PM Modi Speech : जम्मू काश्मीरमध्ये लवकरच विधानसभा निवडणुका होतील : मोदी

देशाचं 25 वर्षांनंतरचं साध्य आजचा संकल्प असेल : मोदी

25 वर्षांनंतर जे कुणी पंतप्रधान असतील ते या ठिकाणावरुन देशाने काय साध्य केलं हे सांगताना जे सांगतील ते आजचा मी सांगत असलेला संकल्प असेल : मोदी

भारताची ऊर्जा क्षेत्रातील मोठी घोषणा, ‘नॅशनल ग्रीन हायड्रोजन मिशन’ राबवणार : मोदी

नॅशनल ग्रीन हायड्रोजन मिशनची घोषणा, भारताची ऊर्जा क्षेत्रातील मोठी प्रगती, जगात स्वच्छ उर्जासाठी भारताला ओळखलं जाईल : मोदी

भारतीय स्वातंत्र्याच्या 100 व्या वर्षापर्यंत देशाला ऊर्जा क्षेत्रात स्वयंपूर्ण करणार : मोदी

भारतीय स्वातंत्र्याच्या 100 व्या वर्षापर्यंत देशाला ऊर्जा क्षेत्रात स्वयंपूर्ण करणार असल्याची घोषणा पंतप्रधान नरेंद्र मोदी यांनी केली. तसेच या दशकापर्यंत 450 गिगावॅट अपारंपारिक उर्जा निर्मितीचं लक्ष्य ठेवल्याचंही मोदींनी सांगितलं.

देशातील सर्व सैनिक शाळांमध्ये आता मुलींनाही प्रवेश देणार : मोदी

मुलींनाही समान संधी मिळाली पाहिजे. मुली कोणत्याच क्षेत्रात कमी नाही. त्यामुळे आता देशातील सर्व सैनिक शाळांमध्ये आता मुलींनाही प्रवेश देणार आहे, अशी घोषणा नरेंद्र मोदींनी केली.

विविध क्षेत्रात अडथळे ठरणारे 15000 निर्बंध आम्ही संपवले : मोदी

200 वर्षांपासून नकाशाचा कायदा अस्तित्वात होता. मॅपिंग असो, स्पेस असो, माहिती तंत्रज्ञान असो या सर्व क्षेत्रातील 15000 निर्बंध आम्ही संपवले आहेत.

भारतातील उत्पादकांनी त्यांचे उत्पादन भारताची ओळख असल्याचं लक्षात ठेवावं : मोदी

“भारतातील उत्पादकांनी त्यांचे उत्पादन भारताची ओळख असल्याचं लक्षात ठेवावं. जगाच्या बाजारपेठेवर आपलं अधिराज्य असावं हे स्वप्न देशातील उत्पादकांनी पाहावं. सरकार त्यांच्यासोबत उभं असेल. सरकार देशातील स्टार्ट-अपसोबतही उभं आहे.”

देशात 75 वंदे भारत रेल्वे देशातील विविध भागांना जोडतील : मोदी

देश 75 वा स्वातंत्र्य दिन साजरा करत असताना देशभरात 75 ‘वंदे भारत रेल्वे’ देशातील विविध भागांना जोडतील : मोदी

सध्या देशात 80 टक्के शेतकऱ्यांकडे दोन हेक्टरपेक्षा कमी शेती : मोदी

मोदी म्हणाले, “वाढत्या लोकसंख्यामुळे कुटुंबात विभागणी होऊन गावांमध्ये शेतकऱ्यांकडील जमिनीचं प्रमाण कमी होतंय. हे मोठं आव्हान आहे. सध्या देशात 80 टक्के शेतकऱ्यांकडे दोन हेक्टरपेक्षा कमी शेती आहे. या अल्पभूधारक शेतकऱ्यांकडे जितकं लक्ष द्यायला हवं होतं तितकं आधी दिलं गेलं नाही. आत्ता या शेतकऱ्यांवर लक्ष दिलं जातंय. ब्लॉक लेव्हलवर विअर हाऊस तयार करण्यावर भर देणार आहे.”

“देशात भांडवलशाही आणि समाजवादाची खूप चर्चा, पण सहकारवादही महत्त्वाचा”

“देशात भांडवलशाही आणि समाजवादाची खूप चर्चा होते. पण देशात सहकारवादाचीही गरज आहे. यामुळे देशातील जनता विकासाचा भाग बनावा म्हणून सहकार क्षेत्र महत्त्वाचं आहे. सहकार हे एक संस्कार, प्रेरणा आणि सोबत चालण्याची वृत्ती आहे. म्हणूनच स्वतंत्र सहकार मंत्रालय बनवण्यात आलं.”

जम्मू काश्मीरमध्ये लवकरच विधानसभा निवडणुका होतील : मोदी

जम्मू काश्मीरमध्ये डिलिमिटेशन बोर्डाचं गठन झालंय, लवकरच तिथं विधानसभा निवडणुका होतील.

“लवकरच ईशान्य भारतातील सर्व राज्यांच्या सर्व राजधान्यांना रेल्वे मार्गाने जोडणार”

लवकरच ईशान्य भारतातील सर्व राज्यांच्या सर्व राजधान्यांना रेल्वे मार्गाने जोडले जाईल. या राज्यांना देशाच्या विकासाचा भाग बनवावं लागेल. हे काम देशाच्या अमृतमहोत्सवाआधी पूर्ण करावं लागेल.

“आता ब्लॉक स्तरावर आधुनिक रुग्णालयं उभे करण्यावर भर”

LIVETV : उज्वला योजनेपासून आयुष्मानपर्यंत योजनांची ताकद सर्वसामान्यांना माहिती, इतक्यावरच थांबायचं नाही, 100 टक्के गावांमध्ये रस्ते, सर्वांकडे बँक खाते, आयुष्मान कार्ड असावे, घरकुल योजनेतून प्रत्येकाला घर द्यायचं आहे : पंतप्रधान नरेंद्र मोदी https://t.co/mhCA0dRLpB #PMModi pic.twitter.com/qh720ok5ug

— TV9 Marathi (@TV9Marathi) August 15, 2021

पंतप्रधान मोदी म्हणाले, “देशातील प्रत्येकापर्यंत चांगल्या आरोग्याची व्यवस्था पोहचवण्यासाठी प्रयत्न केले जात आहे. यासाठी आयुष्मान भारत योजनेत गुणवत्तापूर्ण आरोग्य सेवा पोहचवल्या जात आहेत, नागरिकांना स्वस्त औषधं उपलब्ध करुन दिले जात आहे. आता ब्लॉक स्तरावर आधुनिक रुग्णालयं उभे करण्यावर भर दिला जात आहे. पुढील काळात रुग्णालयांकडे स्वतःचे ऑक्सिजन प्लँट असतील.”

“देशातील 100 टक्के घरांमध्ये वीज आणि शौचालय”

“देशातील 100 टक्के घरांमध्ये वीज पोहचली, 100 टक्के घरांमध्ये शौचालय निर्मितीसाठी प्रयत्न केले. आता देशातील प्रत्येक घरात पाण्याचा नळ देण्यासाठी काम करणार आहे,” असंही मोदी म्हणाले.

“100 टक्के गावांमध्ये रस्ते असावेत, प्रत्येकाला हक्काचं घर असावं”

नरेंद्र मोदी म्हणाले, “उज्वला योजनेपासून आयुष्मानपर्यंत योजनांची ताकद सर्वसामान्यांना माहिती आहे. मात्र, इतक्यावरच थांबायचं नाहीये. 100 टक्के गावांमध्ये रस्ते असावेत, सर्वांकडे बँक खाते असावेत, सर्वांकडे आयुष्मान कार्ड असावे, घरकुल योजनेतून प्रत्येक हक्काच्या व्यक्तीला घर द्यायचं आहे.”

भारताने कोरोना लस तयार केली नसती तर काय झालं असतं? : मोदी

भारताने कोरोना लस तयार केली नसती तर काय झालं असतं? मात्र, आज देशात जगातील सर्वात मोठी लसीकरण मोहिम सुरू आहे. हे खरं आहे की आपण अनेक लोकांचा जीव वाचवू शकलो नाही. त्यामुळे हा काळा पाठ थोपटून घेण्याचा नाही. या काळात अनेक लहान मुलांच्या डोक्यावर हात फिरवणारे कोरोनाचा बळी ठरलेत, असंही मोदींनी नमूद केलं.

“देशाच्या फाळणीने देशाला मोठी जखम, म्हणूनच हा दिवस यापुढे साजरा करणार”

देशाच्या फाळणीने देशाला मोठी जखम केली. म्हणूनच हा फाळणीचा दिवस यापुढे दरवर्षी साजरा केला जाईल. या दिवशी फाळणीमुळे ज्यांचा मृत्यू झाला त्यांची आठवण केली जाईल, असंही मोदी म्हणाले.

“ऑलिंपिकमध्ये देशाचं नाव रोषण करणाऱ्या खेळाडूंसाठी टाळ्या”

मोदी म्हणाले, “देशात पूर आणि भूस्खलनाच्या दुर्दैवी घटना घडल्यात. या घटनांमध्ये प्रभावित सर्वांसोबत केंद्र सरकार उभं आहे. ऑलिंपिकमध्ये देशाचं नाव रोषण करणाऱ्या खेळाडूंच्या सन्मानासाठी देशवासीयांना काही वेळ टाळ्या वाजवाव्यात.”

पंतप्रधान मोदींकडून महात्मा गांधींपासून नेहरुंपर्यंत सर्व स्वातंत्र्यवीरांना अभिवादन

पंतप्रधान मोदी म्हणाले, “देशाच्या संरक्षणासाठी बलिदान देणाऱ्यांना, स्वातंत्र्यासाठी आयुष्य समर्पित करणाऱ्या महात्मा गांधी, सुभाषचंद्र बोस, भगतसिंग यांना नमन. देशाचे पहिले पंतप्रधान जवाहरलाल नेहरु, सरदार वल्लभभाई पटेल, डॉ. बाबासाहेब आंबेडकर या सर्वांना देश आठवत आहे. या सर्वांना वंदन करतो.”

पंतप्रधान मोदींना लाल किल्ल्यावर गार्ड ऑफ ऑनर

पंतप्रधान मोदींना लाल किल्ल्यावर गार्ड ऑफ ऑनर

Delhi | Prime Minister Narendra Modi inspects the guard of honour at Red Fort pic.twitter.com/Y2tMYsFQ62

— ANI (@ANI) August 15, 2021

पंतप्रधान मोदींनी लाल किल्ल्यावर राष्ट्रध्वज फडकावला

Prime Minister Narendra Modi hoists the National Flag from the ramparts of Red Fort to celebrate the 75th Independence Day pic.twitter.com/0c3tZ6HQ3X

— ANI (@ANI) August 15, 2021

पंतप्रधान मोदींकडून राजघाटवर महात्मा गांधींना नमन

पंतप्रधान मोदींकडून राजघाटवर महात्मा गांधींना नमन

Delhi | PM Narendra Modi pays tribute to Mahatma Gandhi at Rajghat on the 75th Independence Day

(Photo source: DD News) pic.twitter.com/n9sybFSV1f

— ANI (@ANI) August 15, 2021

पंतप्रधान नरेंद्र मोदींकडून ट्विट करत देशवासीयांना स्वातंत्र्यदिनाच्या सदिच्छा

पंतप्रधान नरेंद्र मोदींकडून ट्विट करत देशवासीयांना स्वातंत्र्यदिनाच्या सदिच्छा.

Greetings to you all on Independence Day.

आप सभी को 75वें स्वतंत्रता दिवस की बहुत-बहुत बधाई। आजादी के अमृत महोत्सव का यह वर्ष देशवासियों में नई ऊर्जा और नवचेतना का संचार करे।

जय हिंद! #IndiaIndependenceDay

— Narendra Modi (@narendramodi) August 15, 2021

थोड्याच वेळात पंतप्रधान मोदी लाल किल्ल्यावर उपस्थित होणार

75 व्या स्वंतत्र्य दिनाच्या समारंभाची लाल किल्ल्यावर तयारी पूर्ण झालीय. काही वेळातच पंतप्रधान मोदी लाल किल्ल्यावर येऊन राष्ट्रध्वज फडकावतील आणि देशवासियांना संबोधित करतील.

Delhi | Preparations underway for the national flag hoisting ceremony at Red Fort later today on the occasion of India’s 75th #IndependenceDay pic.twitter.com/mxsWuf8lTi

— ANI (@ANI) August 15, 2021

लाल किल्ल्यावर कधी काय होणार, संपूर्ण वेळापत्रक

• सकाळी 6.55 वाजता संरक्षण सचिव येतील.
• सकाळी 6.56-6.59 वाजता सीएएस/सीएनएस/सीओएएस/सीडीएस उपस्थित होतील.
• सकाळी 7.08 वाजता संरक्षण राज्यमंत्री अजय भट्ट येतील.
• सकाळी 7.11 वाजता संरक्षण मंत्री राजनाथ सिंह येतील.
• सकाळी 7.18 वाजता पंतप्रधान नरेंद्र मोदींचं आगमन होईल.
• यानंतर गार्ड ऑफ ऑनर दिलं जाईल.
• सकाळी 7.30 वाजता पंतप्रधान मोदी राष्ट्रीय ध्वज फडकावतील.
• राष्ट्रगीत. (हेलिकॉप्टरमधून फुलांच्या पाकळ्यांचा वर्षाव)
• सकाळी 7.33 वाजता पंतप्रधान नरेंद्र मोदी राष्ट्राला संबोधित करतील.
• सकाळी 9.30 वाजेपर्यंत कार्यक्रम समाप्त होईल.
• राष्ट्रपति रामनाथ कोविंद सकाळी 11.30 वाजता नॅशनल वॉर मेमोरियल येथे जातील. तेथे सीडीएस आणि तिन्ही दलांचे प्रमुख उपस्थित असतील.