कोरोनाचे नवे प्रकार आणि लाटांपासून वाचण्याचे 2 उपाय, वाचा तज्ज्ञ काय सांगतात?
सावधगिरी आणि कोरोना लसीकरण हे दोन उपाय कोरोनाच्या सर्व म्यूटेंटवर आणि भविष्यात येणाऱ्या कोरोना लाटांपासून वाचण्याचा उपाय आहे.
नवी दिल्ली : देशात कोरोनाचा प्रादुर्भाव सातत्याने वाढत आहे. अशा स्थितीत कोरोनाची सध्य स्थिती आणि येणाऱ्या लाटांपासून कसं वाचावं? असा प्रश्न नागरिकांना पडला आहे. देशवासियांच्या शंका दूर करत तज्ज्ञांनी कोरोनापासून बचावासाठी काही महत्वाच्या बाबी सांगितल्या आहे. त्यात सावधगिरी आणि कोरोना लसीकरण हे दोन उपाय कोरोनाच्या सर्व म्यूटेंटवर आणि भविष्यात येणाऱ्या कोरोना लाटांपासून वाचण्याचा उपाय आहे. (Caution and vaccination are two ways to prevent corona)
देशात लवकरात लवकर मोठ्या प्रमाणात लसीकरण झाल्यास कोरोनाची येऊ घातलेली तिसरी लाट ही सध्याच्या दुसऱ्या लाटेपेक्षा कमी नुकसानकारक ठरेल, असं तज्ज्ञांनी म्हटलंय. सामाजिक अंतर राखणे, मास्कचा वापर आणि वारंवार हात धुणे हे उपाय तुम्हाला कोरोनापासून दूर ठेवू शकतात.
तिसरी लाट रोखली जाऊ शकते?
देशात कोरोना रुग्णांची वाढती संख्या आणि मृत्यूचं प्रमाण या पार्श्वभूमीवर तिसऱ्या लाटेची शक्यताही तज्ज्ञांकडून वर्तवली जात आहे. केंद्र सरकारचे मुख्य वैज्ञानिक सल्लागार के. विजय राघवन यांनी देशात कोरोनाची तिसरी लाट येणार असल्याचं विधान बुधवारी केलं होतं. त्यानंतर आज त्यांनी कोरोनाची तिसरी लाट रोखण्याबाबत मार्गदर्शन केलं आहे. राघवन यांचं हे मार्गदर्शन केंद्र आणि राज्य सरकारांना उपयुक्त ठरणारं आहे.
आपण कठोर पावलं उचलली, तर तिसरी लाट येऊ शकणार नाही. स्थानिक, राज्य, जिल्हा आणि शहर पातळीवर कोरोना संदर्भातील सर्व नियम आणि मार्गदर्शक तत्वांची अंमलबजावणी कशी करतो, यावर ते अवलंबून असेल, असं राघवन यांनी म्हटलंय. त्यामुळे कोरोनाची तिसरी लाट रोखायची असेल तर कठोर पावलं उचलण्याबरोबरच कोरोना नियमांची काटेकोर अंमलबजावणी करणं गरजेचं असल्याचंही राघवन म्हणाले.
कोरोनाची तिसरी लाट कधी येणार?
इंडियन इन्स्टिटय़ूट ऑफ पब्लिक हेल्थ बंगळुरूचे एपिडेमिओलॉजिस्ट डॉ. गिरीधर बाबू यांच्यामते, थंडीच्या काळात कोरोनाचा प्रादुर्भाव होण्याची भीती सर्वाधिक असते. नोव्हेंबरच्या शेवटी किंवा डिसेंबरच्या सुरूवातीला कोरोना संसर्गाचा सर्वाधिक धोका असतो. त्यामुळे त्यापूर्वी लवकरात लवकर लसीकरण करण्याची गरज आहे. तसेच पुढील काळात तरुण लोकांवर सर्वाधिक परिणाम होऊ शकतो.
कोरोनाची तिसरी लाट मुलांसाठी किती घातक? जाणून घ्या एम्सच्या तज्ज्ञ डॉक्टरांची मतेhttps://t.co/4AJhoNCwAw#corona |#thirdWave |#dangerous |#children
— TV9 Marathi (@TV9Marathi) May 9, 2021
संबंधित बातम्या :
ऑक्सिजन टँकर काळाबाजारावर अशोक चव्हाणांचा गडकरींना फोन, गडकरींचा थेट विशाखापट्टनमला, पहा काय घडलं?
Caution and vaccination are two ways to prevent corona
