Narendra Giri Death | अखिल भारतीय आखाडा परिषदेचे अध्यक्ष नरेंद्र गिरी यांचा संशयास्पद मृत्यू, फासाला लटकलेल्या स्थितीत आढळला मृतदेह
Narendra Giri | प्रयागराज येथील अखिल भारतीय आखाडा परिषदेचे अध्यक्ष नरेंद्र गिरी (Narendra Giri Death) यांची संशयास्पद मृत्यू झाला आहे. अल्लापूर येथील बाघंबरी या ठिकाणी गळफास लावलेल्या स्थितीत नरेंद्र गिरी आढळले आहेत.
लखनऊ : प्रयागराज येथील अखिल भारतीय आखाडा परिषदेचे अध्यक्ष नरेंद्र गिरी (Narendra Giri Death) यांची संशयास्पद मृत्यू झाला आहे. अल्लापूर येथील बाघंबरी या ठिकाणी गळफास लावलेल्या स्थितीत नरेंद्र गिरी आढळले आहेत. गिरी यांच्या संशयास्पद मृत्यूनंतर एकच खळबळ उडाली आहे.
अखिल भारतीय अखाड़ा परिषद के अध्यक्ष महंत नरेंद्र गिरी का निधन हुआ। (फाइल तस्वीर) pic.twitter.com/Dw0w203Dku
— ANI_HindiNews (@AHindinews) September 20, 2021
घटनेची माहिती होताच वरिष्ठ पोलीस अधिकाऱ्यांची घटनास्थळी धाव
नरेंद्र गिरी यांच्या मृत्यूची बातमी येताच पोलिसांनी घटनास्थळी धाव घेतली आहे. तसेच आयजी केपी सिंह तसेच इतर वरिष्ठ अधिकारी यांनीदेखील नरेंद्र गिरी यांचा मृतदेह ज्या ठिकाणी फासाला लटकलेल्या स्थितीत आढळला त्या ठिकाणाची पाहणी केली.
पंख्याला लटकलेल्या स्थितीत आढळला मृतदेह
मिळालेल्या माहितीनुसार महंत नरेंद्र गिरी यांचा मृतदेह एका पंख्याला लटकलेल्या स्थितीत आढळला आहे. तसेच ज्या घरात गिरी यांचा मृतदेह लटकलेला होता, त्या घराचे सर्व दरवाजे बंद होते. पोलिसांनी हे आत्महत्येचे प्रकरण असू शकते असा प्राथमिक अंदाज व्यक्त केला आहे.
नरेंद्र गिरी मागील अनेक दिवसांपून मानसिक ताणवाखाली
मिळालेल्या माहितीनुसार नरेंद्र गिरी महाराज मागील अनेक दिवसांपासून मानसिक तणावतून जात होते. रविवारी गिरी यांनी उत्तर प्रदेशचे उपमुख्यमंत्री केशव प्रसाद मौर्य यांची भेट घेतली होती. मागील अनेक दिवसांपासून गिरी यांचा त्यांचे शिष्य आनंद गिरी यांच्याशी वाद सुरु होता. नरेंद्र गिरी यांनी आनंद गिरी यांना त्यांच्या आश्रमातून बाहेर काढलं होतं. हा वाद संपल्यानंतर आनंद गिरी यांनी नरेंद्र गिरी यांची माफी मागितली होती.
देव हे दु:ख सहन करण्याची शक्ती देवो- अखिलेश यादव
महंत नरेंद्र गिरी यांचे निधन झाल्यानंतर उत्तर प्रदेशचे माजी मुख्यमंत्री अखिलेश यादव यांनी दु:ख व्यक्त केलं आहे. त्यांनी देव हे दु:ख पचवण्याची शक्ती प्रदान करो, असे म्हटलं आहे. तसेच गिरी यांचे निधन ही आमच्यासाठी मोठी हानी आहे. गिरी यांच्या आत्म्याला शांती मिळो, असेही यादव म्हणाले आहेत.
अखिल भारतीय अखाड़ा परिषद के अध्यक्ष पूज्य नरेंद्र गिरी जी का निधन, अपूरणीय क्षति!
ईश्वर पुण्य आत्मा को अपने श्री चरणों में स्थान व उनके अनुयायियों को यह दुख सहने की शक्ति प्रदान करें।
भावभीनी श्रद्धांजलि। pic.twitter.com/wD2JC14LDp
— Akhilesh Yadav (@yadavakhilesh) September 20, 2021
इतर बातम्या :
राज्यसभेसाठी काँग्रेसकडून रजनी पाटलांना संधी, प्रज्ञा सातव यांना विधानसभा की विधान परिषद?
Rajya Sabha : राज्यसभेच्या जागेसाठी काँग्रेसचा उमेदवार जाहीर, रजनी पाटील यांच्या नावाची घोषणा
(akhil bharatiya akhada parishad president mahant narendra giri died body found in suspicious condition)
