेसच्या वरिष्ठ नेत्यांची पहिली बैठक काँग्रेस महासचिव के सी वेणुगोपाल आणि प्रभारी रमेश चेन्नीथल्ला यांच्यासोबत होणार आहे. तर, दुसरी बैठक वरिष्ठ नेते आणि महत्वाचे कार्यकर्ते यांच्यासोबत होणार आहे. विधानसभा निवडणुकीच्या अनुषंगाने या बैठकीत चर्चा होणार आहे.

पिंपरी चिंचवडमधील अजित पवारांच्या राष्ट्रवादीचे शहराध्यक्ष अजित गव्हाणे आपल्या समर्थकांसह शरद पवारांच्या राष्ट्रवादीत दाखल झाले. मात्र, त्याचे पडसाद ठाकरेच्या शिवसैनिकांमध्ये उमटले. भोसरी विधानसभेतील पदाधिकाऱ्यांनी तातडीने बैठक घेतली. अजित गव्हाणे यांना विधानसभेचे तिकीट मिळाले तर तुतारीचा प्रचार करायचा का नाही? याबाबत ठाकरे गटाच्या नेत्यांची प्रदीर्घ चर्चा झाली.

वांद्रे पूर्व विधानसभा मतदारसंघात यंदा शिवसेना ठाकरे गटाचे युवा नेते वरूण सरदेसाई निवडणूक लढण्याच्या तयारीत आहेत. त्यामुळे झिशान सिद्दीकी विरूद्ध वरूण सरदेसाई अशी लढत होण्याची शक्यता आहे. वांद्रे पूर्व विधानसभा मतदारसंघात सरदेसाई विविध उपक्रम राबवत आहेत.

आषाढी एकादशीनिमित्त वारकऱ्यांचा मेळा पंढरपूरमध्ये जमला आहे. आज सकाळी मुख्यमंत्र्यांच्या हस्ते शासकीय पूजा पार पडली. त्यानंतर मुख्यमंत्री एकनाथ शिंदे यांच्या उपस्थितीत आज चंद्रभागा बस स्टँडचं उद्घाटन होत आहे. चंद्रभागा यात्री निवासच पण उद्घाटन होणार आहे.

नागपूर ते गडचिरोली प्रवासात पावसाळी ढगांमुळे राज्याचे मंत्र्‍यांचे हेलिकॅाप्ट भरकटले होते. उपमुख्यमंत्री देवेंद्र फडणवीस आणि अजित पवार,उद्योग मंत्री उदय सामंत आणि पार्थ पवार त्यात होते. पायलटने प्रसंगावधान दाखवित सुखरुपपणे हेलिकॉप्टर उतरविले.

संभाजीराजेंच्या स्वराज्य संघटना अधिकृत पेजवरील पोस्टने चर्चेला उधान. विशाळगडावरील अतिक्रमण मुक्त मोहिमेनंतर स्वराज्य संघटनेच्या अधिकृत पेजवरून संभाजीराजेंचा हिंदूपदपातशाह असा उल्लेख

गेल्या काही महिन्यांपासून संत गतीने भूमिगत गटर योजनेचा काम सुरू. देवपूरात गेल्या काही दिवसापासून दिम्या गतीने काम सुरू असल्याने आमदार फारुक्शा यांनी केली पाहणी..

जरांगे आणि हाकेंसोबत झालेली चर्चा आम्हाला अगोदर सांगा असेही शरद पवार यांनी म्हटले आहे.

नुकताच शरद पवार यांनी म्हटले आहे की, मला कोणत्याही पदाची अपेक्षा नाहीये.

नुकताच पत्रकार परिषदेमध्ये शरद पवार यांनी मोठे भाष्य केले असून ते म्हणाले की, माझा मतदारांशी सुसंवाद चांगला आहे.

मला माहिती नव्हतं माझी ओळख आज जादूगार म्हणून करून दिली आहे. पत्रकार आणि वृत्तपत्र यांच्याशी ठरवून माझा कधी न कधी माझा संबध आला, असे शरद पवार यांनी म्हटले आहे.

जयंत पाटील यांच्याबाबतीत आमचा एकत्रित निर्णय नव्हता, काँग्रेस आणि ठाकरे गटाचा एकत्रित निर्णय नव्हता, आमची 12 मतं होती, त्यांचा विजय आम्हाला सोपा वाटत होता, संधी आली होती म्हणून डाव्यांचा विचार केला म्हणून शेकापला उमेदवारी दिली, मात्र टेंटर्जीमध्ये मतभिन्नता होती, आम्ही गणित ठरवलं होतं ते सर्वांना मान्य होईल असं नाही, त्यामुळे जयंत पाटलांना यश मिळालं नाही, पण मतभेद नाहीत असं शरद पवार म्हणाले.

केंद्रातलं सरकार जाणार, जाणार, मोदी हटाओ असशी ओरड अनेक दिवसांपासून विरोधकांकडून होत होती. पण,  हटानेवाले हट गए, मोदीजी तो बैठ गए.. अशा शब्दांत मुख्यमंत्री एकनाथ शिंदे यांनी विरोधकांवर टीका केली .

पत्रकार आणि वृत्तपत्र यांच्याशी ठरवून माझा कधी न कधी माझा संबध आला. सकाळ वृत्तपत्रात मी आणि माझे मित्र विठ्ठल मणियार यांनी मुलाखत दिली होती त्यानंतर आमची निवड झाली. नंतर आपणच एक वृत्तपत्र काढावे असं वाटलं नंतर मग मी आणि माझे मित्राने नेता हे वृत्तपत्र काढले, थोडे दिवस चाललं नंतर बंद पडलं. शरद पवार यांनी जुन्या आठवणींना उजाळा दिला.

पिंपरी-चिंचवडमध्ये अजित पवार गटाला मोठा धक्का बसला आहे. अजित पवार गटातील 24 पदाधिकाऱ्यांनी शरद पवार गटात प्रवेश केला आहे. शहराध्यक्ष अजित गव्हाणेंचा पवार गटात प्रवेश.

माझी ओळख जादूगार म्हणून केली जाईल असं मला वाटलं नव्हतं. आमच्या इथे कॉलेजात एक जादूगार राहत होते. त्यांची भेट घ्यायचो. काही जादू शिकता येतो का ते पाहायचो. चेष्टेचा भाग सोडून द्या. तुम्हाला भेटता आलो याचा आनंद आहे, असं शरद पवार म्हणाले. पुणे पत्रकार संघात त्यांचा वार्तालाप सुरू आहे.

कल्याण वरून शिर्डीला पायी निघालेल्या यात्रेकरूंना भरधाव वाहनाची धडक बसून झालेल्या अपघातात दोघांचा मृत्यू झाला तर एक जण गंभीर जखमी झाला आहे.  घोटी सिन्नर दरम्यान ही दुर्दैवी घटना घडली.  कवी पाटील आणि भावेश पाटील असे मृत्यू झालेल्या साई भक्तांची नावं आहेत. मंगळवारी रात्री आठ ते साडेआठच्या दरम्यान अपघात घडला असून पोलिस अधिक तपास करत आहेत.

अखेर राज्यात मंत्रिमंडळ विस्तार नाहीच.  महायुती सरकार मध्ये मंत्रिमंडळ विस्तार होणार नाही. विधानसभा निवडणुका तोंडावर भाजप हायकमांडने मोठा निर्णय घेतल्याची सूत्रांची माहिती .  मंत्रिमंडळ विस्तारासाठी अनेक नेते इच्छुक होते , मात्र त्यांच्या आशा-अपेक्षांवर विरजण. मात्र येत्या काही दिवसात खाते बदल होण्याची शक्यता आहे.

वादग्रस्त आयएएस अधिकारी पूजा खेडकर प्रकरणी खेडकर कुटुंबियांनी बंगल्याबाहेर असणारं अतिक्रमण स्वतःहून काढलं. महानगरपालिकेने नोटीस दिल्यानंतर खेडकर कुटुंबीयांच्या कामगारांनी अतिक्रमणाचा भाग काढला. पूजा खेडकर यांचा पुण्यातील बाणेर परिसरात आलिशान बंगला आहे. बंगल्याच्या बाहेर भिंतीला लागून अतिक्रमण करण्यात आलं होतं. यासंदर्भात अतिक्रमण काढण्यासाठी पुणे महानगरपालिकेने खेडकर कुटुंबीयांना नोटीस बजावून सात दिवसांची मुदत दिली होती.

अंबरनाथमध्ये 11 वर्षांच्या मुलीवर बलात्कार करण्यात आला. बलात्कार करणाऱ्या अल्पवयीन आरोपीसह एकूण ६ आरोपी अटकेत आहेत. आरोपींमध्ये ४ अल्पवयीन आणि एका मुलीचाही समावेश आहे.

शरद पवार यांचा आज पुणे पत्रकार संघात वार्तालाप होणार आहे. सुनेत्रा पवार आणि छगन भुजबळ यांच्या भेटीवर शरद पवार काय बोलणार याकडे लक्ष लागून आहे. दुपारी 12 वाजता शरद पवारांच्या वार्तालापाला सुरुवात होणार आहे.

पिंपरी-चिंचवडमधील चार पदाधिकाऱ्यांनी राजीनामे दिले आहेत. शहराध्यक्ष अजित गव्हाणे यांनीसुद्धा राजीनामा दिला आहे. 24 जणांनी शरद पवार गटात प्रवेश केला आहे. राहुल भोसले, पंकज भालेकर, यश साने हेदेखील शरद पवार गटात गेले आहेत.

गोंदिया जिल्ह्यात दोन जागांवर राष्ट्रवादी काँग्रेस अजित पवार गटाने दावा केला आहे. राष्ट्रवादी काँग्रेसकडून दोन जागांची मागणी करण्यात आली होती. खासदार प्रफुल पटेल आणि महायुती ज्याप्रमाणे ठरवेल त्याप्रमाणे कार्य करण्यास राष्ट्रवादी काँग्रेस तयार आहे. विधानसभेच्या जागेवरून महायुतीमध्ये रस्सीखेच होण्याची चिन्हे आहेत.

अहमदनगर- वादग्रस्त आयएस अधिकारी पूजा खेडकर यांच्यासह आता त्यांच्या वडिलांच्याही अडचणीत वाढ झाली आहे. पूजा खेडकर यांचे वडील दिलीप खेडकर यांच्या उत्पन्नाची चौकशी होणार आहे. जिल्हाधिकाऱ्यांनी इन्कम टॅक्स विभागाकडून माहिती मागवली आहे. खेडकर यांच्या मालमत्ता आणि उत्पन्नाचा स्त्रोतांची माहिती मागवली आहे.

आंबोली घाटातील वाहतूक अखेर पूर्ववत झाली आहे. सकाळी आठच्या सुमारास रस्त्याच्या मधोमध डोंगराचा भला मोठा दगड आल्याने वाहतूक विस्कळीत झाली होती. मोठ्या वाहनांची वाहतूक ठप्प झाली होती. अखेर अडीच तासांनंतर जेसीबीच्या साहाय्याने हा भलामोठा दगड बाजूला करण्यात आला.

शिंदखेडा तालुक्यात रात्री ढगफुटी सदृश्य पाऊस. दोंडाईचा परिसरात भोगावती नदीला मोठा पूर. नदीला पूर आल्याने नदीकाठच्या दुकान आणि घरांमध्ये घुसले पाणी. शेतकऱ्यांच्या शेतात घुसले पाणी, कपाशीचे मोठे नुकसान.

“शरद पवार काय बोलतील हे मी नाही सांगू शकणार. मला खात्री आहे शासनाचे मुख्यमंत्र्यांचे प्रश्न आहेत, त्याच्याबरोबर तुम्ही यायला पाहिजे. तुम्ही दोन-चार लोक बसून राज्यामध्ये शांतता कशी होईल बघितले पाहिजे. तुम्ही भूमिका घेतली पाहिजे. तुम्हाला दूर राहून चालणार नाही” असं छगन भुजबळ म्हणाले.

“काँग्रेसवाले बेईमान आहेत, राष्ट्रवादी वाले हरामखोर, हे शिवसेना वाले उद्धव ठाकरे वाले बेबनाव करत आहेत. जाती पातीच्या लोकांच्या बहकाव्यात येऊ नका. ओबीसी मराठा हे भांडण लावत आहेत. मोदीजी सबका साथ सबका विकास करत आहेत, देशाच्या पंतप्रधानाबद्दल स्वाभिमान बाळगा” असं आमदार बबनराव लोणीकर म्हणाले.

“जवान शहीद होतायत, अमित शाह यांनी राजीनामा द्यावा. अमित शाह फक्त राजकारणात व्यस्त. जवानांच्या हत्येला अमित शाह, पंतप्रधान नरेंद्र मोदी जबाबदार आहेत. नरेंद्र मोदी यांनी अमित शाह यांचा राजीनामा घ्यावा. अमित शाह केंद्रीय गृहमंत्री म्हणून अपयशी. आपल्या राजकीय विरोधकांना संपवण्यासाठी त्यांनी ताकद वापरली” अशी टीका संजय राऊत यांनी केली.

वर्धासह वेगवेगळया भागात पावसाच्या जोरदार सरी… विजांच्या कडकडाटासह पावसाची हजेरी… पावसामुळं रस्त्यावरील वर्दळ कमी… काही भागात ढगाळ वातावरण

ओमानच्या समुद्र किनाऱ्यावर तेलवाहतूक करणारे जहाज उलटले… प्रेस्टिज फाल्कन या जहाजाचे नाव असून जहाजावर असलेले 13 भारतीय बेपत्ता आहेत… तसेच श्रीलंकेचे 3 नागरिक असे एकूण 16 चालक बेपत्ता आहेत एमएससीने ट्विटरवरील पोस्टमध्ये दिली आहे.

पुण्यातील चांदणी चौकात उभारण्यात येणार पादचारी मार्ग… राष्ट्रीय महामार्ग प्राधिकरणाकडून चांदणी चौकात पादचारी पूल उभारण्यासाठी अखेर परवानगी… 100 मीटर लांबीचा पादचारी मार्ग उभारण्यात येणार… राष्ट्रीय महामार्ग प्राधिकरणाकडून निविदा प्रक्रिया पूर्ण

Maharashtra News Live : “पांडुरंगाच्या आशीर्वादाने सलग तीन वर्षे विठ्ठलाची महापूजा करण्याची संधी मला मिळाली. त्यामुळे मी स्वतःला भाग्यवान समजतो. पाऊस चांगला झाला आहे. पेरण्या झाल्या, दुबार पेरणीचे संकट नाही. यंदा मोठ्या प्रमाणात भाविक पंढरपुरात दाखल झाले आहेत. पांडुरंगाच्या आशीर्वादाने हे सरकार चांगले काम करत आहे. चांगला पाऊस होऊ दे, बळीराजा सुखी होऊ दे. या राज्यातील प्रत्येक घटक सुखी आणि समृद्धी झाला पाहिजे”, असे साकडं एकनाथ शिंदे यांनी विठ्ठलाला घातले.

वाचा सविस्तर बातमी : मुख्यमंत्र्‍यांकडून विठुरायाला साकडं

 Maharashtra News Live : यंदा आषाढी एकादशीनिमित्त मुख्यमंत्री एकनाथ शिंदे आणि त्यांची पत्नी यांच्या हस्ते श्री विठ्ठल रुक्मिणीची शासकीय महापूजा संपन्न झाली. एकनाथ शिंदे यांच्या कुटुंबातील चार पिढ्यांनी एकत्र येऊन ही महापूजा संपन्न केली.

Maharashtra News Live : ४०० वर्षांचा इतिहास असलेल्या वडाळा येथील विठ्ठल मंदिरात भाविकांची मोठी गर्दी

आज राहणार भाविकांच्या दर्शनासाठी रात्रभर मंदिर खुले

विठोबा गणपती महादेव मंदिर ट्रस्ट च्या वतीने भाविकांसाठी भाविक रंगांचे नियोजन करण्यात आले

पहाटे ४ वाजता डॉ. सहजानंद कामत यांच्या हस्ते होणार विठू माऊलीचा महाभिषेक

Maharashtra News Live : पुण्यातील चांदणी चौकात पादचारी पूल उभारण्यास परवानगी

पुण्यातील चांदणी चौकात उभारण्यात येणार पादचारी मार्ग

राष्ट्रीय महामार्ग प्राधिकरणाकडून चांदणी चौकात पादचारी पूल उभारण्यासाठी अखेर परवानगी

100 मीटर लांबीचा पादचारी मार्ग उभारण्यात येणार

राष्ट्रीय महामार्ग प्राधिकरणाकडून निविदा प्रक्रिया पूर्ण

पादचारी मार्गाचे काम कोल्हापूर येथील ‘एमडी इंफ्र’ कंपनीला देण्यात आले असून, राष्ट्रीय महामार्ग प्राधिकरण आणि ‘एमडी इंफ्र’ यांच्यातील शेवटच्या टप्प्यातील कराराचे काम सुरू आहे

चांदणी चौकातील ‘एसटी’चा नवीन बस थांबा इराणी कॅफे बावधन, असा १०० मीटरचा लोखंडी पादचारी मार्ग असणार आहे.

पुढील महिन्यात पादचारी पूल उभारण्याचे काम सुरू होईल, अशी माहिती राष्ट्रीय महामार्ग प्राधिकरण कार्यालयाकडून देण्यात आली आहे.